meine green flags

relativ spontan hob i heit entschieden, meine green flags mit eich zu teiln. des habs mit mir a eichre green flags geteilt, de i heit in de stories ghaut hab. folgs ma gerne auf insta, do bin i eigentlich a recht funny unterwegs. green flags sein eigenschaften/dinge/verhalten von menschen, de man liebt. und es gegenteil sein red flags und über de schreib i de nächstn wochen dann amal.. hab momentan so viel blogpost-stoff, des konn lei a geiles joa wern!

grad in letzter zeit hab i privat eftas erklärt, was mir an menschen, gewisse dinge natürlich vor allem männlichen wesen, wichtig is. treuer und loyalität schen und guat, oba do gibs schon ondre dinge, de do a kern. HUMOR UND TRINKFESTIGKEIT. spass ahah. also de greenflags betreffn menschen allgemein, oft sein dann eher so männer/gspusis gmant, dann wieder mehr friends. hjo let’s gooooo 🙂

mei fürsorge schätzen& ernstnehmen

i bin schon eher a fürsorgliches wesen. i mach ma gern& zvü gedanken um ondre leit, vor allem wenn se ma wichtig sein. also greg man von mir schon eftas a „sog wenn de daham bist.“ „gehts da wirklich guat“ „schreib, wenn du ankemen bist“. i glab, jeder mensch, der an feiawehrmann/frau im kreis hot, kennt des gefühl im bauch, wenn se auf an einsatz sein. & doss man erst, wenn de person wieda daham is, sich gmeldet hat, ruhiger umalafn kann. i glab des is wohl da geheime grund, warum i no kan feiawehrmann gedatet hab. auf olle fälle, dablos i es nit, wenn jemand mei fürsorge nit schätzt. oda lochnd sog „wos werd mir passian?“ oda doss i nix schwitzn soll. ihr wollts eich nit vuastelln, wie i schwitzn kann, wenn sich jemand für gewisse zeit nit meldet. und hjo. deshalb wenn i eich sog, ihr habs eich zu melden, tuats des a bitte. und generell: schätzts es, wenn sich leit um eich kümmern/an kopf mochn. 

mit name anreden

es hat mal an alten freind geben, von dem i heit nit mal mehr de nummer hab (grüße gehen raus an de guate seele Leon R.) , der wirklich wos gmacht hat, was mei herzl imma wieda aufs neiche berührt hot: er hot so guat wie imma mein namen in mund gnommen. beim anruafn „hallo, larissa. i ruaf an weil..“ oda „wie gehts dir, larissa?“ und so weiter und DES IS SO WOS SCHENS WENN WER DEIN NOMEN ANFOCH IN AN GESPRÄCH VERWENDET.  seitdem bemüh i mi des selber a eftas zu machen.

random anrufe

NIX IS GEILA AUF DERA WELT ALS FREINDE DE DI RANDOM ANRUAFN. oda sogoa facetimen. i lieb generell mit leit zu quatschen, weil schreiben tua i beruflich sowieso genug. & man kann nit ständig alle leit treffn, deshalb telefonian. egal obs a guate freindin is oda a siasa kerl: anfoch bisi quatschn is imma fein. und eben wenn wer wos schnell dazelen will um 13 Uhr 28 und ma des glei sogn muas, LIEB ES. tuats mehr leit onruafn/ onfacetimen.

nach dates fragen

damit man i nit zwingend als typ a girl fragen, weil des darf de frau a selber machen. oba i mogs anfoch, wenn leit frogn „host du zeit fia mi de woche?“ oda „wonn bistn wieda mal in der nähe?“ oda „i hab montag zeit, wie schauts aus?“. i bin leider oda nit leider a recht beschäftigte maus und hab echt mehr leit zum segn als zeit. und es freit mi sehr, wenn jemand anfoch frogt, ob i do oda do zeit hab. und JA, fia de richtigen leit nimmt man sich donn a de zeit und man kann andre dinge absagen/verschieben. ka call is wichtiger als de beste freindin. des fitte hot a am tog danoch offn, wenn der cute boy di segn will. und hjo: a sache der prioritäten. i gfrei mi jeds mal, wenn wer von meine friends oda potentielle gspusis (als wa de auswahl so groß HAHA) frogt, ob i zeit hab :))

liada schicken

uuuuuh jo damit greg man mi imma. i liebs, wenn leit geile liada hern und ma de donn anfoch schickn. kert jo vü mehr.

bei antanzen helfen ahah

so wichtig. i woa in innsbruck mal aus und a cuter boy hot mi angetanzt, oba der woa donn doch hoate 17 und donn woa i so „ciao baby“ und er hat mi dann den ganzen abend no angetanzt, zwoa nit zu aufdringlich, oba nervig. und dann sein zwa helden aka boys herkemen und haben mi so bisi gesaved. ham mi eben so in senan kreis mit aufgenommen und zur not amol den arm um mi gelegt. und des is anfoch so loyal und stoak, wenn man merkt, ok de person braucht eventuell hilfe, schreit ma ein. gleich wenn am fuatgeh-klo a girl bleat, host du kurz zum umegehn und frogn, wos los is. und wenn de sigst doss wer drausn speibt, frogst, ob de a wossa holn sollst oda senre jackn. helfen is a mit 3 promill no möglich. meine freind*innen und i ham schon alles durch: von 15 jährigen betrunkenen kids ham fian über rettungswagen anruafn bis hin zu an grissenen rock am V-klo zommzunahn HAHAHA.

