sie hot jo lei ongst

sie hot jo lei ongst

23. Februar 2022 2 Von Laxobu

herzltexte meg ma olle. deshalb here we go 🙂 und folls ihr eich im textln wieda erkennts, na i schaug nit in eichre kepfln, jo eventuell bin i a hex, oba des konn i donn decht nit ✨

er frogt se, ob se heit nocht wieda vorbeikimmt. wieda huckn, wieda schmusn, wieda nit drüber redn, wos des zwischn senen is. hättn se wenigstens sog „passt wir sein fi*k-huck-freinde“, donn warn de grenzn kloa gezogn. donn geht des herzl sowieso in selbstschutzmodus und man schaut sich weiter um. man genießt donn lei de zeit zu zweit, de berührungen, de aufmerksamkeit und wenn man hamgeht, is des kepfl nit bei der person, sundan beim restlichen leben. des hätt se sich gwunschn, doss man des amol so onredet. oba na, man redet über gott und de welt, lei nit über des zwischen senen.

sie suacht a ausred, warum se heit nit kimmt. oba nit weil se nit will, weil vamissn tat se ihn und sei stimm. weil se grantig is. weil se nit was, wos se sogn soll und sie es ständige gefühl hot, es zu vabauen. sie is so grantig auf sich selba, weil se sunst so selbstbewusst und ehrlich is, oba ba ihm gefühlt ka wort spricht. also schon gnuag, oba nit des, wos in ihrn kepfln umageht. sie steht so neben sich, obwohl se eigentlich gern on seina hond wa. liaba sie sogt nix, als doss es donn vorbei is.

sie hot ongst, olles zu gebn. ihm olle wundn zu zagn und geheimnisse onzuvatraun. sie hot ongst, komplette zeitverschwendung zu betreiben, weil vielleicht werd des nit long bleibn. sie hot ongst, fia ihn gefühle zu entwickeln, de er nit amal erkennt oda verstehen tat. weil wos, wenn er lei sogn tat „ääääh des is oba lei a schnaxxlerei fia mi?“ wos wa des fa schlog in de mogngruabn? tats ihr donn bessa wie jetzt gehn? wahrscheinlich nit.

longsom werds schon a taktik, jedes dritte date/treffn obzusogn, damits nit zviel wert. zwa mal de woche ihn zu segn is qual genug, obwohl de tog dazwischn schlimma sein. lei sie bildet sich ein, ihn öfters zu segn tat lei no mehr schwa sein. wos se vagisst: nutzts de zeit mit menschen, de ihr gern hobs und de eich guat tuan. weil wir sein lei gost auf dera welt und solltn so vü zeit wie nur möglich mit denen verbringen, mit denen wir es a wirklich wolln. just sayin‘

es is de fuckin unsicherheit, ob do jetzt mehr is oda nit. ob er nebnbei drei ondre bängt oda doch in da nocht on sie denkt. wos, wenn sie sich lei in de gedonkn verrennt? kloa hom de girls letztens a gmant wie se olle zamm fuat woan, doss der typ in sie mehr sig als lei a nette sexgelegenheit. oba de sein holt supportive ohne ende und wolln jo lei gach, doss sie es onspricht. will sie jo a. warum tat er des nit tuan?

sie hot ongst, doss es donn morgen nerma is wie heit. doss ka nochricht mehr kimmt mit „i wünsch da an schenen wochnstart“, wos ihr montog zwanzig mol schena mocht. wer holt se donn jetzt ob in da nocht, wenn se de shots-anzahl übersegn hot? wer sog ihr imma wieda wie schen se is und doss ihr oasch genau des is, wo er in da nocht zuabeliegn will? sie hot ongst, doss des zwischn senen lei a gonz a kurze gschicht is. er lei a lebensobschnittsgefährte is, obwohl er holt genauso guat ihr leben sein kennt. findet sie holt. wos er dazua sog, was se jo nit. warum sogt er nix? warum greg er nit den mut zamm? spricht es wenigstens mal an? sowos wie „he du übrigens i triff grod kane ausa di. weil wast.. i bin verliebt!“ warum sogt er des nit anfoch?

und wenn se bei ihm is, beißt se sich a auf de lippn. und gonz zach werds donn ob 3 in da fruah, wenn se liegn gehn. sei oam um sie uma, ihr hond liegt auf seiner brust. und sie zählt von 100 oba. und wenn er von 100 bis 1 ka wort sogt, gibt se de hoffnung fia de nocht wieda mol auf. weil sie sich selba nit getraut. donn steigt der wunsch in ihr auf, ihm zu frogn „wos is des zwischn uns?“ oba sie was genau, noch 2 in da fria spricht man solche themen nit on und wos wenn er sog „lei freinde, maus!“ ääääh wie soll de donn de nocht noch ausholtn? also doch liaba schweign. und schweign. und schweign. und weiter leidn.

kiddos, wos i eich sogn will damit? redets sochn, de eich im kepfln umagehn on. dringend. und ziags mit gewissen menschn kloare linien. wenn des lei freinde sein wollts, sogs des. wenn ihr eich sexuell hingezogn fühlts, oba wissts, doss de person nie on eichra seite als partner stehen soll, sogs des a ehrlich. und wenn ihr wen megs: es gibt 1000 wege der person des zu sogn, entscheid di anfoch es zu tuan. und bitte nit um 3 uhr morgens vuam V mit olln promill per whatsapp oda telefon. des tuama nit. werd i kemen und eich de handy obsommeln, schwöre!!! 💚 liaba liebesbriafln schreiben!!