Gonz fest umoamen

sorry, doss so unongmeldet a text kimt und donn noch ana über etwas wos momentan goa nit so geht.wir wern uns wieda sowos von in de oame fliagn.
so wie ma uns umoamen, wenn ane ausn auslond hinta kimt. 
des au pair joa fertig hot, des praktika obgschlossn hot oda anfoch wieda ham wollt.
genau diese „I HON DI WIEDA“ umoamung werma spian.

so wie beim fuatgehn, komplett bsoffn und bisi zu tamisch und übamutig.
werma uns druckn, obwohl ma so vaschwitz vom dancn und shekan sein. 
oba des is uns so wuascht wie unsa vaschmiate wimpantusch und doss man grod den boy a sms gschickt hom, den ma sowos von goanit ane schicken wolltn.
und wir umoamen eventuell de klane schnepfn (hihi), de uns letztens noch zdick gnonnt hot. 
Oba bisi angetrunkn homa uns jo olle bisi mehr lieb.

wir wern uns wieda umoamen, so wie den crush beim ersten treffen.
so bisi zaghaft, oba nit zlocka. schen fest, damit er unsa parfuuuum dariacht.
sei wange streicht auf deina, hmmmmm. kitzlts?
eventuell hauchts eich zwa klane bussis auf de wongen. 
oda wenn man glick slash pech hot, küsst man sich eigentlich, weil man nit was, wo links und rechts is.
Oh gott, sowos is so peinlich, oba a lustig.

wir wern uns sogoa unta tränen umoamen, wenn olles scheisse is. wenn de welt untagongen is und sich anfoch nerma drahn wü. wenn ma den bodn unta den fias valoan hom und echt glabn, doss es atmen zur lebensaufgob wird. sogoa do werma wieda gspian, wos fa mocht so a umoamung hom konn.
i sog wie s is: zu zweit bleats sichs bessa.
isso. 
und jede freudenträne oda trauerträne oda „er ruaft mi wieda nit on“ oda „i hob da schon tausend mol gsog, es tuat no weh“ träne werd getrocknet wern. umoamungen sein doch pflastalen fia de seele. 

und wir wern uns wieda de bussis geben, de ma vateiln wolln.
dick und fett auf de wangalen von unseren schatzalen.
de bekannten gregn olle bussis links und rechts. 
da beste freind greg an festn schmatza auf de wonge. 
a zeichn von „friendszone“ gmischt mit „hon di oba e lieb“. 

wir wern uns so long in de oame liegn, wie ma uns nit gsegn hom.
gefühlt. 
wir wern so fest druckn, bis de tepflan weh tuan. 
ehrlich. 

i tram schon davon, olle so fest zu umoamen, wie se es vadient hoben. 
du a? 

Ihr wissts mei bestie, de viola lebt in innsbruck und i lieb IBK und sie. und do drübn umoamt sich JEDA. sogoa da postla und da ex von da cousine, olle wern umoamt. und des is so schen. a wenn du do als fremde person hingehst, du werst umoamt. in nachhinein betrachtet wundats mi nit, warum do drübn corona so spriast, wenn de sich des olle beim griasn schon schenkn. großzügig LOL. oba des hot sein eigenen vibe. vor ollem nochdem man wen kennen glernt hot, umoamen se an ondas. aus da leichtn schnellen umarmung wird wos festes mit ana reibenden hond auf da schulta. LOVE IT. Bin so a umoamungs mensch.
Obwohl ma des bussln in frankreich a so taugt. vor ollem weil do drübn holt jeda 2. boy SO SCHOAF is. und do sein a poa gratis bussalan echt nit letz. Oh gott.

noch so an joa volla enthaltsamkeit (HAHAHAHAHAHAHA), also einsamkeit, de ma uns olle geteilt hom, werds zeit, wieda zu umoamen und bussln. i sehn mi danach. so fest.

vermutlich hot der blogpost NIX oba rein goanix bessa gmocht, oba i hob des mol obatippn miasn. vielleicht geht de zeit so schnella uma. wenn ma was, man konn bold (unbekannt wann) sich umoamen. und jeda, der nit so da berührungstyp, werds vielleicht a ondas segn.

Fühlts eich umoamt, geknuddlt und gebusslt.