Wos i 2019 glernt hon

Wir lernen. Imma, ständig, überoll. Und meistens nit in da Schul oda auf da Lehrstell. Sundan anfoch mittn im Leben. So bin i a mit meinen weisen 22 Joa auf Sochn draufkemen, de i anfoch lernen hon miasn. Durch eigene Erfahrungen oder schmerzhafte Erkenntnisse von Freindinnen. Dei Fehler is mei Fehler und wos dia weh tuat, werd a mia schiach tuan.
Spoiler: A Typ, der dei Freindin vaoascht, wird di nit besser behandeln, Bitchi du. 

AKZEPTANZ

Goooooonz wichtig. Du muast nit olles nachvollziagn kennen, ehrlich nit. Es reicht, wenn du gewisse Aktionen anfoch akzeptiast.
Er hotn Job gekündigt, weil er unglücklich is. Fia di a Rätsel, weil du es Geld sigst. Geht di nix on, akzeptia es. Sie wü liaba den ondan Kerl, weil er momentan interessanter is, dabei wiss ma, doss er a douchbag is. Oba es is ihr Entscheidung, also akzeptia des. Sie ghostet di noch an klanen Fight, den du UNBEDINGT ausreden willst. Sie sollt des nit zua, also losst du es bitte guat sein. Verfolg de Briefmethode ohne Abschicken.
I hob holt akzeptian miasn, doss nit jeder meine Worte verdient hot. Oda vastehen will. Nit jeder konn des so schätzen, wie i es awoatn tat. I konn do wos über Eifersucht herfetzn und Freindinnen kennen derwegen noch wegen de so sinnlosen Exfreindinnen Theater mochn. I konn des lei akzeptian, werd ma kane Zent daron ausbeißn. Probia i a goa nerma. Und wennst wem an Briaf schreibst und ka Ontwort drauf gregst, is des jo a a Ontwort vadammt. Und wenn ana sog, nochdem du ihm dei Herzl ausgschittet host „Du bist e liab und fesch“ DONN NA. Er hot di nit vadient, Prinzessin.
Und wenn du wie a Prinzessin behondelt wern wüst, weil du es fuckin nochmal vadian host, donn is des so. Geh nit fia an Bua mit deine Onsprüche oba, weil er se sunst nit arreichn konn. Er hot di donn nit vadient. Akzeptia a des. Doss nit jeder cute boy von da Eckn dei Traumkerl sein konn und wü.

MEI GLICK > DEINS!!!

Am Obend geh ma olle alan liegn. A wenn da Partner daneben liegt, du bist mit deinen letzten Gedanken vuam Einschlofn und vorollem beim Tramen alan. Kems damit kloa. Also solltest du a de Person sein, dessen Glück da am wichtigsten is. Du bist nit de Person, de ondre glücklich mochn muas. Dafia is jeder selber zuständig. Her auf dei Energie aufzubrauchen um ondre aufzupäppeln, wenns di donn obeziag.
Die liebe Larissa werd nie wen glücklich mochen wollen, wenn se nit selba 110% happy is. So vü Selbstliebe besitzt se grod noch. I wü jo a nit von wem a Freid gmocht gregn, wenn i ihn in de Augn schaug und sig, wie es Unglück mi herziagn wü. Leitln, ihrn seids ihre eigenen bestn Freind. Mochts eich glücklich.
Daher hon i heia de an oda ondre Entscheidung gegen den Verstond ondara gmocht. Mit der Begründung „Mir gehts damit bessa so. So bin i glücklich“ Und des is de beste Begründung ever.

Zeit is es greßte Geschenk

… schreibt des Mädi, des ihr BF seit 2 Monat nerma gsegn hot. schreibt des Mädi, de ian bestn Freind des Joa lei 2x gsegn hot. Erwochsensein hot so vü Verpflichtungen, de Freindschoften pflegen echt schwa mochn. 2020 setz i auf mei Prioritätenliste gonz oben meine Lieblingsleit hin.
Weil i leida gmerkt hon, doss der im Dezember ausgmochte Coffee im April zspot woa. Fia imma.
So gehts a mitn Bussln. Schmusts den ob, den ihr wollts, bevua er den Verlobungsring uma hot. (Hot holt vageben is- u know what I mean.) Sogs der Person, doss ihr se liebs, bevua se mant, ihr megs se e nit. Bedonkts eich bei de Leit, de es vadient hom. Bewerbs eich fias Auslandsjahr bevors Studium vorbei is. Olles hot a Oblaufdatum, meine Freind.

Kolt da dein Grant !!

Bist du happy, teil des gern mit ondaren. Steck se on mit dein grausig siasn Honigkuchenpferdgrinsen. Oba dein Grant varamst gfälligst daham. Negative Leit tuan ma sowos von goa nit guat, des stresst mi so her. Doss i Menschen echt ehrlich sog, se sollen mit senan Grant/ mieser Stimmung sich vazupfen. Schleichts eich. Lei weil ihr eich nit megs und auf mir umajamman wollts, juckt mi des nit. I nimm da dein Grant nit ob, i werd ihn nit varingern und erst goa nit werd i da helfen. Do muast da selba helfen. Also grantige Leit kennen glei an Bogn um mi mochn, sunst foa i do driba.

Lei Mutige kemen weiter

Am Sunntog widme i dem Thema an kompletten Beitrag YES. Mut is dei bester Freind. So vü guate Sochn kennen durchs Mutigsein passian. Ehrlich. Lei wer sich traut, hot später wos zum dazelen.

