lets talk about sex 1

lets talk about sex 1

10. November 2019 4 Von Laxobu

Es werd sowos von Zeit, endlich mol über de schenste Nebensache der Welt zu redn. Eigentlich is es jo nit wirklich a Nebensache (man konn daneben echt kaum wos tuan, außa maybe bisi netflixen.) Daher hob i mi a dafia entschieden, an zweiten Teil zu verfassen. Des heit is amol so der Anfängerkurs, Aufwärmphase. Beim nächsten Mal gehts donn schon bisi haßa her. ? Taug ma komplett, do an Haufn Zwadeutigkeit einbauen zu diafn. First of all, Muttis, Vatis oda jeder, dem des Thema Sex zu intim, peinlich oda tabu is, bitte herts auf zum Lesn. Will do nit Schuld sein, wenn wer an Herzla derwegen greg. Oba i konn ma vuastelln a poa lesn den Beitrag mit bisi schwitzige Händ und rotn Wangelen. Keep calm, es is lei a Thema, über des vüüüü mehr gredet kert.

Flowsofly ~ I want to do with you what spring does….jpg

Sex is nit grausig.

Sex is so anstrengend. So grausig, wenn man danach verschwitzt is. I bin viel zu faul fia Sex. Sex gibt ma nix.“ Aussogn, wos a Mädel, des bereit fia Sex is nie sogn tat.
„I hob mit mein Freind lei olle 3 Wochn amol Sex. Brauch i nit öfters“ Hm, Süße, es tuat ma lad.  Fia di. Doss du di selba so onliagst. Wäre er da Richtige, tatest es wollen, glab ma. Wenn dei Partner fia di da richtige is, tatest du ihn gern 24/7 umaklaubn lossn und tatest selba zugern bei ihm jausnen. Ajo meine Ausdrücke für sexuelle Handlungen sein super I KNOW. Voa allem in da Verliebtheitsphase is es jo glott unmöglich, amol de Finga voneinonda zu lossn.
Sex is nit grausig! Du bist anfoch noch nit bereit, Süße. Gib dir anfoch noch Zeit. Du muast nit mit dein jungen Olta schon Sex hob, weils olle tuan. Wos bringt da des?
Genau desselbe Spiel is mit „Oh Gott beim Sex bin i nockt, do sig er wie dick i bin“ OLTAAAA. Erstens gibs nix erregenderes, wie de Partnerin. Zweitens is beim Sex oft ka Zeit den ondan onzustarren. Wenn du nit zu dein Körper stehen konnst, dei Pech. Donn gibs kan Sex fia di. Wer erst erwochsn, denn erst erwachsene oda bessa gsag reife Menschen sollten Sex ham. De mit sich selba zrecht kemen.
Und an de Herrschaften. Wenn ihr de Tage eirer Frau ekelhaft findets, frog i mi echt, wos mit eich los is. Glabs olle ondan Säfte sein bakterienärmer? Glabs echt, doss de Regelblutung onsteckend is? Bitte vergessts den Piratenspruch. Oba vergessts a des „Wenn du deine Toge host, greif i di nit on“ Denken. Hobs des gwusst, doss Sex während da Menstruation echt entsponnend is? Is holt zum Ausredn. Fia bade. Wie es bade wolln. Lei grausig is es gonz und goa nit.

Sex is ka Verpflichtung.

Blosn is so grausig, oba de Jungs finden des geil, desholb tua i des.“ Halt stopp woate WOS?
I woa bei der Aussoge so geschockt. Wos isn des fa Scheiß? Wo lernt man des bitte? Sex und olle Handlungen dazua sein ka Pflicht, sundan dienen zua reinen Gaude BEIDERSEITS. (BTW Blosn aka Jausnen konn echt guat/ lustig beiderseits sein)
Nur weil er grod bockig is und du nit willst, tuats ihr des nit. Sog er donn „I valoss di sunst“, hoff i stoak, doss du dei Tia zum Hamgehn aufmochst bevua du deine Haxn fia ihn aufmochst! Loss di bitte niemals fia so an Dreck zu wos zwingen. Der Kerl is es nie wert, nie im Leben.
Warum du kan Sex willst? Weil er nit da Richtige is. Oda weil du no nit bereit bist. Oda weil du Ongst host. Ongst hot im Schlofzimma bitte kan Plotz.
Host du gwusst, doss wenn du schlofen willst, er di zum Sex zwingt, des a Oat Vergewaltigung is? Bitte Mädi. Red mit wem. Bevua du des über di ergehen losst. Du bist jo nit alan.

Yoni Art.jpgWenns weh tuat, is do wos folsch.

