Und wie gehts da eigentlich wirklich?

A Herzltext, der für de allgemeinheit gschrieben woan is. nit wegen ana person aus mein echten leben. Hallo du, i frog wieda mol noch.
Weil wir redn zwoa, oba sogn tuast mas ma nix.
Obwohl redn wir überhaupt?
De fünf whatsapp de letzten drei monat woan eher a witz,

Du wast wohl, doss du ma wichtig bist?
Oda? Warum sogst donn nit, wos richtig is?
Doss du mi vamisst
weil i di vamiss.
De zeitn sein ondas,
wir gehn imma mehr weg vonanonda.

Wie gehts da eigentlich?
Fong ma nit on, mit passt schon.
weil wast wos?
Des glab i da nit.
I kenn di. gut.
Guat.
Homa mol täglich gredet und uns gsegn,
warum gehma jetzt so vadommt ondre wege.
Nerma zomm, nerma mitnanond.
schon long nerma hond in hond.

i wa gern fia di do,
wenn du mi lossest.
Zuabelossest,
zu dir und dein herzln.
Du gibst ma nit de möglichkeit,
hon ongst, des is jetzt für de ewigkeit.

Domols host ma bei jedn stichln im herzln gsog,
aua do druckts.
jetzt was i nit amol mehr, wegn welchn problem
du blerentiga im bett huckst.

Jedes deiner probleme hon i beim nomen gekonnt,
wir zwa woan doch imma seelenvawondt.
Fria hon i olles gwusst,
jetzt nit amol mehr welches parfum du nutzt.

Du host schon so long nix mehr gsog,
nix dazelt.
Wie es mit ihm laft.
Wie es im Job geht.
wos di interessiat
und welche Musik du heast.

I her se imma noch,
Unsre favs.
also de liadlen, de du ma host gezagt.
Also ständig. Is in ana playlist mit dein nomen.
dei nomen.
Den merk i ma.
Fia imma.
a wenn i di nerma kenn.

Wie gehts da wirklich?
Sogs ma doch bitte.
mir gehts nit guat,
weil di zu valian,
woa des, wos ma imma am meistn weh tuat.