Gift guide.

Gift guide.

19. November 2019 1 Von Laxobu

Vor Ewigkeiten hon i gfrog, wos ihr so wollts. An Gift guide wollts, an Gift guide gregs. Des is holt des fancy Wort fia „HÜLF MA I WAS NIT WOS I SCHENKEN SOLL.“ Here we go.

Adventskalender

Wir starten mitn anfochstn oda doch aufwendigsten Ding überhaupt. Ihr kennts klassisch in a Gschäft lafn und an Adventskalender holen. Egal welchen, de Freid is imma groß. Außa vielleicht an Speckadventskalender, den fia an Veganer wär bisi unpassend. Oda fia de 13-jährige Cousine an Schnopskalender. Schokolade und Teekalender gehen imma und sein a günstig. I bin ane, de imma brav an bastelt. Wos do einekumt?
Süßigkeiten, Badesalz, Gesichtsmasken, Handwärmer, Lesezeichen, Tee.. Kleinigkeiten halt!

Do hobs Adventskalender zum Obchecken, de i sufuat Weitaschenken oda ma selba kafn tat.
EIS Kalender fia heiße Stunden hihi
Rituals, my love
MyMüsli geht IMMERIMMERIMMER
Sonnentor, Tee a day. Perf. 

Eia Lieblingsbuach

Wos ihr gern lests, lesen ondre sia a gern. Deshalb verschenkts eier Lieblingsbuach anfoch. Do wissts, wos drinn steht. Driba redn kenns donn a. I würd jo jedn am liabstn a Exemplar von Blackout schenken.

fancy Bücher

Es gibt anfoch Biacha, de braucht man.
1000 Places to see, before you die. Anfoch DES Reisebuch überhaupt.
Kochbücher von deliciously ella
Poem books von Rupi Kaur oder Atticus
Good night stories for rebel girls  (perfektes Gute Nacht Buch fia Erwachsene!!)
Jane Austen Box (schen, in an Schuber, SCHEN)
6 Minuten Tagebuch 

Oft kaft man sich solche speziellen Bücher nit, oba als Geschenk eignen se sich sowos von perfekt. Bei eigenen Buchbestellwünschen, schreibs ma gern. I kenn mi a bisi aus ?

ZEIT

So anfoch, oba doch so schwer. Verschenkts anfoch Zeit. Wos i darunta vasteh? Theaterkoatn, Fuaßballspiel, Wellnesstag, Urlaub, Kasino, diverse Kurse. KONZERTE!!! Anfoch, doss man zusammen irgendwas cooles macht und dann Zeit mitanond vabringt. Oft muas es goa nit so pricey sein wie a Kasinobesuch. (Bei AustrianCasinos mit Dinner um de 70 Euro. Is es oba a so wert!!!) Es reicht a oft a guata Brunch. Zeit is anfoch es wertvollste Geschenk, des ma so hergeben kennen. Oba gleichzeitig homa damit a wos gwunnen.

Kerzen

Liiiiiiiebe! Wer a so a Duftkerzenfreak is, was gonz genau, wie schweineteia des Wochszeig sein konn. Do greg man des echt gerne geschenkt. Wo man echt guate Kerzen hergreg? Rituals. Partylight. Hollister. Vertrauts mir. ❤️

Gutscheine

Volle oft hert man, doss Gutscheine so unpersönlich sein, dabei is des a Bledsinn. Kloa, wenn i ana Schülerin an Billagutschein schenk, is des a bisi seltsam. Oda ana Frau, de auf Nachhaltigkeit achtet, an H&M Gutschein zu schenken, fost a Witz. Oba da Rest.. warum nit? Wellnesscardgutscheine sein jo perfekt für Pärchen. Wer mir Douglas oda Rituals oder Sonnentorgutscheine schenkt, werd volle obgschmust! Viele frein sich über so Gutscheine, weil se sich donn wos kafn kennen, wos se wollen. Bücherliebhaber kennen mit an Gutschein sich a so vü kafn, wos se anfoch lesen wollen. Also Mut zum Gutschein!

Sackl mit fav Sochn/ Themenboxen

Anfoch a Sackl oda a Box hergezaubert und de donn füllen. Mit den Lieblingszeigs der Person. Zum Beispiel Schokolade, Gesichtsmasken, Gutschein. Zeitschrift, Kaffee..

Themenboxen sein a so anfoch und wertvoll zu gestalten. Coffeelover? Kaffeesirup, a Tasse und Schokolade. Teeliebhaber? Beim Sonnentor a poa verschiedene Tees, a Teenuss oder a Gebäck dazua. PERFEKT. Wellnessbox mit Badesalz, Duschgel, Zeitschrift und Kerze versehen. Feierabendbox mit an guatn Alkohol, Mixgetränk und an Netflixgutschein. Wie wärs mit Liebesbox fürs Schatzi? Massageöl, Schokopralinen und an Sextoy. Für kreative Kepfln anfoch Notizbüchlein, schene Stifte, Washitape und bisi Bastelmaterial. Fußballfans gregn Chips, Bier, Trikot oder Vereinsmerch und aus die Maus. Is jo goa nit so schwer oda???

Luxusgrößen

Eher wos für Frauen, denk i ma. Oft gibs so geile Produkte, de sein schweineteia. Oba donn gibs davon de Minigrößen, de quasi Luxus sein. De sein perfekt zum Verschenken und testen.
Beim Douglas werds do sowos von fündig. Suachts mit „Travel Size“. BTW mit da Douglas Beauty Card gibs imma 5% und de Verkäuferinnen sein sooooo sias.

