EURE Pillen- Stories

Vorhang auf für .. EUCH. Jetzt is es mal an der Zeit, eian Stories an Platz zu geben. Vor allem de Pillengeschicht hot gezagt, doss ma eigentlich olle mit denselben Problemchen ham. Und noch amol- IHR SEIDS NIT ALAN. Am Ende is dei Liebeskummer vielleicht a ähnlicher Vorfall, wie von dem „depaten“ Mädel, des du nie megen host. Vielleicht hot a de Ex von dein Freind genauso Regelschmerzen wie ihr. Maybe hot a de große Schwester eira BF Probleme mit Laktose. Wissts wos i sogn will? Oft wär nit zu verurteilen gscheider, weil wir am Ende vielleicht a Freindin finden könnten. Oba jetzt zu den Gschichten.

 

Ohne Pille leichteres Abnehmen, Stella

Also wenn i ehrlich bin, i hab a de Pille abgsetzt, gnomm hab i sie eig nur weil i so a orge „Behaarung“ im gsicht kap hab, imma blöde Kommentare ghert hab und mi anfoch nerma wohl gfühlt, hab dann damals a wirklich starke Pille griag, de mir meinsglaubn voll gholfn hat, was i aber erst nach 2 Jahr draufkumman bin is, das i durch de so viel zugnommen hab… Hab dann imma so Probleme mit mein Gwicht und generell mit mir kap, das se irgendwann gsag habn i muss mei Schilddrüse anschaun, ja dann san se draufkumman das mei Hormonhaushalt komplett aufn Kopfsteht, i knoten auf da Schilddrüse hab und und und…Jetzt muss i, oda besser gsag bin i froh das i de Pille absetz, nimm sie mittlerweile seit 5 monat nerma und fühl mi wohl in mein Körper.Des Abnehmen geht sogar a viel leichter seit i se nerma nimm.

Wegen da Pille bin i vermutlich im KH glandet. Violetta

Hab seitdem i angfangen hab de Pille zu nehmen nie so ane probleme kobt. Hob schenere haut kriagt und und und also eigentlich genau perfekt! Mit da zeit hob i donn gmerkt dos i soo schnell gereizt bin (so noch 3-4 johr) dos i wegen jeder klanigkeit blea und und und Donn hots bei mir so ongfongen dos i immer extreme bauchkrämpf kobt hob, also wirklich extreme hob oft nerma stehen kennen wegen de sochen Außer haus hob i mi donn a nerma getraut weil i immer de frog im hinterkopf kobt hob „wos is wenn do ka klo is“ Jo hob donn sämtliche Untersuchungen gmocht, jeder hot zu mir gsogt dos i irgendwas bam essen nit vertrog hob mi donn a auf ziemlich olles testen lossen hot ober olls nit ongschlogen. Hob donn a mogen darm spiegelung mochn miasn do sind se aufn entschluss keman dos i onscheinend a Speiseröhren-Entzündung kobt hob. Hot für mi nie an sinn ergeben weil i in dem bereich nie wos kobt hob oba nojo.1 johr is vergong und es hot anfoch nix geholfen i hob gmant i muss mei leben long damit leben wir echt verzweifelt. Amal is ma schworz vor augen gworden und an mehr konn i mi nerma erinnern bin donn im kronkenhaus munter gwurdn. Hob do an Migräneanfall kobt Ob dem Zeitpunkt hob i mit da pille aufkeat hob mi donn informiert und hob donn aufkeat und mir eben de spirale mochen lossen, de ohne horme!! Mittlerweile kenn i des gfühl von bauchweh gornerma also is wie weg nie mehr ane probleme gornix! Alles nur wegen so ane klanen Tablette.

Mei FA wollt mi de Pille nit absetzen lassn- Josie

so oag wie leicht des anfoch kregst ohne viele fragen usw. des absetzen wollt ma de FA a abraten, 10 monate danoch und mei haut explodiert imma noch obwohl mei zyklus perfekt is und i davor nie nie nie hautprobleme ghabt hab, i hab jetzt schon richtig viele narben/pigmentflecken/was a imma im gsicht und dekolleté? und weil i a so viele wassereinlagerungen ghabt hab, hab i alles dehnungsstreifen an den beinen bekommen, aber naja irgendwann wirds schon besser werden und wieder aufhean hoff i, i würds auf jeden fall nie mehr nehmen!!

