An erster Stelle: DU
wir olle ham 2021 so dermaßn vü glernt. und viele hom den weg richtung selbstliebe eingschlogn und sein schon weit kemen, monche weiter, monche eben nit so weit. jeda schritt is richtig und wichtig. liaba 3 prozent bessa wia gestan als 0%. vastehts wos i man? i checks und bin schon ka mathe ass, also bitte.
und selbstliebe klingt ima so fäncy und aufgeregt und anstrengend. oba es fongt so klan on und i hab da an text gfundn und ma gedocht: damn it genau des man i a.
2017 hab i zum beispiel auf JEDEN snap gewartet, mittn in de nocht eine und hob nit schlofn kennen. jede unbeantwortete, aber schon blaughakelte nachricht hab i betend und blerentiga angestart und gwartet, bis was kimmt. de augenringe am nächsten morgen woan unverdient und de antwort/snap meistens nüchtern. heit geh i liegn. weils ma egal is, wenn ma wer nit ontwoatet oda bessa gsog es nit fia all zu wichtig nimmt, mir zeitgerecht zu antworten. warum soll i bitte unausgschlofn sein, fia an semigeilen typ? warum muas i daham sitzn und woatn, bis de person mi onruaft. wenn du sogst du ruafst um 20.30 on und meldest di bis 22 uhr nit, is es dei pech. i woat drauf nit. und i glab diese „härte“ zu hom, de i damals anfoch nit ghabt hab, greg man mit da selbstliebe mit. weil mei schlof is ma heiliga als a mensch, der mi nit so wichtig nimmt.
oda no so a geiles beispiel is: wenn man auf a treffen mit ana person hofft. zb in an club und de person donn nit auftaucht und man mega pissed is. odaaaa wenn man sog man sig sich heit und donn daham sitzt und literally WOATET auf de person, de donn noch 4 stund ghosten ABSAGT. und man selber sog ondan leit ob, weil man jo mit der person wos mochen wollt hahahaha. NEVER EVER AGAIN HAHAHAHA. i tat nie mehr im leben fia an boy meinen girls absagen und donn daham woatn bis i hupfn deaf. na bittschen. i bin mit ana guatn freindin oft stundenlang im auto gsessn und ham gwoatet bis er ihr schreib sie konn kemen und donn bin i ham und sie zu ihm. es guate on der storie: wir hom echt vü zeit zamm verbracht. es schlechte: tank woa oft fia de fisch vafoan und der kerl hot sich echt zwenig gmeldet hahahahah.
a weiters hoats beispiel: leit de dramatisch sogn senen gehts letz OBA NIT DAZELN WOS LOS IS. also so richtig nit. ausnahme: illegale dinge, worüber man anfoch nit kommunizian sollte. oba sunst: olta wenn i frog wos los is und di onruaf und du sogst ach nix…… DONN HOST DU MEI ZEIT A NIT VADIENT. geh ham und hob spaß. geh aus und hob spaß. kümmer di um wen, der es a will und vadient hat. wir hom olle ka zeit mehr zum spielen und nerven sowieso kane.
ma bitte, erkennts ihr eich in de texte selber oda a freindin oda a freind?? jo?? donn sogs senen, se solln aufwochn. und checkn: leit de so auf sich woatn lossn, seins nit wert. wenn wer mit absicht des spiel spielt, soll ruhig valian.
stellts eich gach on erster stelle und leit, de es nit wertschätzen, stellts on zweite dritte oda letzte. des is a form von selbstliebe. sich fia sich zu entscheiden und sich eben nit fia ondre aufzugeben. klar is es mal ok aufn bestie drei stund zu woatn, oba jede woche woatn wonn da kerl von da feierwehrübung hamkimmt und aus de „i kim in 2 stund“ donn imma wieda 6+ wern?? naja. i glab ihr wissts genau wos i man. ausnahmen sein ok, oba jeds mol auf wen woatn, mit bauchweh und sich selba de freid am leben a bisi nehmen.. fraglich. weil es braucht ma kana dazelen, doss de minuten oda stunden vorm handy angenehm sein wo man woatet bis de person schreibt: kim jetzt lei.
bussis.