Dei tog, dei vadienst

jeda tog bringt neiche überraschungen. nix neies. oba dir is schon kloa, doss du den größten teil deines toges selbst bestimmst? also selbst in da hond host?du host kan einfluss, wos passiat. du musstn tog& ereignisse nehmen, wie se kemen. manchmal smooth& geil, manchmal dramatisch oda chaotisch. oba des sein lei 10%. de restlichen 90% bleibn dir. wie du de sochn nimmst.

beispiel? in da fria potzt du da makeup auf dei neiche weiße blusn, de du unbedingt onziagn wolltest. jetzt konnst mega an grant schiabn, aggressiv zitronensoft umareibn& den tog mit da blusn in de tonne tretn. oda du ärgerst di holt kurz, ziagst wos ondas UND GUAT IS. i glab, de bluse wollt da nit den tog vahaun, also loss es nit so weit kemen.

donn is da kaffee a no aus. natürlich konnst dein partner onschrein& ihm a de laune vamissn. ok tua lei. oba du könntest a zum café gegenüber lafn& da an cappu gönnen. seima uns ehrlich, daham tuama uns de potzarei e nit on.

den kaffee konnst nachfüllen, de bluse umziehen, den vakacktn test wiederholn oda ausbessan, des verloren gangene haarbandl findest wieda oda kimst ohne aus. aus deine to-dos mochst halt spätestens morgen to-done.

es sein so vü klane dinge, de uns große unüberdenkte emotionen & handeln auslösen.

fühl, wos du fühlen willst. bedenk oba vielleicht: dei lebn is großartig.

nit dei partner wü di absichtlich grantig machen, indem er kan kaffee gekaft hot. du steigerst di do eine, grantig zu sein. nit der fleck losst di vazweifeln. du losst es zua, doss di des so anzipft.

du entscheidest. du entscheidest, dir sorgen zu machen. du entscheidest, über zu reagieren. du entscheidest, grantig oda glücklich zu sein. du entscheidest di fias jamman.

niemand anders tuat dir des on, des bist du. du alan.

think about it.