Des hab i mal guat gfundn?

hi, des wird heit a mix aus nostalgie und a feministischer weckruf. klingt spicy? grod recht fian 4. advent.

i bin vor ana klanen ewigkeit auf a video gstoßn, des mi SEHR zum nachdenkn ongregt hot. ganz am ende verlink i es eich, donn kents eich des onschaugn. find generell de youtube-seitte recht nice. de yt-bubble is so weird woan& i schaug bei weitem nerma so vü, wie i mol gschaug hon, oba des hot ma so zua gsog und i muas wos dazua sogn.

generell: ihr kennts jo des gefühl, wenn man an sein damaligen crush denkt und sich frogt: „olta woooooos? wonn und wie in welchem leben hon i ma eingebildet THATs the person i want?“ homa olle, werma zum glück olle nit von jedem zruck onghimmelt, der uns taugt. oda eher getaugt hot.

und i hab letztens, vor dem video, zwa-drei fav filme angschaut, de i schon länger nerma gsegn hab und i sog wie es is: i woa schockiert. i woa schockiert, doss i den protagonisten so gfeiert hon, doss i den guat gfundn hon und ma gedocht hob „der im echtn leben bitte danke!“ no way larissa, wos is mit dir??

was mi in den jahren, de i jetzt damit aufgebracht hab, weiter zu wochsn, zu lernen und mi selber zu lernen, nit so geil find: i kann ma kan 0815 film mehr onschaugn, weil i sufuat denkn muas „des tat i nit wollen.“ Freinde, hob gestan „are u the one“ nach 20 min pausieren miasn, weil es ma ZUHOAT woa. weil i es nit dapock, wenn a mann a girl als DRAMAQUEEN bezeichnet, weil sie gsog hot, a f*ckboy is nit ihr vibe. ?????????? oda a girl wollt nit 10 typen küssen & wird als prüde betitelt. PRÜDE. indem sie im bikini do steht und sog „naja, i mog anfoch nit fremde leit hintranond obschmusn?“ i muas imma glei filme/serien zerlegen und schaugn, wie realistisch des gonze is. und guess what: de meisten romantischen paarlen in filmen/serien sein eigentlich toxisch und de männer eigentlich guat gsog fia de tonne. oba hei, vor 10 joa hon i poster von senen auf da wond ghabt :))

im video wird de filmreihe TWILIGHT angesprochen, wo i echt stolz auf mei damaliges ich woa: diesen glitzernden vampir-boy hob i nämlich glei nit mystisch und sexy gfundn sondan anfoch CREEPY.

wos für viele so romantisch und geheimnisvoll is: wenn a typ ANFOCH IN DEIN ZIMMA STEHT. bei YOU homa no gsog „oh gott der is kronk, oba geil“ OBA BEI GEORGIA & GINNY WÜNSCH MA UNS DES A? Nit vagessn, da edward hot zur bella ernsthaft gsag, er schaug ihr gern beim schlofn zua. wissts ihr, des is SO a schmolla grot zwischen akzeptabel und nit. natürlich is es irgendwie cute, der gedanke, wenn dei freind in dei fensta einesteig und ihr so bisi romantisch wos mochen kennts (High school musical teil 3 zb). oba jetzt seima uns ehrlich: wäre bei YOU da Joe nit a schoafa, lachsiga boy gwesn, sundan a creep, der nit der norm entspricht. wenn da edward eventuell 100 kilo ghobt hätt oder de person da anfoch so nit gfollt: wie geil is es donn noch?

stalking und sexuelle übergriffe sein leider dinge des alltags woan. und donn pfeffert man filme ausa, wo des SO verharmolst werd und man sich oft dawischt „oh gott des hätt i a gern?“ problematisch. a grund, warum i zb YOU nit weita gschaut hab 😉 weil i anfoch a realistische sensible frau bin, de es nit dapackt, dass wer angecreept wird.

ok wer de after-reihe gelesen hot, hot sich diesen hardin boy a bisi .. sexueller vuagstellt. da film is a netter, guat gschnittena streifen mit geiler musik. da hardin? a fall fian psychologen. punkt aus. leit de sogn, beziehungen like this sein goal: wos is mit eich? der typ is hochgradig aggressiv, am rande ana alkoholsucht und im echten leben wär ihm wohl mindestens amal de hand ausgrutscht. also.. wie konn man des feiern?

meine instafollowis wissen, marcus aus georgia und ginny hats ma vom ausschauen her sehr ongeton LOL. oba bei der serie hab i ma a nit gedacht, dass er da es aloch is, wenn man de ondan betrachtet. eher hab i diesen klanen zopftragenden steppbär creepe gefunden, der rassismus anfoch untan tisch gekehrt hot. oba dafür woa mei noah flynn crush beim 2. film donn vorbei. beim 3.? nerma wirklich ondaschaut. der hot a aggressionsproblem, wos wirklich behondelt kert.

shades of grey woa a so a thema fia mi: ka mensch auf dera welt hot es recht, jemanden zu BESITZEN. und wos irgendwie mit luxus und leidenschaft kaschiert wird, wird nit bessa.

viele filme hab i in meiner jugend gsegn. und viele junge frauen segn de filme halt, wenn se jung sein: wir wern do schon a bisi beeinflusst. a bisi viel. weil 1. wird aggression als guat empfunden, weil he er tat fia di an ondan herschlägen. 2. de frauen in den meisten filmen miasn IMMA hintasteckn, wern mies behandelt, oba kloa, wenn der könig hinta kimmt mit an sorry auf den lippen und ana seminetten aktion, verzeih ma ihm schon. und 3. wie gsog, man valiat schnell den bezug zur realität.

Es is nit sexy, wenn a typ dir sog, wos du zum onziagn host. es is nit sexy, wenn dei freind seine gefühle nit im griff hot. es is nit sexy, doss bei jedem streit, auf täglicher basis natürlich, de fetzn fliagn und du als frau imma de bist, de kämpfen/leiden muss. es is nit sexy, a bad boy zu sein. Männer, de ehrlich sein, männer de sich um sich und andre kümmern, männer de wissn wos GRENZEN sein, männer de a frau respektian … des is sexy.

i was jo nit, wie es eich geht. ob ihr des olles kamota und entspannter segs. hab i hab schon den an oda ondan film obdrahn miasn, weil i ma gedacht hab: i kann ma so viel toxische kacke nit geben. sorry.