Zerdenk nit olls

Her auf. Ehrlich. Her auf dei Leben zu zerdenken. Jede Entscheidung, de du jemals getroffen hast, in Frage zu stellen. Her anfoch damit auf. 

Ob und zua host du kan Plan, was du grod tuast. Du lebst anfoch, ohne a Ziel, ohne Motivation und wast wos? Des is a ok so. Es darf so ane Toge geben, ehrlich. Schmeiß jetzt nit olles hin und mach da kane Vorwürfe. Dafür host du ka Zeit und kan Platz im Leben. Zerdenk nit alle möglichen Siutationen und fong jo nit mit der „Was wäre wenn“ Spielerei an! Des is so Gift für di und dei Wohlbefinden. Des is so, wenn a Diabetiker sich anfoch grundlos gonz viel Zucka einehaut, weil er was, es tuat ihm schlecht. Oda wenn du a Flasche Alkohol exen probierst, weil du wast, des bringt da a Knockout. Her auf dir selber so zu schaden. Tua da nit weh, füg da kane sinnloses Schmerzen zua. Egal ob psychisch oder physisch (geistig oder körperlich). Du bist dei eigener Freind, also bitte. Freinden tuat man nit weh, wenns geht.

Ganz typische Sorgengedanken, de sich (fost) olle schon mal gmacht ham, konn i glei mol bisi mildern. Quasi kaltes Wasser in den brennhasn Tee schittn, damit es glei weniger gfährlich wirkt.

Du hast Angst er suacht sich a Neie? – Mädel, du bist so toll,so besonders des merkt jeder. Er selber merkt jo glei, do kumt nix besseres noch. Onstott Ongst zu hom, doss er zu ana ondan geht, schaug liaba, doss er genug Gründe hot, anfoch gern bei dir zu bleiben. ❤️

Panik, weil du Angst vor Kritik hast? – Bist du so richtig 120 Prozent überzeugt von dein Projekt? Wos soll donn schief gehen. Is jo egal, wos de ondan sogn. Kritik an dir selber sollt dir a fost egal sein. Weil es is doch dei Körper, dei Stil, dei Oat, de kennen ondare gern bekriteln, oba am Ende bist des anfoch DU. Du muast und wirst di fia kan ändern, daher konn da de Kritik a komplett gstohlen bleiben. Wenn du volle hinta dir stehst, is egal, wer vua dir steht und depat redet. ❤️

Er hot da nit gsog wie hübsch du bist. – Hast nit doss er di nit schen findet. Ehrlich nit. Nur weil Menschen gewisse Sochn nit sogn, bedeutet des nit, doss sie des Gegenteil davon manen. Viel wichtiger is, WOS de Leit wirklich sogn. Her auf, dir Gespräche im Kepfln auszumolen, de so nie geführt werden. ?

Sie hot beim Auflegen nit hab di lieb gsog?- A des is ka Grund zum Spinnen oder zum Grübeln. Maybe hot sie es lei vergessen, maybe hot sie zfria aufglegt (aus Versehen), gonz sia mog sie di derwegen. Legs nit olles auf de Goldwaage, wos nit gsog wert. Und glab ma,  hot sie dafua 3 Stund mit dir telefoniert, werd sie di wohl ziemlich gern megen.

Ihr hab’s gestritten und de ondre Person macht nit den ersten Schritt. – MOCH DU IHN ANFOCH. Wos isn dabei? Gleiche is wenn er nit anruft, ruaf du an. Schreib sie zu erst an, is jo egal. Wir erwoatn ernsthaft immer, doss des Gegenüber onfongt. Weil wir des gewohnt sind, weil wir sia nit „der Schwoche“ in da Gschicht sein. Dabei hot des a lei mit Stärke zu tuan. Also übern eigenen Schottn springen, es Ego in de Eckn kickn und sich melden. Ehrlich, immer dieses „Er is da Monn, er muas den 1. Schritt mochn.“ oda des „Sie hot ongfongen mitn Streit“ is Bledsinn. Stott Drama liaba schene Momente sammeln und erleben.

Es gibt Gefühle oder Situationen, de du in Frage stellst, aber nie a Antwort erhalten wirst.

Was wär, wenn i in der Nacht den Typen geküsst hät? Was wär, wenn i den Job
angnommen hätt? Was wär, wenn i nit ins Ausland gangen wär? Was wäre, wenn i mein echten Namen verraten hät? Was wär, wenn i in der anen Situation mutiger gwesn wär? Was wär, wenn i amol mei Meinung gsag hätt? Was wär heit, wenn i (nit) studieren gangen wär? Wer wär, wenn ka Trennung statt gfundn hätt? Wieso hab i ka Hamweh? Wieso bin i offenen Beziehungen gegenüber so abgeneigt? Wieso find i konservatives Denken altbacken? Wieso kann i so schlecht, Dinge verpassen? Stichwort FOMO. Wieso sein monche Menschen so unfair? Wieso lossen sich Karriere und Familie so schlecht vereinboan? Warum hob i so wenig Motivation? Warum is es so schwer, gewisse Dinge zu akzeptieren? Wieso konn i nit so guat/dünn/ erfolgreich/klug/ sportlich wie de ondan sein? 

 
Auf manches werd ma wohl mal Antworten finden, de mehr oder weniger befriedigend sein. Auf manche halt niemals. Damit muss i leben, du a. Jeder muss des akzeptieren.
I hobs schon amol gsog und wiederhol mi gern.
Wie s kumt, so kumts e. Nit jede Story hot a Happy End, nit mol jede Story hot a Ende.

Manche Dingen werden uns erst klar, wenn wir leben und uns weiterentwickeln. Es kann zwei- drei Jahre dauern, bis es für dich Sinn ergibt, was damals war. Vielleicht überreißt du erst nach Monaten, wieso dei Verhalten falsch gewesen ist. Du hörst a Lied zum gefühlt 40. 000 Mal und auf einmal verstehst du die versteckte Botschaft dahinter. Irgendwann sitzt im Bus, stehst auf ana Wiesn oda huckst auf ana Strandliege und es moch KLICK. Und aufamol stellst du fest, doss es genauso passt, wie olles kemen is.

Zu den Erkenntnissen kumst nit mit an Schnippsa. Nit immer, nit sofort, nit alleine. Stress di bitte ehrlich nit wegen solchen Sachen. Schau, du kannst so viel aus dem Leben machen. In der Vergangenheit rumgraben oder versuchen in die Zukunft zu schauen, bringt dir ka Antwort. Eher des rausgehen, Sachen sehen, das Leben leben. Und mit ondan Leit reden, senre Erfahrungen onhern und senre Standpunkte verstehen (probian). Dann kummst du am Abend weiser, klüger und bisi reicher zurück in dei Bett. Und dann wird dir manches kloa.

Es nächste Mol, wenn di wieda so a Deep thinking Phase überkimmt. Frog di liaba amol „Wos wäre, wenn olles anfoch so kumt wie es kumt und am Ende olles guat werd? Olles wos mir passiert, hot an Grund und bereitet mi aufs Wesentliche lei vor?“ Mindset, meine Freind, es Mindset is unsa große Hilfe. Donn, sollt des goa nix helfen, sei kurz dankbar und zähl da 3 Sochn auf, fia de du so so so so dankerfüllt bist.

Relax, des Leben kannst du echt nur zu an gewissen Grad kontrollieren. Da gibs an viel größeren und spannenderen Part, das Schicksal, was dei Leben bestimmt. Enjoy the ride, kid. <3