iss bitschen den Kuchn

schon wieda mal a thema, wo i so richtig aufgehn kennt wie a germknedl. ernährungsexpert*innen auf insta, de anfoch SCHEISSE vabreiten. gefährliche, triggernde scheisse.i bin ka ernährungsexpertin, oba i hob an hausvastond. des fallt manchen coaches auf instagram. mir werd schlecht, wenn i überleg, doss do monche geld dafia gregn, doss se vorlagen von senan MLM-Team (bitte googeln) gregn. „Kalorienarm essen!“ „ohne zucker leben!“ „No carbs, voller erfolg“ und so weiter. es gibt diese templates in allen formen und naja- individuell seins holt nit.

i folg niemanden, der sowos is. de leonie, mei fitness-coach, is so wie gonz vü ondre super fitness-expert*innen: ehrlich, motivierend und gebn ihr wissen weita. Oba es gibt holt ondre de anfoch scheisse dazelen und richtig radikal vorgehen.

Highlight: postet a mädel wos über cheatday und schreibt nit original „2 Minuten auf den lippen, ein leben lang auf den rippen!“ HALLO?????? GEHTS NO??? WOS ISN MIT DIR, TAMARA????
dei Lachsfilet mit gemüse hat X kalorien. Mei stickl kuchn hot X kalorien. und da körper was, doss deine gesunden kalorien verbrannt werden oba meine bleiben FIA IMMA auf meinen rippen? ahhahahahhahahahah. sorry, oba i hab selbst von 70 kilo auf 58 obatrainiert amal. und i glab, do woan de geilen croissants-kalorien a dabei.

Lossts eich bitte nit von solch depatn und sinnlosen aussagen triggern. bitte, iss des stickln kuchn, wenns di glustet. wenn du an „Fitness-Coach“ host, der dir VERBIETET dir was zu gönnen, VERBIET ihm oda ihr, dei geld aus da toschn zu ziagn. i man. Du bist a mensch. du lebst, liebst und genießt.

Jeda wie er will. JO. die dosis mocht es gift. JO. oba wenn wer ehrlich sog „a schokolade bleibt da fia ima auf de hüftn“, der übertreibt nit lei, na der hot anfoch so a gestörtes essverhalten, des er a noch öffentlich teilt.

Bitte hintafrogs so ane sinnlosn aussogn. google hilft eich do glab i gleich weita, wie jeder mensch oda hausoazt. du musst mit ernährung nix am huat hom, um zu wissn, doss a schokoladenriegel nit dei diät zerstört. NATÜRLICH is gsund wos ondas oba des is jetzt unwichtig.
I man a Frau, de mensturiert, braucht a ernährung, de zum körper passt. und do gibs frauen, de futtern nur fleisch und gemüse und kane carbs. dazelts ma wie gsund des auf dauer is. WIE GSUND? weil sorry, kloa ka weißmehl und kan zucka- oba da fettige speck is jetzt vü gscheida? Jeda soll sich ernähren wie er will. Und bei extremfällen sollte man doch a den arzt fragen. und schaugn, wie es an geht. wie tuats da haut? gehn ma de hoa aus? Kimt mei periode ordentlich?

Wieso mi jetzt des thema so aufregt? weil wir schon a gesellschaft haben, de lei über di körper anderer lästert und urteilt. und jetzt kemen a noch so klane zwerge vom bodn ausa und sogn uns, wos gsund is und wos nit? Und mochn ANGST und PANIK, in form von „dei sünde begleitet di dei leben lang.“ des is jo gestört. des is anfoch dumm.

i woa selber sehr long naiv und hob jede diät obgekaft, de wer gmocht hot. heit was i- i brauch genug proteine, um stoak zu sein. i brauch meine kohlenhydrate am abend, a wenn so vü sogn „AB 17 UHR KANE CARBS“ i bin oba der typ mensch, wenn i zmittog pasta iss, geh i da liegn. wenn i se am obnd iss, konn i e liegn gehn. und mir gehts guat. i fühl mi stoak, i fühl mi fit und gönn ma ob und zua a zuckaholtiges getränk.

Wer a allergie hot, is ausgenommen ok? I was, wenn man kan zucka vatrog, verzichtet man freiwillig drauf oda a bei gluten. oba nur weil de instagrammerin X ka weizenmehl mehr isst, konnst du da dennoch deine buttabrote einehaun. dry january und du host bock auf an gin? trink es anfoch.

wir miasn echt longsom aufhern, imma aufs gewicht zu schaugn und über de körper von ondaren zu urteilen. wir sollten echt schnell onfongen, auf GSUNDHEIT zu schaun. wie gehts ma, wenn i an salot is? wie schmeckt mir des gemüse? tuats ma guat, wenn i 1500 kalorien iss oder verlongt mei körper mehr? dieses körperbewusstsein is so wichtig. SO WICHTIG. und des zerstören solche möchte-gern Fitnessexperten.

RANT OVER.

ajo in mein neuen instapost varrot i, warum i jetzt „freizügigere fotos“ post.