Facts about me

i glab, i hab des noch nie gmacht. wenn doch, tuats ma lad. aber in zeiten wie diesen tuat wos lustiges zum lesn vielleicht bisi bessa als irgendwos großes über gefühle, situationen undso. man deaf sich ob und zua bisi wos unterhaltsames eineziagn, obwohl de welt drausn sowos von goa nit in ordnung is. deshalb a poa facts about meee.

1. Nachdem i über 9 Monat in Frankreich woa, muss i ehrlich sogn, find i jeda Stodt in Frankreich Parisischer als Paris. weil olles so romantisch und toll is, außa Paris selba. i woa insgesamt 3x drüben und muss echt sogn, des französische Leben is überall genauso schen und romantisch, ausa eben in Paris. do is olles bisi schmutzig, stinkig und zB Marseille hot anfoch mehr Flair. Wenn i 2021 (oda 2022?) wieda umefoa, werd i eich ordentliche eindrücke liefern hihi.
2. i hob soooo a problem mit neuen serien anfangen. wenn de erste folge schon nit guat is, kim i kaum mehr eine. bei Sabrina is des soooo schwa. und a bei the crown und anne with an e. entweder i bin in ana guatn mood und zwing mi zum weiterschaugn oda i loss de serie.. FÜR IMMER. Haus des geldes hab i 2017 begonnen und erst heuer zu ostern ehrlich gschaug hahaha.
3. als i no de pille gnommen hab, hab i IMMA gebleat. bei jedem streit, bei jeder kritik. jetzt blea i echt nur mehr, wenn ma olles zvü werd. oda wenn i echt berührt bin (also beziehung, katzen, hunde, babys.. also e echt oft ahahha).
4. wo i oba eigentlich imma tränen in de augn hon, is wenn ma follower*innen schreiben. also nette sochn. sowos wie doss i gholfn hab. gestern hat ma a bua gsog, er hat wegn mir des perfekte geschenk für sei freindin und hat ma a foto geschickt und ma i hab so tränen in de augn ghabt. und a als a bua ma gsog hot, doss er durch an liebesbrief den er aufgrudn von mir gschriebn hat, sei beziehung rettn hat kennen. für so ane zeilen bin i immer weinbereit.
5. i muas mi sooft bemühn, nit in de nostalgie falle zu tapsen. danach bin i fost 3 tog mit alten stories beschäftigt. mei zeit in frankreich, de zeit in der berufsschule oder so manche freindschaften- i denk donn on olles hinta und mehr doss mei langzeitgedächtnis VÜ ZGUAT IS. zum beispiel de weihnachtsstorie von 2018 brennt sich so in mein kepfl ein- eventuell tipp i de heia mol schen ob.
6. immer wenn i mein blog schreib, her i eigentlich richtig depri musik sowie „life sucks“ von spotify. weil i brauch den melancholischen vibe, um schene worte zu finden. sogoa wenn i wos happypeppymäßiges schreib, brauch i bisi sadness. (Grod laft changes von XXXTENACION omgggggg)
7. i trink/ iss manchmal sachen, de ma goa nit so schmecken, anfoch weil i was, se tuan mein körper besser als ondre sochn. zum beispiel trink i wieder mehr pflanzliche milch, obwohl i vollmilch lieb. lei mei bauchi mog laktose nit so gern. deshalb trink i coffee mit soyamilch- obwohls nie so guat schmeckt. und i schaff es teilweise nit, richtig ungsunde gönnungssachen zu essen, anfoch weil i was, se sein nit gsund. zB a cola, a wenn i glust drauf hab, konn i es nit imma trinken. oda a eis. teilweise woa i do so fest vaonkat, doss i mi zwing, es doch amal zu trinken/ essen wenn i gusta hab. weil a ende schodet es jo nit amal.
8. wär i nie mitn lukas zu ana freindin essn gongen und hätt ma do ihr katzl gsegn hätt i ma nie ans ongschofft. i mog gonz und goa nit kotzn. oba nochdem i de zola und luna hon, schon. dabei muss erwähnt wern, doss des kane typischen katzn sein (de huckn komplett zuabe, se fotzn nix und man hat es gefühl se brauchn an). somit nehmen se ma a de vermissung zur bambina.
9. i hoss hosn kafn so oag, doss i eigentlich a jean, wenn se passt ma anfoch in verschiednene foabn glei kaf und fertig. und i bin seit 2011 team high waist super skinny.
10. des anzige körperteil wos i on mir ändern tat, wär mei oberweitn. obwohl es viele als luxusproblem segn, fänd i a klanare oberweitn angenehmer. des denk i ma schon seit 3 joa und sog des a offn. i finds a so wichtig, doss man ehrlich zu sich und ondre is. man muas und konn sich nit selber immer zu 100% geil findn. und i akzeptia mei oberweitn jo, i hoss sie nit. i fänd es ondas lei schena und praktischer. genau des is da wichtige untaschied zwischen bodypositiv und bodyneutral. i geh damit normal um, indem i nix verschönig.
11. wos mi richtig zach schiachtuat, is wenn mi leit beschimpfen, doss i mei meinung imma jedn einedruckn will. i konn no schwa damit umgehn, wenn leit eventuell nit so offen sein wie de meisten menschen. i akzeptia meinungen von ondaren menschen. lei dinge wie rassismus sein ka meinung. mei blog soll leit helfn, in verschiedenen dingen: i will niemanden damit zu nohtretn und beleidigen. aber am ende is der konsum von meinen inhalten die entscheidung der menschen und deshalb nit mei kaffe- genau des muss i no lernen.