Willst du kan Sex, weils da wehtuat? Untn uma? Donn Maus, muast du bitte mol bisi nochdenken. Sex hot mit Verkrampft sein nix zu tuan. Du muast di komplett gehn lossn, folln lossn. Du muast Vatraun hom in dein Partner oder Partnerin. Jede Bewegung und Handlung, de fremd und nei is, konn guat sein oda a nit. Wer vuasichtig is und longsom tuat, lernt am schnellsten. Sollt dei Nervosität bisi den Flow stören, nimm anfoch Gleitgel. Is jo ka Schond. Is eher a Erleichterung, vor ollem fian Beginn. Schaug ihm/ihr tiaf in de Augn und genieß es. Irgendwonn werd olles.
Um a lästige Blosnentzündung oda eben de Flitterwochn-Blosnentzündung (dauert lei 1-2 Tog, tuat genauso weh) zu entgehen, bitte aufs Klo nochn Sex gehn!! Egal, wie wenig Pipi do kumt, des is so wichtig. Natürlich is Nochhuckn fein, oba nit, wenns da danoch 4 Tog brennt wie was i nit wos. Und sollts generell mol juckn oda so, liaba amol zoft zum FA gehen. Schnell amol is a Entzündung oda a Pilz weitagebn und bisi Creme schmian sollt eich nit zvü Oabeit sein.

Etwas, wos uns nie wer sog: DA SEX WERD MITN OLTA IMMA BESSA!!!

Sei offen fia Neies.

Bitte druckts ihm nie anfoch eian klanen Vibrator in de Hond und sogs, er soll lei tuan. Konn zu großer Verwirrung führen. „Wo kimt des eine? Bei mir oda dir?
Oba tuats ausprobian. Mogst du de Stellung liaba oda doch de ondre. Wos is mit Popoklapsa? Ok oda nit so? Mit oda Gleitgel besser? Gewisse Orte sein holt anfoch cool, ondre anfoch lei depat. Mit Neugierde, Geduld und ana gsundn Portion Vertrauen klappts bestimmt. Kan Druck machen, kan Stress. Wenns lei an von zwa taugt is a nit recht. Er findet Wirgen geil, du varreckst grod. Donn lossts es bessa sein.
Probian geht über studian!

(Fost) jede Beziehung braucht Sex.

Es gibt bestimmt Beziehungen, de gonz auf Sex verzichten kennen. Oba i red von da Mehrheit, de anfoch kan Sex hot, weil sie liaba spinnt und ihn nie zuabelosst. Oda weil er imma lei Missionar will und nix neies ausprobian mog.
I hob voll oft es Gefühl bei Freindinnen, doss se nochn Sex irgendwie gechillta sein. Anfoch in ana bessaren Mood. Merk i jo bei mir selba a volle. Frisch durchgnommen fühlt man sich irgendwie besser. Und seima uns ehrlich, de Spotzn nochn Sex sein de ehrlichsten und schensten. Nie werd i Spotzn vom Situp-Training letzten Obend ham, oba ziemlich oft ane vom nächtlichen Umatuanen.
Damit will i nit sogn, doss Sex olles regelt. Oba stott an Snickers an Quickie und die Diva werd schnell wieda liebenswert. ?

Pornos sein ka Reallife.

Lossts eich nit beirren von Shades of Grey Gschichtln. 1. des imma ohne Gummi is a schas. SAFESEX FOR LIFE!! Im Ernst. 2. Is des olles lei gstellt. Du muast di nit vabiagn, um ihn geil zu mochn. Sex muas (&konn oft) nit 45 Minuten dauern. Und wos soooo unrealistisch is, is, wenn de glei Hosn obe und loszuckan. Hallo? Vorspiel? In de Gänge kemen? Wenn du no stabtrockn untn bist, losst ihn noch nit eine bitte. Tuat jo lei weh. Lei weil de bei de Filmchen zack bum cum mochn, is des nit realitätsnahe. Also gern a bisi Inspo holn von den Videos, oba jo kane Anforderungen und Vergleiche starten.
De ziagn beim Sex durchgehend den Bauch ein und da Schweiß werd übapudat. Im echtn Schlofzimma werd do wos ondase gepudat. ?

Ans noch: SEX SOLL ANFOCH SPASS MOCHN. Wer noch nie vualauta Lochn blerentiga neben en Partner oder Partnerin glegn is und abbrechen muas, hot wos folsch gmocht. Gibs nix Witzigares, als sich wo den Kopf on zu haun, wo obezufliagn, irgendwie mol wo folsch eine gfoan zu sein oda eben nirgendswo. Sex is Spaß und sollt anfoch fia bessere Laune sorgn.

Beim nächsten Mol werds donn noch bisi wilder. Obwohl i no nit genau was, wos ihr so lesen wollts.  Duschsex? Periode? Sex Toys? Schreibs ma gern.

Museum of Sex Posters on Behance.png