lebn, der geschichtnschreiba

du hostn perfekten 5-jahres plan, wast oba no nit amol, wos de heit essen werst. welches brautkleidl du kafst. sege is fix, partner? Homma no nix… passendes, wos zu dir … passt.

bist miad vom ständigen versuch, jemanden passend zu mochn. also der zu dein lebensstil passt, deinen eltern taugt und a quasi als dei accessoire dienen kann. du lossts am sonstog gern krochn, restliche wochn gibs kaum wos zu lochn. deine brows sein imma on fleek, ober erkennst du a dein wirklichen need? spontanität, mut und de guate olte planlosigkeit fallt da. denn ohne plan geht da plan erst los. imma.

loss locka. vagiss kurz des dezidierte visionboard und glab mehr ons schicksal, hoat. wos?? des is nit dei oat? liaba olles geplant, organisiert und whaaat: du host sogoa dein fotoordner am handy sortiert? es lebe des chaos, a bisi zu mindest. eha kreative freiheit, so hast a olte weisheit. (spaß, hon i grod erfundn)

du konnst zwoa in dein kepfln de perfekte stories ausmoln, lei ans sog i da: es leben schreibt de schenstn gschichtn. und a de echtn. dei 5 joares plan konn a vualog sein, a inspiration. oba vagiss dabei nie: loss ruhig amol los. de an oda ondre gschicht findest in deine entwürfe nit. vielleicht is ans deiner ziele da an oda ondre page turner im roman, der DEI LEBN hast.

nit lei in filmen is nit imma olls perfekt, quasi drama hoch tausend- holt in echt. a nit imma schlecht. solongs nit aufgeblosn wird. is oft vakehrt. stress di lei nit und vasteifn deafst di a nit. dei lebn is formbar und formidable. also: nutz de chance de unbegrenzten möglichkeiten zu fassen und machnmal anfoch zu mochn. und vagiss a nit: genug zu lachn. so konns lebn lei passn!

in 5 joa wü i glücklich sein und gsund. geborgenheit soll nomen hom, de i schon kenn und i hoff, doss de zeit nit fia imma so schnell rennt. als hätt i olls vapennt. monche situationen hon i a vaschlofn, oba a des woa fia wos nutz, fia wos? jo dos.. dazeli eich, a ondas mol. ciao.