Support your region

Die Dagi Bii bringt neie Spochtlmaße aka Schminke ausa und olle kafn se.
Da Luka oda wie a immer der semigeile Blondi hast haut a Pizza ausa und jeder futtat se
Da Schlogagott Niki foat mit seinen Fans a Wochn übers Meer und olle foans mit.
Warum um olles in da Welt unterstützt man e schon so reiche Leit und losst donn seine engen Bekannten/Freinde und Nachbarn aus?

Support your region. Unterstütze deine Region.
Damit man i jetzt nit, doss du glei zu jedn Bam lafn muast und ihn umormen sollst. Konnst oba gern, wennst willst. Damit man i, doss du bisi mehr umaschaust, wos so oll de kreativen Kepfln in deiner Umgebung zammbringen und aufgebaut ham.
Wer kennt den zum Beispiel nit unsa Glowjobqueen MakeupbyTammy, de holt olles ondre als auf de Goschn gfolln is. Ihre Wimpan zu kafn oder über ihre geiln Witz auf Instagram zu lochn, is es mindeste wos ihr tuan kennts.
Es gibt so stylische Trends, wie zum Beispiel Hoabandln. Wieso de beim großen Riesen H& Ma ihr wissts e kafn, wenn die siasn Mädels von lockstoff doch des olles handmade und mit an Haufn Liebe in Feldkirchen produzieren. Fia wos oll de Cider, de aus da gonzn Welt umachauffiert wern (Stichwort UMWELTSCHUTZ), sippen, wenn quasi da Nochba selber an herstellt?

In Frankreich homs ma gsog, des is a Cidre. In England, Amsterdam und Luxemburg homs des als Cider betitelt. Daham mant wer „Apfelwein„, de noblen Leit sogoa „Apfelsekt“ und gonz daham sog man anfoch SAURA MOST.
Komplett primitiv erklärt, is Cider anfoch bisi vergärert Opflsoft. CRAFT is a Cider donn, wenn er wirklich aus 100% Opfelsoft besteht und do nix mit Wossa oda so gmischt woan is. In England is da Cider quasi de feminine Form vom Bier und wird in Pub sogoa ausn Hahn gezapft. Für Menschen mit ana Bierallergie (HELLO IT S ME) a Träumchen.

Als Kolbnitzerin sig i Napplacher/ Penker quasi als Nochban on. Es is jo fost nit erlaubt zu sogn, des is da nächste Ort. Eigentlich seima olle aus Reißeck. Kompliziert in der Geographie, viel anfocha in da Praxis. Zwischen Kolbnitz und Obervellach befindet sich auf der linken Seite des klane Napplach, wo der geilste Cider EVER hergestellt wird. Moskito Cider. Jenni und Neno sein so kreativ, wie senre Nomen. Se hom gefühlt jeden Cider der Welt probiert und hom donn bemerkt, doss unser schenes Österreich selber kan guatn „echtn“ Cider zum Onbieten hot und ZAP. Die Idee is geboren und in da Garage is schnell zu an Saftllabor umgebaut worden. Ausakemen is Kärntnens erster Craft Cider namens „Moskito“. Oba ka Ongst, des Viech is lei außen auf da Floschn, drinnen is nix ausa 100% geiler natürlicher Cider ? Also die Äpfel sein zu 100% aus Österreich und Jenni und Neno steckn wohl an Haufen Leidenschaft und Geduld mit eine. Beim Trinken schmeckt ma förmlich, doss se do kan Distress eingehaut hom. Folls jetzt wieder wer jamman onfongt mit „Do is jo e wieda so viel Zucka drinn!!!“ Na, beruhig di. Do is lei da Zucka von den Äpfeln drinn, den konn man fost nit ausaziagn. Oba sunst is do nix künstlich dazuagezuckat. Du bist sias gnuag, wir a. ?
Aufs Apfelkonzentrat, Konservierugnsstoffe und oll den Schas, von dem wir leider sunst imma vollgstopft werden, verzichten se komplett.
Jetzt unterstütz du nit nur dei Umgebung, sundan bist sogoa nachhaltig. Also wer den Cider trinkt, wird a bisi zu an bessan Menschen. So anfoch konns gehn!
Des Team von Moskito Cider hot sich echt an Hax ausgrissn fia sena Projekt. Sowos ghert anfoch unterstützt. Weil wenn du mal später a coole Idee host, wär dir genauso gholfn, wenn mehr Leit drauf aufmerksam werden. Oder?

