Not-to-do-liste

i LIEB to do listen und des gefühl, wos obstreichn/obhaggln zu kennen. oba irgendwie denk i ma sooft, viele von uns bräuchtn eigentlich a NOT TO DO liste, weil menschen echt oft genau des tuan, wos se nit tuan sollten. stimmts? stimmt!

Mei Not-To-Do-Liste. Dinge, de i bewusst nerma tua. und i haggl se ob, wenn i se längere zeit nerma gmacht hab und mi „belohnen“ wü. und sig: WOW GIRL DU BIST SCHON WIEDA A STICKL WEITA GWOCHSN UND STÄRKA WOAN.

1. woatn bis sich de situation von alan ändert

Spoiler: kaum a situation ändert sich anfoch so, du muast anfoch aktiv wos tuan. du willst, doss er deine gefühle kennt? sogs ihm. du willst, doss du sportlicher werst? fong mit sport on. du willst a projekt umsetzn? SETZ DI DAHINTA.

2. wos tuan, lei damit man dazuapasst

vor allem in da schul woa des a richtiges ding: Man hert deitschrap, weils olle so geil finden. man trogt viel zu enge unbequeme kleidung, weil se grod im trend is. man spricht nit über seine vorlieben und passionen, weil se für viele fad sein. i hab echt nit jedn dazelt, doss i gefühlt täglich a buach lies und voll gern harfe spiel. weils nit cool woa. es is bullshit. heit find i grod leit, de passioniert etwas machen, was vielleicht a nit 0815 is, richtig spannend und interessant.

3. ondan gefallen zu wollen

wenni lei so leben tat, wie es ondan passt: wa i weder bloggerin, no tat i bei da zeitung oabeitn und wa vermutlich a studentin, de so tuat als wär da bachelor in germanistik mit an medizinstudium gleich zu stellen (oda pädagogik und i aklea donn echten eltern, wos se olles folsch mochn LOL). na i her auf mi und mei herzl und mittlerweile bin i schon so weit, doss i ma nit mal mehr gedanken mach, wos ondre von mir denkn kennen. und a bei meinen „fotos mit nackter haut“ auf insta, hob i ka ongst, blede kommentare zu gregn, weil sorry: es is haut. wow.

4. ondre (gedanklich) zu judgen

schon lang hab i aufghert, menschen gemeine sachen on den kopf zu werfen weil i was ES IS SENA LEBEN UND NIT MEINS. wenn sie glabt, sie muas an kurzen rock trogn, der kiaza wie ihr ob-bandl is, is es ihr sache. i denk ma da nix. und zu beginn hab i nix gsag/gelästert, aber ma mein teil gedacht. mittlerweile denk i ma nit mal mehr wos, weil i nit mal mehr meine gedanken für schlechte vibes VERSCHWENDEN will. DES kennen sich gerne viele als vorbild nehmen, i was 😉

5. ma den kopf über sochn zerbrechn, de i nit ändern kann

wos ondre menschen tuan und sogn, liegt nit in deina hond. lei wie du darauf reagierst. jemand sog er mog di nerma weil du 3 kilo zvü host? donn wast du gonz genau wie du 80 kilo no schnella los werst? INDEM DU IHN ANFOCH SCHICKEST. du brauchst danach ka schlechtes gewissen haben oder di dick fühlen. des is bullshit. a freindin sogt da wegn an typen ab: es is nit dei schuld. lenk di ab und sei da bewusst, durch de rosarote brille sig se grod nit soooo supa.

6. kane pausn mochn

wenn i so hintadenk wie i mit 20 von donnerstag bis sunntog aus woa, schittl i lei mehr es kepfl. wenn i kronk woa hot mi des erst gholtn, wenn da fiabamessa 39 plus gezagt hot. bei projekten in der oabeit oda a privat hots ka trinkpause oda kopf auslüften geben. dabei is es so wichtig. niedasitzn. schreiben. atmen. meditian. an nocht amal nit im club stehn sundan liaba mol ausschlafen und kraft sammeln. diese fuckin FOMO gefühl hab i valoan, zum glück. über des wollt i seit blogbeginn eigentlich schreiben UPSA. ahah. kimt no. gönn dein körper und dein geist pausen.

7. leere versprechen

wie oft hab i menschen gsog i kim fix mit nur um am abend knapp davor abzusagen? weil i se eig nit enttäuschen wollt und ane spontanen regelkrämpfe ima ziagn. oda dieses „klar ruaf imma an wenn du willst“ und dann hebt man nit ab. des is alles bullshit. du muast fia niemanden da sein, wenn du es nit willst. gib versprechen nur ab wenn du de wirklich ehrlich manst. komisch oba woah: leit, de am lautesten reden, mochn am ende am wenigsten.

sooooo diese not to do liste kennt ma no weiterführen. long weiterführen. oba heit loss ma es amol. wir lesn uns bold.