nit redn, sundan tuan

des is vor allem fia mi bei männer wichtig: schen, doss de ma akleast, doss du gern mit mir essen gehn tatest. GEHMA HOLT ANFOCH. i will ka nachricht, doss du ma bluamen kafn werst. SCHENK SE MA ANFOCH. sog nit, du schreibst ma an briaf: frog noch da adress und schick. i bin da schon eher knallhoat (woan). fia mi sein worte vor allem bei männlichen wesen eher lei so nette zeilen, doch bis i nit merk, doss do wos dahintersteckt, no way. ka interesse. oda wenn wer sog, er werd bold ins fitte gehen oda bold an blog starten oda bold de ausbildung anfangen und des sein so leit, de NIE WAS ANFANGEN ABER IMMER REDN AAAAAAH. dapock i nit 😀

klane dinge merken

des is so schen & beeindruckt mi imma wieda, wenn sich leit de klanstn und unwichtigsten dinge merken. zB wie mei hund hast, wie der klane örtchen ghasn hot, wo i in frankreich woa, wos meine lieblingskekse sein.. herts bei eichren lieblingsmenschen imma guat zua!!

seine schwächen/ängste aklean

vor allem männer tuan des nit so gern und i versteh des nit. i bin zum beispiel sehr oft SEHR nervös/aufgedraht. wenn zB a date ansteht, a wichtiges gespräch, beruflich wos los is oda a wegn blog/insta. do bin i oft UNANGENEHM. weil i so richtig ängstlich werd und anxiety des todes greg. bei leit, de i no nit so kenn, vasteck i des oda bessa gsog meld i mi goa nit in der zeit. und meine friends wissn anfoch bescheid und lossn mi a. i find des so wichtig, zu sogn, wovor man angst hat oda mit wos man zu kämpfen hat. zB wenn jemand frisch getrennt is und des grod vaoabeitet, is es anfoch gold wert, wenn man des offn onredet. weil donn kann des gegenüber sich bisi a bild machen. oda wenn man halt probleme mitn essn hat oda grad daham stress hat: anfoch sogn. weil so kann man a bei treffen/dates gewisse sachen glei vermeiden. dann redet man halt mal an abend extra nit über daham oda man diskutiat nit, warum de person nit essen will. wissts wos i man? i finds guat, wenn ma wer sog, wos los is und kloa dazelt man nit jedn fremdn glei olles, oba leit de mei herzl, mei ohr oda mein körper (hihi) hom diafn, de solltn a a bisi des vatraun in mir hom.

sagn wie man helfen kann

passend dazu: es is so hilfreich, wenn man menschen sog, wie se an helfn kennen. i frag a oft gern leit, wie i senen helfn kann, weil i kanns ja nit wissn. a freindin will nach da trennung glei sippen gehen und nit driba redn, a andre will vielleicht daham auf da couch sitzn und blean und a ondre person will anfoch mol nit redn (feel u). und wenn man hilfe erwartet, muas man a sogn, welche. und a wenns lei von der person, de hilfe braucht a: „Kema heit telefonian?“ is, is ma schon gholfn. weil dann quatscht man bisi bledsinn, donn redet man e irgendwann des problem an und am ende legn bade mit an leichtan herzl auf. des is da sinn dahinta. also nehmts nit lei hilfe an sundan vermittelts a, wie man eich helfn kann. oft reicht a umarmung, oft will man an rat oda a lei a offens ohr..

sich melden

kert eigentlich e zum random anruafn, oba i mogs, wenn sich leit melden. wenn man zb paar tage nit gschrieben hat, slidet man in de dms mit an „heeeeeeyo alles guat?“ oda halt in whatsapp oder wo a imma. sich zu melden is a zeichen von wertschätzung. und a wenn man sich meldet, nachdem de person a große prüfung/a date oder whatever ghabt hat, is a schen. kennts eich jo nit vuastellen, wie meine mädels immer gspannt vuam handy sitzn, wenn i wo bin, wo es spannend sein kennt hahaha.

akzeptian, doss i kan mann brauch

uh schwieriges thema, oba wichtig. bei männer is a green flag, wenn er was, doss i kan mann brauch, ihn oba will. hab grad kürzlich wieder interesse an an wesen verloren, nachdem er gsogt hot „puh du bist so selbstständig, do kimt e ka typ zuabe, wenn de olles selba zreist“ jo du wachzapfi, i zreis olles selba, weil i mir selba am meistn vertrau und was, doss i olles schoffn konn. und wenn du schon damit a problem host, brauch ma nit weiter quatschn. wos oba a wichtig is, doss a mann dann trotzdem fia mi do is, wenn i ihn brauch und darum bitt. und nit kimmt mit „äh olles alan machen und jetzt ruafst du grod blerentiga an, weil a haterin gschrieben hat, du bist fake?“. vorwürfe machen is sowieso oam. oba jo i brauch oft anfoch a offenes ohr und wenn des ohr zu so an idioten ghert, brauch i es a nit. hahah. und i brauch a lustige seele um mi uma, de mein sarkasmus versteht. 

