portion herzlkacke
klartext: im internet zag man lei des, wos man will und des haben andere zu akzeptian.
shawn mendes hot a liadl gedroppt, des i monate davor genauso schreibn hätt kennen. er wollt gehn, i hon en glossn. obwohl wollen schon hochgstochn is, woa eher a miasn. oba es is so egal, um wos es geht.
wir miasn im leben oft dinge fia UNS SELBA mochn und do bleibn ondre auf da strecke, wos se anfoch zum akzeptian hom. natürlich wirds wehtuan und des is jo normal so, oba de person soll trotzdem auf sich schaugn. i will nie, doss sich a mensch fia mi, oba gegen sich selba entscheidet. i man des is auf dauer donn sowieso de folsche lösung. und leit lieben es, folsche lösungen anzuwenden, obwohl se genau wissen, des werd lei in de hosn gehn.
Beispiele:
dei partner will nach amerika und du willst es nit. de person bleibt wegen dir. des is bullshit. des is so schode, doss de person nit de chance ihres lebens ergreift und di wichtiger nimmt, als sich selber. weil am ende hot de person a lei sich selber und di vielleicht nit fia imma. wer übrigens donn beleidigt is, dass man verlassen wird. sena leben darf in senra welt wichtiger sein wie deins.
dei tochter soll dei unternehmen übernehmen, hat aber keine lust drauf. sie will nach australien oda wos a imma. i was, es hat was mit familienehre und vertrauen und pipapo zu tuan, oba es is donn im endeffekt ihr leben und des wird sie sich selber aussuchen dürfen oder?
zruck zum thema menschen, de gehen wollen: du konnst nix holtn, wos nit gholtn wern will. vastehst? wer bin i, wer bist du, um leit zum bleiben zu zwingen? i man, damit konnst holt nie wos gwinnen?
i versteh di ständigen ängste von menschen nit, doss se ersetzt werden könnten durch irgendwelche billigen snapchat-kontakte oder semiheiße flirts in da disko. i man hallo???? du bist fia de person da, wenn se familiäre probleme hat, holst a klopapier, wenns leer is und bringst ihr den lieblingsdrink jedes mal vom einkauf mit- und dann hast du angst, dass de person di anfoch so wegwerfen würd? wär ma olle a bisi selbstbewusster und würden wir unsan wert kennen, hätt ma so ängste nit. i bin so a tolle frau, ehrlich, lustig, fürsorglich und jeda der mi kennt, schätzt des a. wenn donn a frau wie i nit ausreich: wer donn? menschen, de sich selber kennen, ham ka angst ersetzt zu werden. weil wenn da nix bessas als man selba daherkimmt, kimmt nix ausa.
wos zwischn zwa leit is kert senen und kan ondan. des kann kana ersetzen/füllen. du wirst mit dem boy de 2. staffel von ana serie, de ihr zu zweit angfangen habs, nit genießen kennen. der coffee schmeckt in eurem stammkaffee nerma so geil, wenn du da a wildfremdes girl mitnimmst. der sex zwischen zwa menschen is zu beginn immer aufregend, richtig guat, is er aber lei, wenn man sich wirklich kennt. und wie viel menschen will man bitte wirklich kennen?
und no front kids, turtls mit jedem mit dem ihr wollts, oba a bodycount von 40+ mocht di nit interssanter oder wertet di auf. auf dauer bringt es dir NÜSSE, wenn du di in mehreren betten vergnügst und dabei ganz vergisst, wer du bist.
warum i mit der sache, doss jemand aus mein leben gehen will, so „leicht“ umgeh? es is so: i hon mi. hon i mi, hon i olls. de personen de in mein leben sein sein anfoch a zusotz, a plus, a wundaschenes extra. i konn oba a ohne. kloa, es sticht im herzl. warum deaf aus ana liebevollen beziehung ka genauso zoate freindschoft wern? warum muas man, weils „bessa“ „kamota“ „anfocha“ wa, zomm bleiben, wenn ana mitn kopf wo ondas is? i bin jo nit zu ersetzn, er a nit und olle ondan leit, de sowos spian und kennen, a nit. i sig so vü hinige beziehungen, wo leit sich aufgeben fia ondre und nit gehn, weil se zu feig oda zu faul sein. wos soll des? tat man sich lei selber mehr schätzen, wär es anfocha. i glab zu wissn, imma hin is es mei leben, doss des olles an sinn hot. i bin so donkboa doss de person in mein leben is und nit komplett gongen is. nit so gongen, wie sich ondre zupfen, ghosten und valetzn. niemand muas des zwischendrinn vastehn, niemand hot es recht zu urteilen & vor allem nit schiach zu redn. beziehungen miasn nit imma im drama enden, sie kennen sich a anfoch auf a ondre basis positionian. man darf im leben des anderen bleiben, in welcher form a imma. i was, des is untypisch und ondre leit schrein glei: EX IS EX UND MIT DEM DARF MAN NIE MEHR REDN. ok, donn tuats des so. es gibt beziehungsenden, de ham klare cuts verdient. da hat de andre person nit mal mehr vadient, doss man sich de letzten sachen übergibt. oba manche schon. und ihr kennts des halt nur zu zweit entscheiden. des bestimmen nit eure besties, eltern oder leit im internet.
leit mochn oft a drama, wo kans sein muas. man awoatet sich a oft a drama, obwohl des a schon so komisch is: warum darf a beziehung nit anfoch enden mit „wir sein jetzt mol freinde“? oft rational denken und des tuan, wos man fia SICH tuan will. wenn di dei ex valetzt, geh. wenn dei ex nach monaten wieder zruck kumt und damals lei gangen is, weil er mal sein frieden finden will und dir in der zeit NIT weh getan hat: date ihn wieder. wenn dei gspusi di schlecht behondelt, geh. wenn dei gspusi und du a joa hin und her tuats und jeda schon de augen vadraht, entscheid du wos du willst und mach es mitn gspusi aus. wenn di dei beste freindin onliagt ,geh. du muast nix begründen, nix rechtfertigen. du muast anfoch lei selba schaugn, doss es da guat geht.
If you tell me you’re leaving, I’ll make it easy
It’ll be okay