Nit mal es mindeste?

eigentlich wollt i lei über liebesbriefe schreiben OBA I KONN NIT. i muas do so a hases thema onredn und i was, des werd weh tuan. tats mir jo a, oba i muss anfoch. bitte. es geht a um liebesbriefe oba es geht a um den V-DAY. & um in falschen beziehungen zu sein.

an alle menschen, de beim vday schon wieda bauchzwickn gregn, weil se wissn, doss sena partner, a wenn de person genau was, wie wichtig eich des wa, nix schenken werd, sich nit drum scheren werd und generell kan funken romantik in da beziehung haben will: i denk on eich. und es tuat ma so lad. und i schreib jetzt zeilen, de i a auf insta heit postn werd:

Wenn a mensch des minimalste, klanste, wenigste, nit dagibt, wos eich oba SO WICHTIG wa: warum lossts ihr den menschen donn so nah zuabe?

ohne witz. i was es is schiach. oba wenn du unbedingt amal an briaf haben willst und des der person sogst und de nichtsdergleichen tuat.. warum hoffst du donn noch? wenn du a rote rose am V-Day willst und sogst des der person und de locht und sogt es is kindisch: is des anfoch a folsches verhalten. verstehts mi nit folsch, es geht nit lei um den valentinstag. und wenn du als schülerin vom freind neie airpods willst und de nit gregst, bsit du a klanes fratzl. oba wenn dir es wichtig is, doss sich wer wenigstens a poa klane gedanken um di macht, bist nit zu zu erwartungsvoll, de person gibt zu wenig.

jo es gibt menschen, de brauchen nix. oba i würd ma schon a wos erwarten. & i wär a enttäuscht, wenn i geburtstag feier und mei partner macht liaba was mit seine freind. i wär a enttäuscht, wenn i nach mein 5. liebesbriaf imma no selba ka anziges handgeschriebenes wort greg hab. &

oba bitte: sprich es a an. kana kann schmecken, doss du gern rosen hättest, wenn du es nit sogst. wie soll er wissen, doss du heit abend gern essen gehen willst, statt dass er mit de boys zockt, wenn du es nie sagst? wie soll sie wissen, doss du als mann a gern amal a klane aufmerksamkeit hättest oda a kompliment? KOMMUNIKATION KINDA!!!

es geht ma da gar nit um den valentisntag, aber des is halt so der tag der frustationen. und des muas nit sein. weil wenn dei partner es nit amal schafft, in drei joa beziehung amal an briaf zu schreiben weil „echte männer tuan des nit“ überleg da echt, ob du so an „mann“ in dei bett und unta dei hosn lossest. I SOG WIE ES IS OK??? wer zur hölle hot bestimmt, doss a monn nit genauso mal a paar zeilen schreiben kann. und warum kann nit mal a frau zum mann sagen: i find di richtig schoaf? oda ihm anfoch chips mitbringen? i was jo nit oba de klassische rollenverteilung is schon so lame und fad, i mag mi nit mal mehr damit beschäftigen?? wenn ihr wirklich in solchen beziehungen seids, wo ihr lei frustriat seids, weil de person nix tuat fia eich und ihr so gern mehr hättest:

 

glabs ihr, ihr findets do wo ihr grod unglücklich seids, eicha glück? oda gibt es do eventuell bessere menschen fia eich?

spoiler: niemand wird sich fia eich verändern und ihr werds a nie wen verändern kennen. also wenn du ba ihm nit glücklich bist, wirst du es a höchstwascheinlich a nie, bis er sich holt SELBA ändern will. Vastondn???

jetzt zum thema liebesbriaf..

i predig es eich schon seit JAHREN & tua es selber schon seit JAHREN: liebesbriaflen schreiben. und jo nit jeder hot a romantische seite und nit jeda findet des für notwendig. oba jetzt seima uns ehrlich: a liebesbrief is jo nit zwingend fia eich selba gedocht, sundan fia de person, de den greg. und na es muss nit lei de freindin, an liebesbriaf gregn. sundan a es gspusi, da beste freind, de mama, de liabe kollegin, menschen, de dei herzl berühren. und i wü goa nit wissen, wie vü liebesbriafe daham wo umakugeln und man se nit abschickt (ba mir liegt momentan ana auf da Rückbank.)

how to- liebesbriaf schreiben: es gibt ka grundrezept, ka anleitung, wie du an liebesbriaf schreiben sollst. es braucht eigentlich lei.. liebe und ehrlichkeit und a funkn magie. (E LEI LARISSA THAHA) und parfum. bitte spria den mit parfum ein, weil wenn i an briaf aufmoch und den altbekannten, heißgeliebten geruch von der person verspür… HIMMLISCH. es deaf do olles drinn stehen. und wenns lei a „i mog di“ is, is es schon wos. und wenn du do dei lieblings-playlist aufeschreibst oda a quote, des di on de person erinnert.. reicht des. es miasn keine 13 seiten ewig langes „392 gründe wieso i di lieb“ sein, weil seids ma nit bes, do muas sogoa i mit mein schreibtalent mol googlen und überlegen… liaba 10 ehrlich schene zeilen wia 2 seiten voller leerer versprechen und sinnlosen quotes. (bitte verzichtets auf cheesy sätze wie: i denk 16 stund on di, de ondan 8e tram i von dir HAHAHA.) 

a liebesbriaf is nit lei a briafl, des is a wertschätzung, a geste, a zeichen, a erleichterung, a aufmunterung. a olles. imma wenn i so a briafl in da hond holt, denk i ma „wow. de person hat wirklich sich de zeit fia mi gnommen.“ und es gibt holt nix geileres, als doss sich a person fia di zeit nimmt. und wenn se holt sich de zeit, wo se nit ba dir is, nimmt, um dir wos schenes zu schreiben. ihr merkts, i bin begeisterte liebesbrief-schreiberin und gregerin. i hab sogoa ernsthaft mal überlegt onzubieten, doss des nit nur postkartln ba mir bestellen kennts, sundan a liebesbriaf vorlagen ahhaha. hätt des wer gekaft? wenn man mia poa hard facts gibt, reiß i do an liebesbriaf-text her, den des lei mehr obschreiben miasts. ma wär des no liebe oda a scam?

und falls du da denkst, doss du kan liebesbriaf gregn werst.. bitte. du wast jetzt genau wos i schreiben werd oda? Donn schreib da wenigstens selba an. na nit wenigstens, sundan schreib dir selba an. weil wer kennt di bessa als du di? wer mog di mehr als du? also gönn da selba poa schene zeilen. moch i a . ständig. und es is mega cool.
zufällig bin i bald mit mein halben Jahr 6-minuten-tagesbuach fertig und i was, doss i da zu beginn mein zukunfts-ich a mail geschickt hab. und i was, doss es de wochn amal kemen werd UND I BIN SO HYPED. weil im september woa i grod nit so a frisch gegossenes, mega positives blümchen, da hab i über sachen geschrieben, de mi damals belastet haben und i hab gwusst, doss i e nerma do sitzn werd, wo i damals gsessn bin und jo. tränen in 3,2,1… ma i sogs eich haah.

also was hama heit glernt? jemand, der eich kan briaf schreiben will oda es nit für wichtig findet, eich a klane freid zu mochn, hot eich nit vadiant. ihr hobs es beste auf da welt vadiant. liebesbriafe sein cute & ihr a. und i a :))

bitte holtets eich den sunntog frei, um über mein neichn blogpost „red flags“ drübazulesn! DER WERD HÄRTE FUNNY!!!