beweg dein oasch

i entschuldig mi dafia, doss in letzter zeit echt bisi vü liebe/beziehungskacke kemen is. jetzt gehts ums echte leben und warum du dein oasch bewegen solltest!!!! metaphorisch und in echt.

wir wollen so vü. so so so so vü. wir wollen den partner fias leben finden (beziehungsthema sorry!). wir wollen fett cash machen. wir wollen den studiengang schaffen. wir wollen an geilen body ham. wir wollen uns selba lieben. wir wollen mal a geils haus ham. wollen, wollen, wollen. und machen von uns vagessen wos gonz wesentliches in der thematik. DU MUAST A WOS DAFIA TUAN!!!!!!!

i bin a klane manifestia-queen. i wü an parkplotz, greg i. i wü geld hinta, greg i. i wü geile kooperationen angeln, greg i. i wü heiln, moch i. oba des fliagt ma nit olls zu de fias. sundan dafia tua i a aniges.

leichtestes beispiel: körper. du willst abnehmen. es reicht nit, daran zu DENKEN und zu TRAMEN. natürlich is sowos a hilfreich und wichtig. aber des alan nutzt nix, weil 1. lei weil de weniger kilos host, is dei charakter nit weniger scheiße HAHAH. 2. im schlof abnehmen oder mit drei saftlen, funkt nit. Du muast dein oasch bewegen. auch de netflix session verzichten und liaba spazian gehn. du muast mol vielleicht auf dei konsequentes einestopfen, unzfrieden sein und umaliegen vazichten. und ause gehn, hupfn, tonzn, springen und gscheid essen. (nix essen beim abnehmen is so sinnvoll wie bei kopfweh nix trinken???).

die miri will ihrn bachelorabschluss endlich hobn. und jammat ständig, doss se kan bock auf ihr arbeit hat. sie will se nit schreiben, tuats a nit wirklich. statt amal 1 stund zuabesitzn, liaba per insta jamman, doss nix weiter geht. liaba mit da freindin paris fliagn und donn an stress gregn. stott a session in da nocht einlegen, fuat gehn und am nächsten tog vakotat nix auf de reih gregn. oba sie sogt zum universum „i schoff in 3 monat, mei bachelorarbeit abzugeben“ jo miri, cute. oba wenn du nit gach prioritäten setzt, doss der scheiß endlich fertig werd, werd er a nit fertig.

gonz wichtig, wenn man wos will: prioritäten für KURZE zeit amal ändern. de parties sein e imma gleich kacke, de leit gleich depat und des wodka-e schmeckt in 5 wochen nach der prüfung imma no gleich beschissen. also setz di liaba fia a projekt/idee a paar wochen lang konsequent hin und jamma nit lei. und TUA wos. anfoch handeln. wos fia dei ziel geben. weil nur so konnst es a erreichen.

dei perfekter traumboy wird nit in dein schlofzimma stehn, wo du imma gammelst onstott di mal mit wem zu treffen. es werd ka fertige masterarbeit vua deina tia liegen, damit du da de nervige zeit sparst. du wirst dein business schwer eingrauchta von da couch aus groß machen. ärger di nit, wenn du ka gehalterhöhung gregst, wenn du danoch nit frogst. du werst holt de selbstliebe nit zwischen den schenkeln ana frau findn und wundast di donn, warum da liebeskumma di noch ewig vielen monaten imma wieda f*kt. du kannst nit tramen, später autorin zu werden UND ANFOCH KA ANZIGES BUCH BEGONNEN HABEN ZU SCHREIBEN. olta. oft greif i ma aufn kopf.

ka traum is zu groß und zu unrealistisch, lei de handlungen kennen anfoch nicht existent sein. und he i red nit davon, doss du ab sofort voll durchstarten muas. es reichen klane, klane schritte. babysteps.

wenn du geld spoan willst: leg nit glei 5000 euro auf de seite (de du nit mal hast), fong mit 50 an. wenn du sportlicher werden willst: laf kan marathon, fang mit an 10 min full body workout an oder ana tanzstund. wenn du mehr lesen willst: leg bitte den 1000-seitn wälzer zur seitn und greif zu ana leichten lektüre.
liaba klan anfangen, als goa nit. 

alle leit, de was erreicht ham, ham was dafia a GETAN. sogoa diese tiktoker, de ihr nur belächelts, haben was getan und was erreicht. se haben videos gedraht, egal wie aufwändig und woan konstant dabei und zack: aus der aktion wird a ziel, des man erreicht.

a gonz a cooler tipp: wenn ihr a vision board habs oda eich fia 2022 ziele gesetzt habs. setzts eich da noch mal kurz dazua und überlegs eich: Wos kennts ihr HEITE tuan, damit ihr do zu an zwa ziele weiter kems? und ihr werds staunen, wos man glei erledigen konn und man hot so es gefühl, des ziel fost komplett erreicht zu ham! irre. und bitte denkts nit zu groß. zum beispiel wenn du nach paris willst, red i nit von flug buchen. aber flüge checken, beste reisezeit anschaugn, informieren. oda wennst a gemälde malen willst: wenn du da an bleistift kafn gehst für de erste skizze: des is a schritt. nit imma so groß denkn kids.

olta i hoff des woa a klana oba gschmackiga oaschtritt in eichan zuckasiasn popo. i wü ka unguate maus sein, i wü eich lei zagn: wir leben und sein fia uns leben selbst verantwortlich und miasn holt echt wos tuan dafia. lei guate gedanken haben und träume reicht nit, baby!