Muss i des (er)trogn?
Longsom seima olle wieda drausn. On da frischn Luft, mit unseren Liebsten und a Menschen, de ma nit mol kennen. In da Innenstodt begegnen wir Fremden, de uns obcheckn, beurteilen und oft nit schomen, wenn se mitn Finga auf an zagn. Oag? 2020 is olles noch möglich. On mein ersten Tog im Büro is ma selber wos aufgfolln und abends im Bett hon i ma gedocht „Muss i des wirklich ertrogn?“Fost a Joa is mei „Des is mei Körper“ Beitrog her. Bitte den immer noch hernehmen und nochdenken. BITTE.
Homeoffice. Do woan BHs im Schrank, gonz unten. Unta de Bikinis noch. Jeans hom Urlaub ghobt und Jogginghosn sein quasi 24/7 getrogn woan. Monche von uns, i a, hom sogoa auf de Jogginghose verzichtet: Untahosn tuats a. Mit an zgroßen Shirt vorm Laptop oabeitet es sich anfoch bessa. Dieser „Gammel“-Look, wie er oft belächelt wird, woa mei Leben. Is mei Leben. Bleibt mei Leben.
Oba kaum gehts ins Büro oda in de Stodt oda zu ana noch nit guat bekannten Person- fia i mi auf. I zwing mi in an BÜGEL-BH, der anfoch NIE bequem sein werd. Warum??? I LIEB meine Softbhs von Hollister, de zwicken nit, de „zwängen“ meine Tepf nit ein und mochen imma noch a schene Brust. Wos is a schene Brust eigentlich?? I was jo nit, oba i glab, Männer und Frauen finden nackte Tepf am schensten. In senra reinen Form, ohne irgendwos. Oba warum muss i donn an BH onlegn, wenn i aus da Tia steig? Kems ma jetzt nit mit „WER GROSSE TEPF HOT BRAUCHT AN BH.“ NA OLTA ANFOCH NA!!! Es gibt ka Gesetz, des sog, doss du nur mit AA und A ohne BH umastarten darfst. Und zum Thema „Nippel segn“, sorry oba stört der eich? Belästigt eich mei Nippl? Beleidigt der eich? Is der so störend, doss ihr nerma normal leben kennts????? Olta i drah do schon so durch. „man sig ihrn Nippel.“ OMG I HOB A NIPPIS NO UND???? Also bitte, warum muss i an BH anhaben, wenn i danach IMMA weh hob? Egal, wie perfekt er sitzt? Egal, wie teia er is? Ohne lebt es sich bessa oda holt ohne Bügel. Sport-BHs sein schon Welten besser.
Bitte lossts Frauen, de kan BH onhoben oda deren Brust „zu natürlich“ ausschaugn oda man deren Nippel sig, in Frieden. I bewunder solche Frauen, weil ma selber solche Aussogn noch zu schiach tuan.
Ongeblich hot jo JEDER (nit jeder, ehrlich nit) während Corona zua gnommen. „I bin so fett woan“ herst in jeder Eckn und mir kimms Speibn. 2-5 Kilo sein wohl ka Thema. Und bitte, jetzt tua di nit so aufpuddln, weil du zdick woan bist. Willst du jetzt hern, doss du e nit so ausschaugst? Oda willst du a Bestätigung? Is dei Gewicht nit so egal? Is nit wichtiga, wie es da gesundheitlich geht? Hob i do wohl wos verpasst. Wos mi do genauso onzipft: I hob während Corona obgnommen. Anfoch so. Gleich wie wer anfoch so zuanimmt, nimmt wer ondas ob. Ernährung, Sport olles Sochn de mit spielen oba nit der Rede wert sein. Oba wos darf i ma onhean? „Mi triggert es, wenn du auf Insta zagst, wie dünn du bist.“ „I find es schlimm, doss du obnimmst und i dick werd.“ Äh sorry, ans is kloa, da Opfel is ka Banane.
Nur weil du dicker wirst und ondare nit, is des nit de Schuld der ondaren. Herts auf Menschen zu beleidigen, weil se dünner woan sein und ihr nit. Kema bitte des Gewicht Nebensoche sein und schaugn, doss ma olle (körperlich und geistig) gsund sein???? I was jo nit, oba eicha Zuanehmen is a Luxusproblem, wos a ondre Ernährung und Bewegung meistens glei ändert.
Noch mein Tog im Büro bin i ham, unta de Dusch. BH aus, de enge Skinny Heigh Waist Hosn ausgezogn und de perfekt passende Bluse aus. Trottl. MIR HOT OLLES WEHGETON. Blick in Spiagl sog olles: Rote Abdrücke EVERYWHERE. Unta da Brust tiafrot, beim Bauchnoppl rot und Abdruck von da Hosn. Bequem woa es ka bisi, oba schen und GESELLSCHAFTSTECHNISCH ANGEMESSEN. Würg. Warum konn i nit in ana leichten Sommerhosn einestarten und in an weiten Shirt? Schaug jo a liab aus. BH sig man drunter nit, deshalb könnt i en auslossn. Schreibt ma des Büro fua wos i onziagn muas. Na, oba de Gesellschaft. Jeder beklogt sich jo jetzt, doss er wieda in Jeans kemen muas. Jeder jammat, doss er jetzt neies Gwond braucht. Is de Produktivität und de Oabeit und des Ergebnis nit wichtiga wie mei Aussehen?? I man mei Hoabandl-Dutt-Style is Leben, deaf des a ausaholb da Wohnung sein?
Muss i des ertrogn? Sochn zu trogn, de weh tuan, nit bequem sein, weil ondre sogn, es schaut guat aus? Darf man den BH nit daham lossn? Darf man nit auf Bequemlichkeit setzn? Muss i des trogn??
Eicha Meinung zählt. Schreibs ma. Bitte.