Olle Männer sein Fackelen

Ob der Titel gewollt provokant gewählt is? JO SIA. I wü, doss olle Männerhasserinnen des lesen und etwos lernen: Nit olle Männer sein gleich (depat.)

Es klebt on Männern, so wie des Nutella vom Frühstück im Gsichtln: Des schlechte Image. Olle wollen nur Sex, de Wörter Benehmen& Anstand kennen se nit und stinkfaul sein se.

Olle Männer saufen.
Olle Männer sein unromantisch.
Olle Männer wollen di lei kniend vua senen segn.
Olle Männer zockn.
Sorry, mehr Klischees wü i goa nit ausaramen, des is ma zbled.

Bricht da ana es Herzl, kennst du se olle.
Hot di ana vaoscht, werns seine Nochgänga a tuan.
(Dei Fremdschmusarei woa beim X a Ausrutscha, wenn da Y jetzt ongst hot, spinnst DU uma. Und wos tuast? Gehst mitn Z mausan. #fairness)

Jo, beruhig di. Es gibt Wixxa. Do host e recht. Lei brauchn de nit zwingend a Schwanzl hom. Frauen sein a Oaschlechlen. Frauen betrügen a, sein unromantisch, unfair und fian sich auf. Dei Theater is so depat wie sei Desinteresse. Dei Eifersuchtsschiene is nit weniger nervig ols seine Auszucka.

Kema uns im Kloan sein, doss dieses „Männer sein olles Fackelen“ nit zum Joa 2020, des wir grod schreiben, passt? Com’on, sexistische Scheiße is auf bade Seiten gleich depat!

Wehe a Bua sog, doss wir Frauen olle gleich sein. Donn spinnen wir, i a. Lei bin i ka stille Schweigerin, i reds glei on. Glei Probleme in Beziehungen onsprechn aspoat vü Zeit und man konn schnella zu de schenen Dingen des Lebens kemen. Schmusn. Und Sex, der übringens ohne dem Präfix Versöhnung guat is. Just sayin.
Mir is kloa, doss nit jeder Typ mein Speck aufschneidet oda ma mei Auto obawoscht oda tankt. I reg mi nit auf bei den Typen. Lei kolt i ma den Typen anfoch nit. Warum a? Werd i ihn ändern und so richten, wie i es brauch? De Oabeit tua i ma jo nie im Leben on.
Oba meine Onsprüche schraub i a nit ochn (obe). Weil olle Typen NIT gleich sein, suach i ma anfoch an, der zu mir passt. Der mi wia a fuckin Prinzessin behondelt. Weil er des wü, weil i des oba a valong.
Woher de Onsprüche kemen? De Männer in mein Umfeld sein anfoch Schatzis.

Wos soll i mit an faulen Hund, der mi nit amol a Pommes von sein Teller fladdan losst oder wenn i um Hilfe bittet anfoch verneint???
Sorry, oba damit schiast man sich doch selba ins Aus. Und behauptet donn i hon zhohe Onsprüche. Na, Bua, du bemühst di lei zwenig.
Gott sei Donk hon i so Männer in mein Leben, de mi so guat behandeln wie i es vadiant hob oba donn a sogn „Spü di nit“, wenn i den Bodn unta de Fias valia.

I bins lad, doss ma auf Männer, de nix fias Fehlverhalten anderer kennen, umahacken. Drauf kimm i nix kloa. Es gibt Momente, do schom i mi fia mei Spezies. Ernsthoft.

Bitte entscheidets noch Charakter und Taten und nit noch Geschlecht.
In Männerhasserin steckt HASS drinn und des Wort meg ma nit und akzeptia ma a nit.