12. i steh auf saures essn. rote rohnen salot is anfoch lebn. oda essig einglegtes gemüse (ok rote rohnen sein genau des eigentlich ahah) und hitschler saure drachenzugen (is vegan) is des anzige gummizeig, wos i mein mund londn deaf. ahhaha. bitterlemon is a soooo geil.
13. mei liebligngsparfum is la vie est belle. des hob i seit 5 joa. heua hab i ma gedacht i bin zu erwachsen dafür. LOL. rotets amol, wer schon wieda jede la vie est belle probe aufgebraucht hot, weil es anfoch so zu mir passt.
14. i loss meine hoa jetzt wochsn, folls i bis i 30 bin heirat, wü i nämlich supa longe schene hoa hom, sowie damals mit 16. natürlich hot mei partner somit grod NOCH kan stress. oba i hab schon erwähnt, doss bevor i se ma schneidn will, er schnell an antrag machen sollte haahhaha.
15. für mi is französischer rotwein der anzig wahre. eigentlich is der gedanke daran, dass er französisch is schon genug. oba noch 2-3 glasln bin i perfekt gesättigt, ihr wissts wos i man.
16. i snack käse statt süßigkeiten. is sia a nit mega gsund, oba a guata brie stillt mein hunga und sehnsucht. i hab irgendwie mei familie sowie partner angsteckt mit guatn käse.
17. meine kuschlsockn kean zu mir. hab ungelogen 13 poa. mit noppn, selbstgstrickt, grau, bunt… also jeda der ma jemals welche gschenkt hot- i trog se in ehren und mit freid. sogoa beim schlofn. und bei ondre sochn. weil nix is schlimma ols kolte fiaslen.
18. mei neie sucht sein gordon ramsay videos!! mia woa der kerl eigentlich unsympathisch, oba HE GOT A POINT. wenn de 8 kilo chicken findest, de schon a zweist mol leben, holy moly. in amerika werd i nirgends essn gehn, wo nit fix olles sauba is. hab gefühlt jeden clip auf youtube schon gschaug.
19. i bin easy zum aufmuntern. laut mein partner. entweder er fongt laut zum singen an (es vater unser..) oder er macht tiergeräusche. probiats des eventuell bei eiren partnern aus!
20. Bali is so a reiseziel, des mi null komma nix juckt. keine ahnung warum do jeda hin will oda a schon woa. es ziag mi ka bisi on.
21. mei erste mahlzeit des tages gibs meistens erst ab 14 uhr, weil i mag des gefühl nachn essen nit, wenn ma müde is. und dann bin i liaba erst am nachmittag nachn essn müde fia de letzten 2-3 stund oabeit als mitten am tag. dafia gönn i ma am abend imma megaportionen hahahahah. gsund is es sia nit, oba i kann mit vollem bauchi supa schlafen. Mir hat mal a lehrer dazelt, wer abends viel und schoaf ist, hot alpträume- dabei schlof i imma wie a baby
22. apropos schlofn: i muas IMMA auf da linkn seitn einschlofn und donn schlof i immer am bauchi. ondas gehts nit. nie. sunst schlof i nix
23. jeds mol wenn i an kitschigen roman vaschlungen hab, gönn i ma danoch irgendwos grausiges um jo nit zu romantisch zu werden. voll da abwehrmechanismus.
24. bei JEDN einkauf im lebensmittelgeschäft nehmen wir schokigenuss von da kärntner mit, egal ob noch ana daham is. des bedeutet a, doss wir imma schoki genuss daham haben. schod, doss es de nit in 1 Liter packln gibt.
25. hätt i sinnlos viel geld zum ausehaun tat i ma sufuat a nintendo switch zualegn. und an dyson föhn und a dyson glätteisen. oba i konn anfoch nit geld fia dinge ausgebn, vor allem so vü geld, ohne drüber 3 joa zu überlegen. mei longchamp tasche hab i ma erst noch 5 joa überlegn gekaft. mei liebeskindbrieftasche (überhauptnit sei geld wert) noch 3 und mei daniel wellington a erst noch 3 joa. seit 2 joa spiel i mitn gedanken mit a LV- taschi zu kafn- also werds wohl bold so weit sein ahhahaha. Doc martens wollt i eigentlich seitdem i 12 joa bin (hab plötzlich prinzessin gelesn), aber genau heuer wollten meine eltern sowie mei freind ma de kafn. glückspilz.
26. meine augenbrauen moch i imma mit eyeliner creme. ahahahahaah. i tat se ma oba gern microneedln lossn oda so. i hätt gern schene, perfekte augenbrauen amal.
27. i wollt NIE nach kärnten zruck kemen und wollt imma long wegbleibn. oba i hob gmerkt, mitn richtigen job is kärnten sowos von nice. i würd nur nach salzburg oder tirol gehen (temporär) innsbruck wär schon cute irgendwann amal, vor allem wenn man älter is haha.
28. mit heitign stand würd i ma eher a eigentumswohnung kafn, als a hausbaun. erstens weil irgendwie voll viele leit sich trennen beim hausbaun ahha und zweitens des jo so teia is und vü oabeit und i was nit. oba frogs mi in 10 joa noch amal.
29. zum glick werd i nerma so rot in da battrie als damals, aber manche situationen entlocken ma imma noch a schamesröte ins gsichtl. mei freind behauptet, doss man a donn mei ader auf der stirn mehr sig.
30. i bin so a pfeifn in mathe. des is oag. 28 plus 13 is fix irgendwos mit 82. i schwör es is so schlimm. na des is ma fost peinlich. in da lehrzeit hots an kopfrechn kurs gebn und mei chefin hot glott gezögert, mi do onzumelden. verständlich.
31. derzeit lebt genau noch a pflanze in meiner wohnung. frederique und mathilde und olle sein gone. meine buntnesseln sein gedeiht oba leida woa senen bisi zwoam. do konn man nix mochn. i werd schon weita pflanzn.

schenen abend ♥️