De Sache mitn Alk

Triggerwahnung: Im folgenden Text gehts um Alkoholmissbrauch, Süchte und Tod. Oba es is a thema, über des vü zwenig gredet werd.

in österreich is alkohl für de wenigstens a droge. bei gras greg ma schnappatmung und schlürfen gleichzeitig am champagnerglasl. „hast ghert, sena sohn tuat … KIFFN OMG“, schütteln den kopf und senan eigenen kind is da mogn ausgepumpt woan, wos man verschweigt. wir zelebrian erfolge, bled gsog, in dem wir uns mit ana droge, alkohol, betäuben. alkohol hat in der gesellschaft an stellenwert, der fost pervers is.

mei erste kooperation woa 2018 ironischerweise mit ana firma, de wodka und smoothies gmixt hat. darauf hat a cider-kooperation gefolgt. heit flattern zwoa noch anige kooperationsanfragen mit alkohol in mei postfachl, oba i lehn dankend ab. weil i kan alk trink? Na, weil i alkohol nit noch mehr fäncy erscheinen lossn wü, wie ma es e schon tuan. i hab a fria sehr oft und gern textln und fortgehfotos gepostet. jetzt halt i mi zruck. natürlich werd i immer wieder mal wo a glasl wein postn oder es eventuell nit ganz verhindern kennen jedn blogpost ganz ohne dem ausgeh-askept zu verfassen. sei mir verziehen. aber aktive werbung zum alktrinken mach i nit (nimma.

alkohol löst kane probleme, alkohol verursacht wenn dann eher probleme.
alkohol mocht uns nit locker und mutiger, sundern nimmt uns de kontrolle über unsa lebn.
ausgehen unter alkohol is nit cooler, es is gewohnheitssoch.
alkohol losst di nit vagessn, es mocht di kronk. 

letztens hab i mit stiegel a kooperation für alkoholfreies bier gmacht. und hab richtig guats feedback greg (sogoa von ondren firmen). oba drei-vier teggalen hom ma schreiben miasn, wie oam i bin. und doss alkoholfreies bier ka bier is und vor allem doss radla e a soft is. wissts ihr: es gibt a grenze zwischn lustig und erbärmlich und de überschreitet ma do gonz kloa in meinen augn.

würdets ihr mir den witz a no schreiben, wenn i an geliebten menschen verloren hab, weil a bsoffena mensch ihn zommgfiat hot? würdets ihr ana trauernden mutter sogn, radla is jo ka alkohol, de ihr kind wegen der alksucht vü zjung valoan hot? wos werd eich a ehefrau sogn, dessen mann seit jahren mit der sucht zum kämpfen hot? bitte seids a bisi reflektiata, nur gonz a bisi.

genauso gern wie man bei uns alkohol trink, mindestens genauso oft hert man a von unfällen unter alkoholeinfluss und schrecklichen familientragödien alkohol sei dank. ignoriat man des echt anfoch so? is man so priviligiert und glabt „mir passiat des schon nit? und a nit meinen freindn?“

und was kennen wir olle am bestn? dinge überspielen und vaschweigen. wir reden zwoa über den 80 jährigen monn, der jedn tog im cafe sitzt und sein rotwein zwitschat. oba wir redn nit vom 21-jährigen nochba, der jedes wochenende ausgeht und an radiara hot fia zehne. und natürlich „er lebt sich aus“ wir leben uns alle aus, oba mit maß und ziel und GRENZEN. a junger mensch, der fost täglich trinkn muas und gonz vü black-outs hot kennt diese grenzen nit. der witz „den mensch hon i no nie nüchtern getroffn“ valiat donn doch a bisi on gschmock oder? a alkoholsucht konn a de floschn wein jedn obnd daham sein. a alkoholsucht fongt nit erst ob an gewissen olta on und kennt a ka geschlecht. solltets ihr wen in da bekanntschaft ham, der offensichtlich mit ana sucht zu kämpfen hot. Eventuell kennts eich mol dohin wendn. 

i persönlich tua ma schon vadommt schwa, vor allem junge menschen im alkohol valian zu segn. nit des girl, des ihrn liebeskummer in malibu orange ersaufn will (wos a nit funktioniat) oda de drei jungs, de sich mit shots mut antrinken wollen. es is jo ok und plausibel. oba wenn diese droge zum alltag ghert und man es anfoch so belächelt, doss find i nerma witzig. bei an joint kimt de polizei, oba bei drei vodkafloschn konn sein, doss man noch a gratis schnapsl dazua greg? woooo is do da sinn? im fernsehen sigst de chice aperol werbung und ständig gibs es irgendwo cocktailrezepte, ohne a sekunde nachzudenken wie man alkohol normalisiert & schon kids suggeriert: alkohol ist cool.

es gab an moment in mein leben, wenn do nit a mensch zu mir gsog hätt, i soll nit in des auto steign, wa i eventuell nerma do. weil der nette kerl der mi hamfian wollt, betrunkn woa und da er schon a „meister im trinken woa“ hat man ihm seine 1, irgendwas promill nit amal angsegn. er hat an unfall ghabt und guess what: ein beifahrer*in hätt den unfall mit ganz großer wahrscheinlichkeit nit überlebt. und leider, i bin nit de anzige, hab a i schon miterleben miasn, wie a bekannter mensch von uns gehn hot miasn. grund woa a betrunkene person, sprich: Der unfoll woa vermeidbar. und a hier i will i nochmal betonen:  eventuell passiat eichan bf nix, wenn er bsoffena ins auto steig. oba eventuell passiat von an ondan menschen dem bf wos tragisches. und warum sollte es genau eich nit betreffen oba olle ondan schon? herma auf mit der priviligierten kacke und lossn freinde nerma angetrunkn ham foan und a kane fremden, wenn wir mitgregn de trinken und wolln donn no ins autosteign. weil wos, wenn de wen zammfian, der hamgehen will? wenn unschuldige dafür zahlen miasn. des is alles zu verhindern.

daher mei apell, den i doch schon so oft gebracht hab: don’t drink and drive. und nehms eichren freindn de autoschlüssel weg, ruafts a taxi und SCHEISSTS JO NIT DRAUF. weil wollts ihr dann echt mitschuld sein? und wer jetzt beim lesn schon wieda denkt „uns passiat des nit“: i wünsch eich von herzn doss des stimmt.

langer text mit vü sinn: oba i hol 324234 mol liaba meine lieblingsmenschen wo mitten in da nocht, als zu hern, sie homs nit gschofft.

 an blogpost hab i schon gschrieben

Überdenkts eventuell eichan alkoholkonsum, schatzis.