olles schein

oft bin i sprachlos, wenn i mitgreg wie mitmenschen eigentlich so sein. wenn de merkst: de sein mehr schein als sein.&i hab letztens wo so wos wichtiges glesn: Wenn du imma so tuast als ob, behondln di de leit a so. und donn darfst di nit wundan. wos i damit man?

beispiel: trennung. de miri is frisch getrennt und dazelt ollen, doss es schon wieda geht. supa geht es ihr. es is ka thema und na sie hot des mit sich geklärt. und wos is? im v noch 3 shots sitzt se blerentiga am klo und schreit des girl on, dessen foto ihr ex geliked hot und fiat sich auf, als wa jeda auf der welt schuld. ihre freindinnen sein verwirrt und entteischt. warum host du nix gsogt? wir hättn driba redn kennen.

oda wenn jemand so tuat als wa sein job sei ein und olles und es is ka stress, sundan reine freid und donn haut sich de person ins burnout. und kana hot wos verhindern kennen, weil der schein jo woa „olles kloa!“

i holt davon nix. weil wos hot man do fane freind? i bin imma 120% ehrlich zu meine leit und sog senen, he du des beschäftigt mi heit und eventuell morgn donn is wieda vorbei. oba red mi nit auf X on und loss ma des thema x heit sein. und des is guat so. weil du darfst schwoch sein. wenn du so tuast, als wa de trennung vaoabeitet und du kimst kloa und du datest sogoa wieda, awoat da nit, doss leit automatisch frogn wern „bleast du wohl nit noch in da nocht dein ex hintaher?“ weil se glabn, es geht da guat. dawoat da nit, doss de leit, wenn du sogst, du bist selbstbewusst as fuck, hinta de fassade leicht dablickn und spian, doss du se onliagst. und wenn du di danach sehnst, doss di wer in oam nimmt, weil du doch nit so stoak bist; ZAG MENSCHEN DES. wenn du auf stoak und alankämpferisch mochst, werd kana kemen und di ondas behandeln.

des mogi jo gooooooa nit: wen mir wer sogt, ihm gehts guat und er braucht ka hilfe. und donn später irgendwie aufkimmt „kana woa do fia mi!“ JO WARUM? weil du so getan hast als ob. bin wirklich selbstbewusst, i bin wirklich gern alan, aber es is imma no so, doss i an schlechtn togn meinen liebsten des gegenteil sog. und des is gsund.

es gibt an zweiten schein/sein punkt. i tat nie neidig auf wen sein. i schaug auf mi. wenn a typ mei freindin im club onredet, feier i des. sogoa, wenn a typ, der mir taugt, a fremde onredet: GO FOR IT! i tat gern vor allem frauen des konkurrenz gefühl ausn kopf löschn. glabs ma, es leben is so viel geila, wenn man sich mog und no wos: klar konnst du vua da tia so tuan als wärst a selflove babe, des strong af und independent is. oba wenn du dei wohnungstia zuaschlogst und in tränen ausbrichst:

girl, des is tausend mol toxischer als jeder fuck boy di a nur behandeln kann.

Liaba du stehst dazua, doss du no nit ankemen bist, doss du no ka 100% selbstvatraun aufgebaut host und no zeit brauchst. liab a so, als jedn wos vuazuspiele, vor allem dir selba! es nutzt nix, textln zu repostn und ihr donn redets von „i lieb mi selba!“ oba eich mit dem girl, des a hosngres klana trogs, vagleichts und neidig seids. i glab nämlich nit, doss des girl mehr erfolg bei an typen hot weil er sich denkt „de beinchen hom 2 cm weniger Umfang!“ und ihr wissts jo a nit wie es dem girl geht oda? wos, wenn de sich grod aus ana essstörung bewegt und ihr miasts do so supa groß redn, doss sie a depate olte sein muas und so ane dünnen haxn hot und dabei seids neidig.. fia nix?

wo i oft bauchweh greg: leit postn meine textln voller selbstliebe und hom daham kan spiagl aufghängt. weil se sich nit ondaschaugn, weil se oft so unnötige und verletzende aktionen ondan gegenüber bringen. btw: DANKE FIA OLLE DE MEINE SOCHN REPOSTN IHR ENGL! Lei wirklich fühlen/ gspian wa a no recht. nit meinetwegen sundan wegn eich selba!!!

es hilft eich a nix, loyalität in de insta storie haun und in echt konn man auf eich nit baun. weil sobold a guat aussehnda mensch kimt, werfts olle prinzipien über board und aus sisters for misters wird hoe weil bro. wissts wos i man? i valong echt nit von jedn, doss er schon so weit is, wo er sich volle liebt. valong i nit, geht mi nix an und sollte ma eigentlich komplett egal sein, lei konn i nit imma wegschaut.

es is so ironisch wenn wer #selflove unta sei posting haut und des foto anfoch fuckin oag beoabeitet is. und doss man wenn wer fotos von an mocht IMMA sog „gfollt ma nit!“ äh des is anfoch dei gsichtl und du schaust guat aus und doss du nit ausschaugst wie de bearbeiteten models auf instagram is jo kloa. des solltest da a nit als ziel setzn. und so verstärkst du jo lei dei schein-wesn.

öfters her i, doss leit sogn, se kenntn nit so unperfekte sochn wie i postn. mei meinung: i kennt nie lei perfekte sochn postn & sog des fost nie laut (aussa grode.) oda olta es gibt frauen, de sogn ma warum i gewisse fotos nit bearbeit. WEIL ES MA SCHEISS EGAL IS. du deafst mei ader auf da stirn segn, doss meine obaarme „dicka“ ausschaugn wie in echt oda doss i auf insta fotos generell fester ausschau als i bin (alan wer mi als fest betitelt, soll mol überlegen, ob er an sinn zur realität besitzt). weil es ma egal is. weil i insta dafia verwenden will, doss do realität und unperfektion platz hat. weil i nit will, dass andre girls meine fotos speichern mitn wunsch „i wü a so ausschaugn!“ und dabei hob i ma komplett olles retuschiat. wissts, des is olles so a bledsinn. bullshit. homa do schon ghobt.

falls es so rüber kimmt: i bin btw nit neidig auf girls de mehr follower auf insta ham mit retuschierten fotos oda so. sollte wer nochn lesn manen i bin lei a haterin, na. mir san de egal, eher bisi mitleid wenn. & es is unfair den Menschen de des als vorbild nehmen. homma uns? i leist so oabeit, de ondre mit senan gelogenen ubd geschummelten postings zerstören. de larissa sog i bin guat gnuag, ob de X greg fia ihr retuschiertes bild 2.000 likes, i will a. warum soll i mi lieben, wenn mi a typ lieben kann des reicht bei der X jo a… i wiederhol: i leist schon eher vü oabeit, eich zu zagn: ihr seids gnuag so wie ihr seids. im internet wirkt vieles perfekt, wos es nit is. vergleichts eich mit kan ausa eich seiva. niemand mocht eich happy, des is eia job. danke fias do sein, lesn& vastehn.