Heite

des wird ka „fria woa olles bessa“ textl. oba es werd a realitätscheck und a zeichn, doss es olles ok is, wos du fühlst/denkst und vermutlich a überdenkst. weil in zeiten wie diesn is des holt amol so und es is vollkommen ok. JO, wir homs heit eventuell besser als unsere großeltern und co. wir hom an wohlstand, wovon vü lei tramen kennen. und dieses wir is jetzt wieda so gefährlich, weil i wieda nit olle mit eineziagn konn und wü. oba i denk anfoch on de leit in meina umgebung, de a a schulbildung genossen haben, de a kindergeld greg ham und de eigentlich so guat es geht a guats lebn hobn und ghobt hobn. allgemein gsog hom wir an wohlstand, der domols nit normal woa. Heite gibs mehr jobs, de körperlich nit SO zach sein, wie damals im bergbau und co. Gesundheitliche versorung is um 103992302% bessa woan und hjo- wir hom olle möglichkeiten. oda so.

Mir is des jo bewusst. de digitalisierung is fluch und segn zugleich. es geht uns nit durchgehend schlecht, oba i find es nit ok, wenn wer sog: man is nit zufrieden, wenn man am heite wos auszusetzn hot.

schon de klanstn von uns wern so erzogn, doss leistung zählt. unser bildungssystem besteht jo aus noten von 1 bis 5. in frankreich steht daneben oba noch wos individuelles, wie es kind so is. da charakter, de fähigkeiten. bei uns hot des kan plotz. am arbeitsplatz werd oft unausgesprochen verlangt, doss du a am wochenende herhängst. studenten miasn mehr ects sommln ols ondre eventuell in 7 joa studium gebraucht hobn. (achtung:übertreibung). Unser Kommunikation wird lei mehr mit abkürzungen verschnellert und a Mail sollt am bestn 5 minuten bevor se gschickt woan is, schon beantwortet sein.

Nur Leit de stress hom wirkn bei uns wichtig und erfolgreich.
Leit mit Burnout werden belächelt und sein nit aushaltig. 
Schwoch sein de, ongeblich. Da greßte bullshit unserer generation.
Psychische kronkheiten klan zu redn und generell probleme oft zu vaschweigen.

Da Job is de Aussogekroft numma ans. Studenten wern bei jedem familientreffen gfrogt, wonn se gach fertig sein. De Julia, de im September 2020 ongfongen hot, sog holt ungefähr 2024/25. De tante locht. wenn de als Frau an Supa job host, frogn de di leit, ob da chef nit ongst hot, doss de bold schwonga bist. verdient de frau mehr als da monn, werd driba nit gredet. wenn wer zwischn de feiertog haggln geht, gibs mitleid und ka danke. und irgendwie verlongt jeda, doss 40 stunden plus kinder plus haushalt und beziehung machbar sein. Leit, de nur an normaljob hobn, sein als normal obgestempelt. außerdem vergessn so vü leit, doss vü zvü leit für an hungerlohn oabeitn miasn. selbstständige wern als „rebellisch und nicht teamfähig“ betitelt oder sein de helden. dazwischen? gibs nix. und wie oft hat es bei an neien selbstständigen „ma des schoffta nit.“ anstatt „i wünsch ihm, doss es supa hinhaut!“

Arbeiten muas da wichtig sein, es muss di erfüllen und es muss DER traumjob sein. hasts holt. realität is ondas: man konn a an job mochn, der an geld bringt. Man konn a an job mochn, der da 100% taugt, oba da nit gnuag geld bringt. des is so a individuelle gschicht- warum vergeallmeinern wir des so?

Neben der erfüllung im job erwoatet man sich heit, doss jeder nebenbei noch de perfekte beziehung führt (in vielen köpfen ist des mann und frau. nach 5 joa verlobung. hochzeit. a kind. hausbaun. blablabla). de beziehung hot kane kantn und eckn. do zupft sich kana, do laft olles rund und man redet nit von den problemen, de daham sein, wenn de tia zuageht. i find des komisch, ondre normal. übers sexlebn redet man nit. des laft anfoch. und wenn man weh hot beim sex, gezwungen werd oda nie kimmt- des is nit darede wert. onscheinend. du musst a noch dein haushalt schmeißn. bei 40 stund?? WIE???? i vasteh des nit.
I kenn viele de a putzkraft haben. warum nit? Wenn i 40 stund oabeit und mei partner a. warum muss ausgerechnet de frau donn noch wäsch woschn, kochn und den rest vom haushalt machn. entweder man teilt es sich auf oda holt sich hilfe. des is nit verwerflich. kloa is es a froge vom wohlstand, oba es is voll ok.

mir volln noch tausend sochn ein, de in de kepf drinn sein oba nit bedeuten, doss es so sein muas. und bevor es eich schon unta de nägel brennt und ihr eichan senf dazuageben wollts: es is ok, wenn ihr glabs, doss jeder a beziehung hob muas und a job muss da taugn und geld bringen. ans von badn geht nit. es is ok, wenn ihr so denkts, oba ihr seids nit im recht. i bin a nit im recht, oba i find es dennoch okay.

i find es okay, wenn a student 8 joa fian bachelor braucht. 
i find es okay, wenn jemand nur im büro sitzt, weil es ihm geld bringt.
i find es okay, wenn mei partner mehr kocht als i und i dafia de wäsche moch.
i find es okay, wenn a paarle 25 joa zamm is und nit heiratet.

I find es okay, doss jeda so lebt, wie er es tuat und es ohne rechtfertigung tuat.

Wos i nit okay find sein de ständigen anmaßungen und frogn.
WONN heiratets ihr. WONN findest gach an partner. WONN is dei phase vorbei, wo du auf mädels stehst. WONN werst du befördert. WONN ziags ihr aus der klanen mietwohnung aus.

wir wern nie den gleichn horizont hom, wir olle mitanond. den anen is wichtig, geld zu hom. de ondan wolln unbedingt kinda hobn. de ondan wollen sena offene beziehung genießen. ondre wollen anfoch reisen. und lei weil sena horizont nit unsra is, mias ma nit senan obereisn. 

Bitte, heite is schon schwa genung. mit Coroni. mit dem social media druck und co. konn de gesellschaft donn nit onfongen offener zu wern? Irgendwie? a bisi?
Okay?