Warum i Onenightstands depat find

Seufzend und überglücklich losst sie sich neben ihn follen und kuschelt sich zu seiner Brust. Er gibt ihr a Bussi auf de Stirn. In da Luft hängt da schware Duft von Sex und von angenehmer Stille. Bis er sich aufsetzt und sei Shirt suacht. „Wir segn uns.“ Bussi aufn Mund und zua de Tia. Mit nimmt er den guatn Duft, leichte Enttäuschung bleibt üba. Er meldet sich nie mehr, sie sich a nit. Zwoa hätt sie sich a Nachricht am nächsten Tog erwoatet, oba als de goldenen 3 Tog a verstrichen sein, gibt sie de Hoffnung auf. Am nächsten Wochenende hupft sie nochn Orgasmus ausn Bett vom Kerl, ohne Abschiedskuss und ohne Worte. Sie meldet sich nit. Er sich a nit, weil er kennt nit amol ihrn Nomen. 

Onenighstands. Wobei die meisten nit mal a Nacht, sondern nur a poa Stunden dauan. Zum Höhepunkt schoffts meistens lei ana. Zfrieden is irgendwie kana.
Und doch passiat es uns sooft, doss wir mehr oda weniger ongetrunken in an Bett zu zweit londn und uns donn leise wieder vakriachn. Wir füllen unsa Einsamkeit mit a poa Minuten Zweisamkeit. Oba lei um zu merken, doss wir des so goa nit wollen. Wir wollen des gonz oda goanit und wenn donn am besten mit ana Person, de man richtig guat leidn konn. Und nit mit ana Person, de man grod so dawischt hot beim Krawatl und ins Bett daschliffn hot.

Warum i ONS depat find.

Intimität? Olta, i kenn di nit.
Bei uns unbekannten Menschen sein wir ondas. Ruhiger, verschlossener, anders. Wieso sollt ma donn nockentiga mit wem ins Bett hupfn, ohne uns komisch zu fühlen? Kloa da Alk regelt viel, oba wohl fühlen tuast di jo derwegen nit.

De Soche mitn Kemen
Du werst üba an ONS nie sogn kennen „Des woa da geilste Sex ever.“ Weil es nit da geilstge Sex ever is. Liag di nit on. Da geilste Sex is mit wem, den du kennst, den du vetraust. Der genau was, wo er reiben, rubbeln, beisn, saugn, jausnen muas, damit du kumst. Fia de Gaude miasts eich bisi kennenlernen, bisi untatauchen und unterrichten. Do geht nix mit an geilen Adonis. Ka geiler Adonis der Welt konn sufuat jede Frau beim ersten Mol beglücken, außa er hast WOMANIZER. ?
Also erwoatets eich nit, doss ihr als weibliche Wesen bei ONS guat aussteigs. 

Nochhuckn is too much.
Nochn ONS zommhuckn is nix außa komisch. Weil ihr donn gezwungen seids zu redn, wos ihr dafua jo vermieden hobs. Nochn Sex is de Luft draußn und bevua ihr merkts, wos fa Zapfl ihr eich do gholt hobs, schickts es liaba ham. Um Enttäuschungen beiderseits zu vermeiden. Gach kumt do a Beziehung ins Gespräch, de davua verschwiegen woan is. Oda a „I nimm de Pille eigentlich nit so regelmäßig..“

Bitte, bitte, bitte vua jedem Sexakt obchecken, ob ihr wohl sicheren Sex hoben werds. Sprich Gummi plus weitere Verhütungsmittel. Bitte seids nit so bled..

Twonightstands gehn (meistens) nie guat.
Woa eia erster ONS gonz ok und ihr wollts mehr, werds eich lei weiter entteischn. Wos soll denn des werden? A Fickfreindschaft? WOW. Wir wissen, wie oam Freindschoftplus is. Kitzelts eire Enttäuschunge nit noch mehr ausa.

Maybe seids ihr voll für ONS und megs den Kick, imma wieder verschiedene Schwanzln in eiren Bettn zu segn. Oda ihr seids fia mehr Ernsthaftigkeit nit bereit. De 15 Minuten longe Bindung holtets grod aus. Mir is des jo gleich, solong ihr sicher unterwegs seids.

Oba jetzt noch on de Leit, de sowos „grausig“ finden. Menschen hom verschieden viele Sexualpartner. Du host vielleicht 5e, sie 12, de ondre 32 und er lei 9. Is doch egal.

Jemanden grausig oder abwertend zu segn wegen seiner sexuellen Auslebung is bullshit. Jemand, der öfters an ONS hot, konn da liabare Mensch sein wie ana, der des no nie getan hat.
Sowos wie „I tat gern mit dir schmusn, oba du woast vua 3 Joa mit dem X im Bett und der Kerl is bled.“ is peinlich. Bitte kum kloa mit dein Leben. De Vergangenheit konn man nit vergangen mochen. Es bringt da holt nix do nochzudenken, des ändert olles zomm nix. De Vagongenheit kert schlicht und anfoch akzeptiert. Homa jo schon amol gredet.

Verliebst du di in a Diandl, des da oba zu bitchy umalaft und mit anigen Kerlen schmust und liebt, donn loss des nit da Grund sein, warums nix werden konn. Mia miasn holt an Haufn Frösche küssen, bis ma den Prinz treffn. A poa Freschlen schmusn so guat, de mias ma holt gonz vanoschn. Bist du in wen verliebt, der so wild glebt hot, oba jetzt bei dir ondas is, passt des jo so. Fia di is sie ondas woan. Hob do ka Ongst.
Also a Frau, de ihan Sexualtrieb auslebt is ka Schlampe, sie is anfoch a Mensch. Des is nit abturnend, wenn sie schon mehr Männer im Bett kopt hot, wie du IQ Punkte host. Des is holt amol so.

I hoff, es is olles kloa. Sunst schreibs ma jo e wieda olle. I bin bisi longsom beim DM beantworten, give me time pleeeease. ?

Bussis. ❤️