Geben und Nehmen, du wast genau, wie i solche Sochn sig. Also es mindeste wos du jetzt tuan konnst, is amol den Moskito Cider zu probian und vielleicht, wenn er da schmeckt, des weiterzusogn. Solltest du a fancy Instagram Girl oda a cooler Influencer sein, konnst a passende Storie einehaun und de Brand makieren. Folgen konnst senen auf Instagram und Facebook sowieso. Bin ma gonz sia, sie reposten donn dei Foto. Verwend lei brav senre Hashtags #moskitocider #enjoythebuzz
Support is kein Mord, Support bringt Karmapunkte und mocht a Freid!!
Sollt dir grod de Frog aufkemen, ob i jetzt dafia bezohlt werd? Na, ausa mit an ehrlich gmantn Danke greg i nix. Oba des reicht jo a, weil es tuat ma jo a nit weh. Jemanden zu unterstützen, kert zur Nächstenliebe. Also no money for me, oba für se a poa neie Kunden und vielleicht fia mi a poa neie Leser. Win-Win.

I persönlich als Alkoholexpertin konn wohl bisi mei Fachwissen mit dir teilen.. Der  Moskito Cider schmeckt anfoch geil. Er schmeckt natürlich guat gekühlt geiler, oba des is logisch. Cider werden als lieblich/sias oder herb/trockn bezeichnet. Zum Glick is der Cider nix picksias, oba dennoch nit stabtruckn. Guate Mittn hätt i gsog.
Noch 3 Flaschln host nit Kopfweh, noch ana gonzn Kistn glab i kinnts ondas ausschaugn.

Und weil du jo grod mi und mein Blog supportest und weil de jo jetzt bestimmt zum nächsten Verkaufspartner von Moskito Cider lafst und a Flaschl porbian gehst. Und du jetzt generell sia onfongs mehr de StartUps in unsra Umgebung zu supporten, mechten a wir DI supporten.
Also fia dei nächste Grillerei stell ma da mol a poa Getränke aka Moskito Cider for free!

Wos du dafia tuan musst? Du schreibst do an Kommentar, schickst ma a Mail, kommentierst den Post auf meiner Facebookseitn oda des Foto auf mein Instagramaccount. Wer auf jeda Seitn mitmocht, erhöht logischerweise seine Chancen. Du musst ma lei sogn, wie du DAHAM definierst. Donn muast noch bisi obwoatn bis Sunntog, 30. Juni und donn werd a Glückspilz gezogen. ❤️

Dadurch doss des a bisi a vasoffener Beitrog is, sprich: Es handelt sich hier um Alkohol. Du solltest mit Alkohol vernünftig und erwachsen umgehen. Cider darf man in Österreich ab 16 trinken, oba es gibt a Limit. A wenn man älter is, sollts a Limit geben. Bitte spreng dir nit de Bian weg und denk a Sekunde dronn, danoch es Auto lei anzustarten. Des is reiner Bledsinn und gefährdert di und ondre a. Wer trinkt, foat nix mehr. Wer Foara is, trog Verantwortung. Alkoholsucht is a ernstes Thema, des leider in Österreich oft verharmlost wird. Dabei is es am Ende nit so witzig, wenn jemand nerma aufhern konn, a wenn er will. Leberzirrhose und ondare schlimme Folgen konn des mit sich bringen. I was, du grinst vielleicht und mochst da kan Kopf. Glab ma, de meisten Menschen mit an Alkoholproblem hom zu Beginn lei glocht. Also drink carefully und immer gscheid genießen. ❤️