I werd di nit richtn, Bua

I hab wen kennengelernt, nit vor kurzem, es is länger her. De Geschichte is a schon wieder beendet und des is a guat so. Der Kerl woa so gschädigt von seiner letzten Beziehung, doss er sich selba so im Weg gestanden is. I bin donn eiskalt über sei zertrümmerte Herlz gestiegen (ohne drauf zu treten) und bin weiter gangen. Warum? Weil i werd den Kerl nit richten.

Es is so viel Arbeit, a Trennung zu verdauen, neue Liebe zu zu lassen und mit der Vergangenheit abzuschließen. Des is reines autogenes Training und bedarf Zeit, Motivation und Geduld. A ondre Person hot do eigentlich nit amol an Plotz.
Es kumt da kana ins Leben, der di lieben kann und  schaut, doss du ihn zuabelosst. Niemand wird um di kämpfen oder drum betteln, di bitte lieben zu dürfen. Wenn du deine Mauern so hoch baust, ok. Niemand soll versuchen, de zu erklimmen oder zu zerstören, wenn du immer wieder an Stan aufbaust. 

Die ständige Stimme vom Expartner im Kopf darf nerma mit dir reden, wenn du in da neuen Beziehung stehst.

Ex Freind im Gedanken: „DU GEHST MA HEIT NIX FUAT.“
Sie: „I geh heit nit fuat.“
Er: „Warum nit?“
Sie: „Du willst des bestimmt nit.“
Er: „Sia, geh lei, mir lei gleich.“
Sie: „Na, donn spinnst du später e wieda uma.“
Er: „Na?“
Sie: „Bestimmt, hot mei Ex a immer geton.“
*Augenroller*

 

Zruck zu dem bemitleidenswerten Biablen. Warum i glei gongen bin, bevor i ihn gedatet hon oda ihn besser kennenglernt hon? I hob bessas zu tuan.  Zum Beispiel den Hianan bei mein Großonkel beim Eialegn zuaschaugn oda meine Biacha nach Erscheinungsjahr zu ordnen. Also echt wichtigares Zeig follt ma do ein, wos i tuan kinnt. A Kerl, der ma beim ersten Telefonat schon von da „depatn Oltn, de mei Ex is“ dazelt, de „nit gonz sauba is“ und ihn „a bisi gschädigt“ hot, dazelt, tuat ma lad. Er tuat ma lad, doss er des fremdenDiandlen dazelen muas und sich Mitleid, Zuspruch oder whatever erwoatet hot. I glab, mei Leben hot genug Baustellen, wo i onfongen konn, bevua i mi zu ana gebrochenen Seele zuabeknia und es Kepfl streichl. I werd sia niemanden, der noch nit bereit is geliebt zu werden, a Chance geben, de er nit brauchen konn. Verliebt sein is a Entscheidung, a wenns komisch klingt. Des is nit dei Herzl, des donn entscheidet gehen oder bleiben, des is dei Verstand. Des is ka „Unfall/ Zufall/ Hokuspokus des is rein dei Wille. Und wenn du jemanden nit richten willst, steig übers Herzl und foll in de Oame von jemanden, der des a freiwillig tuat. Ohne geschädigt/ depat/ gebrochen worn zu sein. Weil der Kerl, der mi jo nit megen konn, weil i doch bestimmt so depat bin wie sei Exfreindin, es oba probiert, weil er was, wos fa guata Fong i wär, der kinnt mir nix geben. I konn bei dem nit de Prinzessin sein, de i gern warat. I konn bei dem nit de Aufmerksamkeit kassian, de i brauchat. Zehnt ausbeißn tat i ma und de Foltnproduktion tat i steigan. Mehr tat mir der Kerl nit geben, vielleicht Kopfweh a noch, vualauta Bledsinn, den er so zomm redet.

Wos du draus lernen sollst?

Geh ka Beziehung ein, wenn du nit bereit bist und de olte da noch Kopfweh bereitet. Verarbeitung is alles. Es is dem neien Partner gegenüber komplett unfair, so zu tuan.
De neue Person konn null Komma goanix für dei Vergangenheit. Warum muss er sich onhern, doss er sia a a untreue Sau Is? Warum muss sie sich ontuan, als Spinnale bezeichnet zu wern, nur weil de Ex a Drama Queen woa?

Nit jeder will dei Herzl zfetzen, jemand will es vielleicht lieben. Misstrauen und dei Angst stellen sich oag in dein, in sein, in eichan Weg.
Du sabotierst dei neues möglicherweise passierendes Glück selber.
Und loss mi rotn, am Ende bleast Rotz und Wossa, weil sich de Person gezupft hot, right? 

Alles, was uns im Leben passiert, sein es positive oder negative Gschichtln, prägt uns. Unser Handeln, Verhalten und Gefühle sein von der Vergangenheit beeinflusst.

Daraus folgen donn so alltägliche (negative) Gedanken, de unser Liebesleben schwerer mochn: 

• Du bist betrogen worden. Kloa host du jetzt Ongst, doss di dei Neie a wieder betrügt. Wieder mit dem guatn Freind, der echt lei a gonz guata Bekonnta is.
• Du host a Freindin ghobt, de di nie zuabe hot lossn. Also wird de Nächste die a nix umaklauben lossn. Weil olle Mädels Selbstwertkomplexe hom, sich nit nockentiga zagen wolln und Sex is jo bäh.
• Du host Ausgehverbot greg, du muast beim nächsten Freind sia a jeden Mädelsobend skippen.

STIMMT JO NIT!!!! Vergleichen is so depat!!!!!!!!

Also pock de Angst zamm, nimm a Portion Optimismus, schluck de Selbstliebekapseln und geh ause in de Welt und loss di lieben. Nur weil dei Ex kacke woa, musst nit davon ausgehen, doss jeder so is. Zerstör nit ondre Dinge, wegen vergangenem Bledsinn. Vergraul nit deine zukünftigen Exmänner (hihi positiv gedocht).

VERGANGENHEIT IS VERGANGEN UND SOLLT SICH NIT BEI HEIT UND DE ZUKUNFT EINMISCHEN.

Es mocht kan Sinn, Energie zu verbrauchen für dei Vergangenheit, de e vorbei is und on der du nix mehr ändern konnst.

Stört di a gewisse Ex von dein Freind? Girl, sunst wär er nie zu dir kemen. Gonz ehrlich, des woa amal, heit bist du do. Reiß di zamm, sunst wird die nächste Freindin von ihm di als depate Ex bezeichnen oda sich bedanken, doss du ihn so bled behandelt hast!! (Mindset on fleek)

I wünsch dem Typ ohne Witz, doss er mol drauf kloa kumt, doss er vua gefühlt 13 Joa voll voascht woan is und doss er einsigt, doss die weibliche Bevölkerung nit lei auf Geld, Bescheissmöglichkeiten und Umaspinnen aus is.
Mei Luftwatschn à la „Sorry, oba i hob ka Lust dei gschundenes Herzl richtn zu miasn.“ hotn bestimmt schon weita gebrocht.
On sich fallt dem Kerl nix, ausa a guate Verarbeitungsphase, weniger Alkohol und doss er mol von sein „Olle Mädels sein de gleichn depatn Wesn“ Ross obahupft. Oba is e sei Soch, your loss boi.
I wünsch ma selber, doss i weniger so ane Leit in mein Leben treffen muas, des is schon recht nervig.
Die Story in drei Bildern:

 

 

 

 

 

 

 

 

 

 

 

 

 

 

 

 

 

 

 
Bussis.