gehts echt lei um mein körper?
TW: gewicht/ ernährung/ ED. wenn du mit deina beziehung zu essn strugglest, lies den blogpost ggf nit.
ongfongen hot olles eigentlich damit, doss i heia auf insta gepostet hab, doss i popo trainia& mehr popo will. warum i des öffentlich teil? weil i mi selba mag& akzeptia, oba a genauso darf man als zfriedena mensch an sich oabeitn. & hjo. wos sig i in deinen dms? a girl schreibt „überleg da des guat, wenn de oasch trainiast konnst bei de oberschenkel zuanehmen, donn sein de nerma so dünn.“ de nachricht hau i in kategorie „intressiat mi nit“ mei antwort „wär ma egal wenn i zuanimm.“ und sie „i wa gern so dünn wie du! sei dankbar so a figur zu ham“ ok ok.
a girl hat mi a im club angredet, doss i jo auf insta „dicka“ ausschaug als in echt. warum i des tua frogs mi donn. hahahahahaha. herrlich! alan mi als „dicka“ online zu bezeichnen is SO PROBLEMATISCH. i werd do a nix schenredn, i würd mi a nit als normal gewichtig bezeichnen, weil sich dann so viele menschen getriggert fühlen. und es is so a schwers thema drüber zu schreiben, merk i a grod wieda& deshalb hab i mi a lang gedruckt davua. oba es ghert wieda mal angredet. zruck zum thema: dünne menschen als normal oda „dicka“ zu bezeichnen is so folsch. und doss i vielleicht auf insta mi nit imma von meina schokiseitn zag (jede seitn von mir und eich sein schokoladnseitn!!!) is guat so. & wer des empfinden hat i bin in echt viel dünner: spoats eich de meinung bitte. & i mag a nit hern, doss i volle weisse haut hab oda doss i jo SO KLAN bin. weil i damit nit umgehen konn? na sia, oba I KONN NIX DRONN ÄNDERN ALSO RED MA ES NIT ON OKKKKKKK.
i hab mal 25 kilo mehr ghabt. und i werd bis heit gfrogt, wie i so abgnommen hab. und do glei mol: herts auf des zu frogn! herts auf ondre über seina gwicht auszufratschln& komplimente zu mochn, wenn wer abnimmt! wos wenns wegn ana krankheit/ schweren lebensphase is?? wos wenns nit freiwillig woa. und i was viele ham mi mit de 25 kilo mehr nit guat gfundn. oba spoiler: i mi schon. warum i abgnommen hab? aus gesundheitlichen gründen. & mehr sog i dazua nit. oba: niemand, aussa a ärtzin/ arzt, sollte eich sogn, doss zum abnehmen is. & do glei da reminder- gesundenuntersuchung is nit lei fia olte leit!! & wie i genau abgnommen hab und pipapo- des is privat. und wie gsag: frags nerma danach bitte ❤️
i kann nix dafia, doss a girl eventuell gern so „dünn“ wa wie i. & olle, de um senre figuren beneidet werden, egal welche form- kennen nix dafia. würde man aufhern „dünne“ „gutspurige“ menschen zu beneiden& eifern und donn noch zu sogn „de is dünn de greg olls und jedn“- tats an selba bessa gehn. nit mei flacher bauch is da grund, warum du neidig auf mi sein solltest. du solltest goa nit denken „i hätt gern ihrn körper!“ wa jo vü gscheida, du denkst da, doss de gsund bist, on dia oabeitn willst& di lei mit dein oltn ICH vagleichest. oba dieses bodyshaming zipft mi so dermassen an. egal ob jemand in deinen augen zdünn/zdick/ zklan/ zgross is- es geht di nix an. & dei meinung is relativ uninteressant fia ondre.