larissa nit laxobu

ok i man des betrifft jetzt echt lei mi, oba mi gfreits sehr, doss de meistn meiner friends nix mit blog/insta anfangen kennen und oft a nit mal meine sochn onschaugn. weil se mi e so kennen. und wenn i in ana freindesgruppe land, de nei is, will i nit als „du bist de laxobu“ angredet wern sundan holt anfoch als de wos i bin, de larissa. natürlich mochn wir oft witze und neben meinen neuen heißgeliebten spitznamen follt a oft laxo oda laxobublog (old times haahah). oba privat quatschen wir nit zviel driba. und des is guat so. obwohl i natürlich online genauso bin wie offline, lei bisi zivilisierter (HAHAHAHHAHHA i schwöas eich in echt konn i so fluachn. oda wos i oft depat bin, deaf e kana wissn ahah).

sich mitfrein/stolz sein

a wenn meine friends eben nit into all des sein, feiern se mi ständig. und des brauch i und des mach i a bei senen. jemand greg an bessan job? wir feian. jemand hot wen kennen glernt? wir wollen alles wissn. die bachelorarbeit is fertig? PARTY. und wenn wer sog, er is stolz auf mi. DES GRESSTE KOMPLIMENT ANFOCH. he i fong glei on zu blean hahaha.

gedanken machen& se teiln

zum beispiel woa i letztens mit ana freindin wos trinkn und sie hot SO A GUATE Idee fia mein blog ghabt. und i arbeit jetzt drann und i find des so schen, doss se anfoch so über des nachgedacht hat und mit mir geteilt hat. i mach ma a oft gedanken, wie i freindinnen weiter helfn kann und donn schreib i senen des und des is anfoch schen. wenn man sich gedanken fia ondre mocht.

entscheiden

i bin waage und hass es, mi zu entscheiden. oft stresst mi des wirklich so sehr, doss i etwas glei goa nit mach. und zB wenn i mi mit an typen triff, sog i a imma „Bitte entscheid du wos ma machen.“ und sollte des wesen donn sich lächerlich machen oda sogn „na du!“ i sogs wie es is: donn is fia mi vorbei. de person respektiat mi, in meinen augen, nit wirklich und fertig. i tua ma wirklich nit lei bisi schwer beim thema entscheiden, es beschäftigt mi richtig hoat. alle meine lieblingsmenschen wissen des eigentlich und olle entscheiden de sochn fia mi. & wenn i dann doch große private entscheidungen treffn muas, de ma viel energie rauben, begegnen ma olle mit viel respekt. wie es a sein sollt. also: wenn jemand struggle mit was hat, habs dafür verständnis. de person wird schon daran arbeiten, wenn se will/kraft hat. i bin e schon bessa woan, oba in gewissen phasen von mein leben konn de froge „wos moch ma heit?“ in an „nix kan bock mehr“ und tränen meer enden. isso. dafür doss i eigentlich ka drama queen bin, bin i es donn doch manchmal HAHA.

gefühle zagn

wos schoaf on an typen is? tattoos. oba a, wenn er seine gefühle zagt. i man er muas ma nochn 2. date kan antrag machen HAHA. i man eher, wenn a typ sogt, doss er sein bestn freind echt gern hat. doss er sei mama schätzt oda sei klane schwester da beste mensch auf da welt is. und wenn er mit mir zeit verbracht hat, schreibt „danke du tuast ma guat.“ oda anfoch sowos wie „wenn ma zamm sein, gehts ma bessa.“ und des muss nit imma romantisch sein, deaf a sexuell sein oda anfoch zwischenmenschlich. i habs gern, wenn i was, dass mi leit megn/schätzen/schoaf findn. warum? weil des spoat so vü energie und zeit. do gibs ka überlegen, ob do mehr sein kennt. ob ma vielleicht mal schmusn wern in naher zukunft oda ob er mi guat findet. tat man des generell eftas mochn, dann hätt ma alle zamm weniger herzlkacke oda?? ODA.
(i hab bei da letzten beziehung 3 monat lang nit gwusst, wie wir zuanonda stehen und ob er wen ondan a noch datet, wir ham des anfoch nit angredet. und es woan 3 zache monate, weil man nit was wo man dronn is. und mei ehemaliges gspusi hat ma erst nach 4 treffen oda so gsag, doss er mi sexuell anziehend findet. und i woa schon long geistig in da friendzone. des kann man alles vermeiden kiddos).

es kinnt do no so vü mehr stehen. oba 2400 wörter sein HÄRTE viel. Bussis!!!