Beste Leben leben

hi, i hon schon mal mitten in coroni an blogpost über des guate leben gschrieben. heit schreib i über des guate leben, wie man sich es holt guat mochn konn.

ihr postet stories beim ausgehen.
#goodlife.
ihr hauts a foto online, wie ihr für euern lover essen kochts.
#goodwife.
ihr kleschts bitterböse, gehässige quotes ause, de nur für a bestimmte person sein,
und de des vermutlich gar nit liest.
#goodbye.

ihr suachts in alkohol lösungen,
probiats mit zigaretten euer leben zu erfrischen.
den gestank von neid und mangelnder selbstliebe überdeckts ihr mit parfum,
wobei niemals chanel Nummer 5.
ihr seids enttäuscht von menschen, denen ihr kaum merklich mehr gebs.
ihr drahts eich joints und wunderts eich, wenns leben so schnell vorbei geht.
ihr schmeißts eich pillen, und frogs eich am nächsten tog „um gottes willen“
wieso is mei leben sonst so lahm?
ihr richtets eichre lebensstandards nach wünschen anderer leit,
seids für selbstliebe anscheinend no nit bereit.
wo bleibt eigentlich in den perfekt inszenierten leben de .. ehrlichkeit?

lustig, aber wahr: no judgment hier. mir is es gleich, ob ihr fotos vom ausgehen postet, obwohl ihr vermutlich nit mal so viel spaß ghabt habs. in ana disko stehen und billigen vino sippen, is fia mi ka good life (mehr). es is ka goodlife, wenn man mit an kater aufwacht, anstatt zufrieden mit sich selber zu sein. was is good an an life, welches man für insta inzeniert, aber in echt blerentiga am handy sitzt. klar, jede beziehung schaut online fancy aus, aber dieses bild kannst halt a nur bewahren, wenn du a so lebst. drogen, wozu a alkohol kern, machen oft es leben leichter, aber definitiv nit besser. und sich von menschen enttäuschen lassen, wenn man mit der meinung eine geht, man wird SOWIESO enttäuscht, is fraglich. warum nit mal urvertrauen aufbauen? oder gehen, wenn man e schon spiat, es wird nix? diese art von selbstverletzung is doch nit lustig.

gewöhnts eich drann, jetzt mit fast 24 kimt bei mir a erwachsenerer ton. warum? weil i da wo manche von eich grad sein, bestimmt schon woa. und i hätt ma gwunschn, jemand weckt mi bisi auf. so quasi „du larissa, du gehst lei fuat, weil du nit alan sein kannst. du hupfst von party zu party, nur damit du den typen von snapchat siehst. anreden tuastn nit, weil du noch so veraltert denkst, weil ER MUSS DEN ERSTEN SCHRITT MACHEN. und hör endlich damit auf, an typen, den du nur semigeil findest, jeden tag zu snapen. WARUM? bemüh di doch liaba darum, doss du mit dir selber zufrieden werst, anstatt so an 0815 boscha a foto zu schicken.“ heite kann i sagen: nie mehr würd i mei zeit verschwenden, und auf fotos zu warten, ohne text und ohne sinn, hauptsach man kommuniziert. DES IS KA KOMMUNIKATION. und es gibt ka geschlecht, welches den ersten schritt machen muas. es braucht lei a bisi mut, ende.

i hab a neue interpretation von good life. vielleicht gfollt se eich. i kürz es ob, weil über 800 wörter reichen WIRKLICH. gern sogn, wenns an weiteren teil geben soll

– genügend trinken. weil es gibt nix geileres wie ka kopfweh ham und doss de haut frisch ausschaug. und ZITRONENWASSER is so fuckin underrated. a holt de pappn, des belebt die so richtig am morgen. und jeder mensch, der an blogpost lesen kann, auf insta stories postet und weiß wos FANCY hast: warum schaffst du es nit amal 5-8 glasln wasser am tag zu trinken? des is echt nit schwer und SO WICHTIG.

– bewegung. i fühl mi so richtig wie a boomer, wenn i de dinge schreib, oba i mans wirklich so. seit november 2020 mach i sport und kann ans sagen: an alle dünnen, privilegierten Frauen: bewegs eichan siasn popes a a bisi. weil a dünner, untrainierter, nit gestärkter körper is nit immer automatisch a gesunder körper. und bewegung is fia JEDEN Menschen wichtig. und wenn ihr lei spazian gehts, eich dehnts oder was a immer: bewegung brauch ma. liaba fria als zspot. und i halt nix davon, dass nur menschen sport machen sollen um abzunehmen. sport is zum leben da. und es muas nit mal sport sein, bewegen reicht. es is ka #goodlife privilegiert zu denken, man hat sport nit nötig. schau ma mal was deine bandscheiben, dei kreiz oder a dei arzt sagn wern in a poa joa. & wenn wir gsund gnuag sein, uns bewegen zu kennen, sollt ma de privileg a schätzn!!

– konzentria di auf di. i her nach dem punkt auf, weil dann is es schon mal genug. oba ob wonn es wirklich a guates leben is, is der punkt, wo man auf sich selba schaugn onfongt. wo es nerma drumm geht wos mama, bf, des mädel wos man nit amal mog oda der crush von dir holtet. wo es da mehr oda weniger schnurzpiepegal is, ob wer dei meinung teilt oda nit. wo du gern daham bleibst, weil du merkst, dei körper braucht ruah und kane vier wodka-shots. wo du di onschaugst und da denkst „schnecke, guat schaust aus“ und di von deinen unebenheiten nit obemochn losst. i sogs eich, selbstliebe is sowos von geil und wichtig. #goodlife.

ps: daweil ihr des lests, sitz i on mein ersten GROSSEN projekt dabei. und wer vermulich schon blean, weil i so nervös und hyped bin. und genau des is a a teil vom guatn leben, wenn man a soche mit herzbluat und leidenschaft macht. und i tuas fia mi, weils mei klane larissa-maus mit ihre 11 joa cool findn tat. und i bau so auf eichan support ♥️♥️♥️♥️