gefühle wieda

selbstmitleid is sowos von akzeptabel. man deaf sich amol wie da traurigste mensch der welt fühlen, glabn doss seine probleme de zachstn der welt sein und doss olles und jeda gegn an is. tua lei, passt jo wohl so. fühl, blea, leide oba.. irgendwonn kimmst auf de fias a wieda.

wie ihr wisst, bin i a verfechterin der happypeppydurchgehend-gang. i sigs nit ein, warum man fremden menschn akleat, doss man imma den sonnenschein im tiafstn schneechaos suachn oda fühlen muas. wennst grantig bist, bist a grantscherbn. wennst traurig bist, loss es ausa. es is nit vakeat amol nit glücklich zu sein und a de seite des lebens zu schmeckn. schmeckt so noch absint oda so ahhaha. auf olle fälle: i wü eich nit ermutigen todestraurig zu sein und eich fia imma selbst zu bemitleiden. a zeitl is es voll ok, irgendwonn kems e selba wieda auf de fias. des was i. obwohl mir hot amal wer gholn, doss i wieda aufn bodn der tatsachn kimm. weil i woa richtig in der mood „i konn fliagn, weil mir is so vü schlechts passiat, i konn ma olles alaubn.“ i hon ma alaubt so traurig und moody zu sein, des online zu teilen und jedn zu bequatschen deswegen. Dabei hot mi donn a echt korrekter kerl wieda aufn bodn gezogn und hot wos gsog:

Du, meine dame, bist nit der Mensch auf der welt, dem es am schlechtesten geht. Alan durch meine augn host du es so vü bessa, wie gonz vü ondre auf dera welt. longsom is de zeit, des wieda zu sogn.

wow. erst aua, donn aaaaaah. wirklich. woa so der schluck schnops auf da wundn, der brennt, oba donn geil is. wissts wie i man. I bin valossn woan, woa fertig mit der welt. i woa a wrack. und des woa i holt long. und der kerl, der selbst nach jahren happy beziehung beschissen woan is, hot des nit vastondn. wieso i doch sooooo sad bin, dabei gibt ma mei ex de chance weiter zu gehen, weiter zu leben, ohne mi wirklich grundlegend zu zerfetzn. und i wü nit sogn, doss eich a trennung jetz nit nit umschmeißn deaf, donn lests bitte noch mal de ersten absätze oben. i bin dafia doss man fühlt. oba mit da zeit schodet es nix, wieda mehr realistisch zu denken.

egal, um wos es geht: gesundheit, job, andere menschen, trauer: olles konn, olles deaf. ihr miasts eich nie fia wos rechtfertigen. nehms professionelle hilfe on, wenn ihr merkts „ok alan daram i des nit. i fühl mi a nach monaten immer noch so wie beim ersten tog“. bitte. ehrlich. wenn ihr eich weiterhin nur auf den schmerz konzentriats und nit amal in erwägung ziags, doss sich de welt wieda irgendwonn drahn werd.

weil spoiler: de welt draht sich sogoa donn, wonn wir es nerma spian. und des is guat so.

mentale gesundheit kert mehr ongredet, wiss ma. deshalb will i a eich mitgeben, doss gefühle fühlen ok is und guat is. doss man oba a de empathie hot und ondre sig und merkt wie es senen geht.

bin dem kerl unendlich donkboa fia sei ehrlichkeit. wa vermutlich danach noch anige wochen blerentiga im bett gsessn. obwohl i a danach von zeit zu zeit blerentiga im bett gsessn bin. oba do woa es ok fia mi, nerma so belastend „i deaf nerma“. sia deaf i. wir olle diafn.

hobs mi vastondn?