gonz ehrlich: tat i wieda zuanehmen, was ka thema fia mi. i tat mi megn, weil i a mit an diandl in gress 42 happy woa. & wenn sich wer denkt „booooah de hot zuagnommen!“ würd i ma lei denken: „wenn i damit von deinen inneren probleme ablenk, hob i da e an gfolln geton“. es geht in mein leben holt echt lei um mi. und meine lieblingsmenschen von denen btw NIEMAND gsag hat „nimm ob!“ „geil doss de so schmol woan bist“ oda solch sinnlosen kommentare: bin so dankbar, menschen in mein umfeld zu ham, de sich um mei seelisches wohlbefinden kümmern, oba nit um de zohl auf meina woog. sollte sich eicha boyfriend imma wieda lächerlich über eichre „problemzonen“ machen oda a depate grosstante aklean, doss du jo wie a germknedl bist- loss es da nit gfolln. niemand hat a recht di so zu beurteilen. so ane leit braucht ma nit!!
warum i kaum wos post wos i iss? weil de anen tatn sogn, zvü, ondre sogn zwenig. unsa gesellschaft& social media treibt viele von uns in ungsunde beziehungen zu essn. und gottseidank hab i nerma a schlechts gwissn, wenn i ma an döner einehau nochn ausgehen oda i sig essn a nerma als „gönnung“, oba i merk rund um mi uma: menschn vagessn oft ans: nahrung brauch ma zum leben. gonz anfoch. & unser körper braucht energie um uns durch unser leben zu trogn.
i bin ehrlich no nie von wem ongredet woan wegn meiner figur. glabs ma. wer davon tramt, tramt a von hase eislutscha? i hob eher mit mehr kilos de guatn riss ghobt, wenn i so hinta denk. hahahah. oba nie woa mei figur irgendwo thema& bezweifl doss es ba wem ondan ondas woa. und ehrlich: wenn a typ nur girls mit kleidergres 32 datet, is vamutlich nit der charakterliche lotto 6a den ihr vadient habs :-))
wenn dei charakter geil is, dei lochn onsteckend& der vibe passt- passts. dei gewicht is dem gegenüber scheiss egal!
wie oft greg i mit doss wer sog „mit x kilo fühl i mi bessa!“ und donn erreichts de person und guess what? nix hot sich gändat. 64 kilo oda 57- wenn dei charakter gleich kacke bleibt, werst du nit glücklicher! olle fitfluencer*innen wern jetzt durchzuckn oba: wenn de an deiner figur arbeiten willst, fong mit deiner selbstliebe/akzeptanz an. akzeptia, doss du in den körper geboren bist& leb im HIER UND JETZT. und donn wie gsag gehts abnehmen, wenns wirklich not is, leichter. & sport is nit zum reinen abnehmen, sundan fürs körpergefühl. i hob nit de spotzn, um 3 kilo weniger auf da woog zu hom. i hobs, weil i ma danach denk „geil mei körper is so gestärkt, i fühl mi mehr!“
oft merk i, wie mei körper als thema überhand nimmt. & i vastehs nit. weil i bin selber nit für reine bodypositivity sundan neutralität. i hab an körper, gsunde fias de mi durchs leben trogn& i hab mal a festere, mal a dünnere phase. nie im leben werd i braungebrannt sein, nie im leben wer i a mega taille haben, no wirkliche hüften. i kann trainieren& mein körper stärken, muss i aber nit. i darf tage haben, wo i sog: WARUM SIG MAN BA MIR JEDE ADER! und i find meine lippen zdünn. aber am ende vom tog wert i mein körper nerma. weil egal wie er is, solong er gsund is& mei seele a, is olles guat. & na i lieb nit olles abgöttisch an mein körper. aber i akzeptia olles an mein körper. ✨
nit dei gewicht mocht di aus, sundan dei charakter!!
also wos lern ma?
1. nit übers gewicht anderer zu urteilen, man was nir wos dahinta steckt & es is holt a so egal.
2. wer abnehmen will, um glücklicha zu wern, konns glei lossn.
3. nit jeda nimmt ab& will dafia komplimente.
4. seelenarbeit> diät
5. dei traumfigur bringt da ka traumleben oda den traummensch
DU BIST GNUAG SOWIE DU BIST. ❤️