was man über die libido hört, kann i auch nur bestätigen ?- Meiki

hab se vor ziemlich genau am Jahr abgesetzt und war zuerst mega happy, meine tage waren zwar bissi unregelmäßiger und stärker und i hab ziemliche unterleibschmerzen greg in den ersten tagen, de i vorher nie ghabt hab. was i aber alles gern in kauf gnommen hab um von den hormonen loszukommen. aber leider is dann so nach am halben/dreiviertel jahr ca mei Haut extrem schlecht woadn. vorher war se echt super. und des is sogar so schlimm woadn, dass i jetzt so a  Therapie beim hautarzt machen muss, was leider a nit so supi is. Alles in allem muss i aber trotzdem sagen, dass i froh bin es gemacht zu haben und wenn i mei haut wieder in griff greg hab hat sichs dann auch ausgezahlt, weil so gehts mir wirklich viel besser und früher oder später muss man da eh durch Und was man über die libido hört, kann i auch nur bestätigen ?

Always in a bad mood. – Cindy

Zuerst die Pille immer gut vertragen – seit einigen Monaten oba plötzlich knapp 10kg zugenommen, schlechte Haut bekommen generell a seeeehr schlechtes allgemeines Befinden, also i bin immer schlecht drauf, bin antriebslos etc. Daraufhin hab i an Gesundheitscheck gmocht, olles is in bester Ordnung und es liegt zu 90% an da Pille. Auf mei Anliegen hin, dass i die Pille absetzen will,wollt da Frauenarzt mir nur a andere Pille ondrahn und hot sich eigentlich goanit um meine Bedürfnisse bzw Wünsche gekümmert – also a Frauenärzte/innen müssen do bessere Arbeit leisten find i (amol davon abgesehen das eh schon fost jedn jungen Dirndl beim ersten Frauenarzttermin die Pille ongedraht wird) ?

i bin zu zwa FA‘s gongen und bade wollten ma gleich die pille ondrehen obwohl i gsog hob i wills nit – Charlotte

ehrlich i wor immer anti babypille !! und hobs ah so long als möglich ausegezogen sie zu nehmen. oba mei problem wor dass i anfoch so orgen schmerzen immer ghob hob dass i mi sogar übergeben hob müssen, bin nit in die schul gongen deswegen, etc. Irgendwonn hobi ma gedocht so konns nit weitergehen, bin zum FA gongen es erste wos er sog jo nehma die pille, hobi gsog na will i nit brauch i nit.. donn sogt er jo donn müssen wir des mit storke schmerztabletten umgehen jo passt. super schmerztablettn immer 2 gnommen am tog (mehr hätt i eh nit nehmen dürfen so stork wie de woren) und des holt die ersten 2 tog irgendwonn noch 2 johr hobi ma wieder gdocht hm na des kann nit des wahre sein. i nimm do jeden monat schmerztablettn zu mir de send stork des is ah nit gsund weil irgendwonn baut da körper jo ah immunität auf gegen die tablettn.
bin i zu an oandan FA gongen frog i ihn ob er mi aufklären könnte wos den schlimmer is, schmerzmittel oda pille die ontwort wor „jo Sie sind ah junge frau do nehmens die pille hobens kane schmerzen, verhütten tuans ah glei und die hautunreinheiten verschwinden ah mit“ (i selba hob gegen de klanen unreinheiten definitiv nit soviel auszusetzen ghob wie er onscheinend) hobi ma wd gedocht ma i will die pille oba nit nehmen sog i zu ihn welche möglichkeiten ma noch hätten jo na er sieg do nit so viel i sollts amol so probieren mit da pille weil morgen kimt da märchenprinz schon onglofen hob i ihn gsog dass es ma nit um des geht, donn sog er jo irgendwos mit kupfer soll i ma jo nit einreden lossn 
hobi ma gedocht jo passt i will die schmerzmittel holt echt nerma nehmen hobi ma des einreden lossn, jetzt nimm i die pille schon ah zeitl mei haut is immer gleich gwesn wie davor wenn nit sogar schlimmer. meine schmerzen send weg und des is echt ah segen oba trd will i nit bei da pille bleiben
es is anfoch ah folsches denken in da gonzn gesellschaft i man i bin zu zwa FA‘s gongen und bade wollten ma gleich die pille ondrehen obwohl i gsog hob i wills nit is da ane von seina meinung jo nit wegkemenund

des find i irgendwie hoat weil i man i hob eh erst mit 18 ongfongen oba do gibs mädls de fongen mit 13-14 on und de wissen holt ah nit wos tuan und hören aufn lieben orzt, weil se es nit besser wissen KENNEN.