De beliebten Mac Lippis, de so teia sein, gibs in Mini fia 11 Euro.
Better than sex Mascara is holt so oaschteia, oba de Miniversion voll erschwinglich.
Auf meiner persönlichen WISH List steht schon long da Hoola Bronzer von Benefit, da klane wär geil zum Testen und Verschenken.

Dekostuff

Vase, Blümchen, Gschirr, Besteck, Schmuckbaml. Es gibt so so so so so viel Dekozeig, wos man sich nit kaft, weil es ausa teia, lei teia is. Donn losst man sich des gerne schenken oda greg an passenden Gutschein (Depot, Ikea, Nanunana, Westwing..) Oda a Bilder mit Rahmen sein guate Tipps. I find mit solchan Krafl konn man anfoch nix folsch mochn, oda?

Richtig pinterest-trendy is man mit ana LIGHTBOX oda an LETTERBOARD. I hon bades noch nit daham, also just sayin. Leuchtende Buchstaben sein a so a guata Griff.

Artículos similares a Cinematic LightBox, Letter Light Box en Etsy

Brüder

Neben Vatis de am schwersten zu Beschenkenden. Oda doch nit? Es is wohl recht leicht. Neh ma her. da Bruada hot imma lei a Poa Schuach on. Schenk ihn deselben in ana ondan Foab. Grau, Schwoaz, Braun. Bitte probia ka Hellgrian oda Neonpink aus. Weinrot is a so a Phase, de jeder Bua durchmocht. Oda wie wärs mit klassischen Shirts? Kafn e so wenig ein, de Herrn. Do mochst mit an NIKE SB Shirt in Schwoaz e nix folsch, oda an Ellesse Leibalen in Weiß. Klassisch, nit zu mutig, alltagstauglich. CK Unterhosn gregen se wohl a olle gern. Oda spendier ihm a Joa Netflix, des tat er da jo e nie zohl. Oda 20 verschiedene Biersorten? Probia sunst aus, ihm a Parfum zu schenken. Sunst gregs holt da Papa, wenns ihm nit so guat riacht.. Tankgutscheine und Waschanlagemünzen sein a supa fia Carlover. Duftbaml megn se a. Schau, e so leicht.

Highlighter

Mei erstes Geschenk on mei Schwägerin woa MEI Lieblingshighlighter von GOSH. 
Dazua a Zettl mit
Thanks for be the highlight of my brother’s year.
AAAAAAAAAAAW. Supa Geschenk fia Freindinnen und Co!!

Gewürze

YOU SPICE UP MY LIFE. Dazua bisi geile Gewürze, vielleicht Sonnentor oder von justspices. Bambam fertig!

Fia de Bastelwütigen

selfmade Kalender
In jedn Gschäft greg man so Jahresalender zum Selbermachen. Bilder ausdrucken, passende Sprüche ausasuachn, schen gestalten. Fertig. Irgendwie passt des zu jeden!

Schlüsselanhänger mit Namen
Is a bisi a Nervnsoch, des Fadln. Oba fia frischgebackene Eltern, Schulkinder oder ondaren Menschen is es echt liab.

IMG_2842

Selbstgmachte Lesezeichen gehn a imma!!

Bemalen
Tasse, Schale, Jutebeutel, Vase. De Stifte kosten kaum wos, es is selfmade und macht Spaß. Is a to go Geschenk und anfoch liab. Inspo holt man sich bei Pinterest.

Processed with VSCO with m5 preset

Processed with VSCO with g3 preset

Klane Nachricht mit großer Message 

Loveletter
Gehen imma. Imma imma imma. Do kennts eich so viel einfolln lossn. Des ghert zu jedn schenen Geschenk dazua. ❤️

Zeichnen
I konn so vü, oba so wos von goanit zeichnen. Werd i wohl a nie kennen. Oba wenn man zeichnen konn, soll man des ausnutzn. Vielleicht a cooles Bildl zeichnen oda an geilen Schriftzug fertigen. Also mit sowos wär i happypeppy hoch 3920.

Bilderrahmen/ Fotoalbum
Mei klane Schwester hot joarelong mit ihra ABFFIUE imma Fotos hin und hergetauscht. So liab. An befüllten Bilderrahmen oda a Fotoalbum. Perfekt zum Dekorieren, noch schena zum Erinnern. Vor allem heit seima jo lei de depatn Snapchatfilterfotos gwohnt, do hot des wohl mehr Klasse!

Bierrentiere
Mochts des nit zwingend als Wichtelgeschenk in da Schul. Zwecks Alkvabot was gwesn. Hob mi domol fest damit ärgern diafn. Oba sunst DES Geschenk überhaupt. Bier, Pfeiffnreiniga und bisi ane Augn und zapp mit da Hasklebemaschin is des glei fertig. Und schmeckt. Und schaug guat aus.

50 DIY Christmas Presents You Should Start Creating Now.jpg

via Pinterest

Snowmanpoop
Wer mehr Menschen beschenken will, soll bisi günstiger denken. Kafts ane Tictacs und verwandelts des in Schneemankacki. Kreativ? I know.

Snowman Poop Christmas Gift Idea_.jpg

via Pinterest 

Es geht nit zwingend um Schenken, sundan ums Danke sogn. Jemanden a Freid mochn is so schen, wie selba a Freid gmocht zu gregn. Geben und nehmen.
Frei mi schon soooo auf Weihnachten. ?

Hobs des noch a guate Idee? Sogs ma, kennt ma jo noch an Teil mochn. ?