A klane siase Story am (metaphorischen) Rande: Kimt gestan bei der Veranstaltung so a liabs Diandl her. Mit „I MUSS DA JETZT WOS SOGN“. Kurz gmant, sie wü Stress. Dabei mant sie, sie findet mein Blog und mi so toll. Ihre Handln ham gezittat, i man sie redet a Wildfremde an. MUTIG UND SO LIAB ❤️❤️❤️ Kann mi lei mehr an dein Nachnamen erinnern, aber du bist ane der Mutigen und Siasn. Und sorry fürs um en Hols fliagn, i was nie wo’s sogn bei sowos Liabn ?

Und glei da Danke an de süßen Girls vom WC, de ma mit meine Linsen gholfen ham. Geschenk Gottes seids des ❤️

Klare Antworten

I wü nix von dir. Des mit uns werd nix. I mog di. Du oabeitest sauber. Du bist zu ungenau. De ondre von eich 2 taug ma mehr.

Oft mol ma uns vü Szenarien im Kepfl aus, weil kloare Ontwortn falln. Deshalb bin i Fan von kurzen und maybe hoatn Antworten. Gib i gern, greg i a gern. Es veranfocht anfoch es Leben. I werd kan Bua monatelong nochlafn mit dem Gedanken „Mog er mi?“, wenn i den glei mol frog „Bin i eher so zum Schmusn oder eher so zum Heiraten?“. Fia wos Kepflzerbrechen um a Date. Wenn anfoch sei Nachricht „Wir zwa miasn uns unbedingt amol treffen. Bald. Morgen?“ am Handy auftaucht. Und donn sogst nit „SCHAU MA MOL“ do sogst glei Jo oda na. Finito.

Deine Prioritäten ändan sich

Dei Schatzikatzi is dei Ein und olles. Im Feber. Im April zöhlt lei die Londjugend fia di. Donn is es dei frisch getrennte BF. Donn is es dei neia Job. Recht so. Du vaändast di, so a deine Prioritäten. Des is normal und wer des nit akzeptiat, hot nix in dein Leben valoan. Wer imma dei Priorität Nummer 1 sein wü, soll sei Leben überdenken..

Beziehungen sein so vü Oabeit

oba do kema glei zum nächsten Punkt. Solltest du a Beziehung führen is des verdammt nochmal a Priorität, de konstant gepflegt ghert. Von badn Seitn. Do gibs ka „De 3 Monat bist du liab zu mir und schaust, doss i zfrieden bin. Und in 3 Monat bist du donn mei Lieblingsprojekt“ Würg, kotz, na. A Beziehung is fuckin immer wichtig!!! A Beziehung is fia mi Fluch und Segen zu gleich. Du host wenns guat geht Sicherheit und Holt, oba holt so vü Oabeit. A wenn du kan Kopf grod dafia host, nutzt es nix. De schleifen zu lossn, führt holt imma zu ana Trennung. Menschen, de sich selber hängen lossen, nix auf sich schaugn und olles mit „I bin zfrieden mit ollem“ begründen und donn a noch mit da Beziehung schleißig umgehen, sein noch nit ready. I hon des Joa an Haufn Beziehung zerbrechn gsegn und es wundat mi nit. Nehms amol eich als Priorität und donn bauts a Beziehung so auf, doss bade gleich vü Oabeit und Freid damit hom.

Geben und nehmen

Karma, Baby. Nur wer amol oabeitet, konn belohnt wern. Wer spendet, greg Guats im Leben hinta. Gib Komplimente, wetten, doss du welche kassiast.
Es is so wichtig, Dankbarkeit in Form von Taten (lei Worte sein zwenig) zu zagen. Oft reichen Klanigkeiten.
Mecht mi jo goanit selba pushen, oba i hon heia sia a poa Leit vadommt glücklich gmocht. Mit Überraschungen, mit bisi Bemühen, mit Kreativität. Und wos is? Bin selba so schen überrascht und belohnt woan. Wer is jetzt wohl mehr glücklich? De grantige Funzn, de ma akleat hot, sie als mei Freindin muas wichtiger sein und der Blog is oamselig? Oda i, de anfoch auf ihr Herzl heat?

ME TIME KERT MIR

Mei eigene Wohnung is Luxus pur. Und meine freien Toge ALAN zu vabringen a. Vastehts mi nit folsch, Zeit mit friends is traumhoft. Oba bei 6 Tog oabeitn, mecht i am 7. Tog auf da Couch chillen ohne Partner, ohne Schwester, anfoch alan alan. Weil es tuat ma lad, i find oft Mitmenschen stressig. Wüst schlofn und do schnoacht wer neben dir. Wüst alan in de Dusch und es quetscht sich wer eine. Wüst an Liebesfilm schaun, de Person wü oba Comedy. Na danke, des tuat meina Seele nix guat. Deshalb is Me Time voll special fia mi. In Ruhe vü zlaut Apache hern, zu Grey’s zuabeblean und meine Hosn glei im Kostn liegen lossn. Wer auf sich selba schaut, hot Kroft, auf ondre zu schaugn.

Und wos i no glernt hon..

geh, wenn du nerma glücklich bist.

Aus Beziehungen, ausn Job, aus Freindschoften egal. Wenn da Zeitpunkt erreicht is, wo du nerma glücklich bist, sei da so vü wert, doss du wos änderst in dein Leben. Woat nit auf a Wunda. Woat nit drauf, doss de Mitmenschen de Situation verbessern. Spoiler: Da anzige Hero in der Gschicht konnst lei du sein.

Hob eich lieb.