I konns nerma hean!

I konns nerma hean!

20. Juni 2019 3 Von Laxobu

Ram dei Zimma auf, bevua du foast. Des Satzl konn i holt echt gach nerma hean. Dabei brauch i jo anfoch des Chaos, wos i Zimmer nenn oda ondre als Minisauna betiteln, für mei Kreativität und Wohlbefinden. Oba um des solls heit nit gehn und generell wohl nie.

Es gibt so Satzln, de in mir lei mehr Kopfschütteln, Würgereiz oda Augenrollen hervorrufen. Und folls du da schon mol de Frog gstellt host, ob deine Augen tatsächlich stecken bleiben kennen.. BLEDSINN.

I mog se nit

Meine Freindinnen sein Spezialistinnen, mir den Sotz so ungefähr täglich on den Kopf zu werfen. Jedes Mol kum i mit da gleichn Leia und es tuat ma ka bisi lad!!
Bevor du wieder zu schnell und übereilt sagst „i mog sie nit“, überleg amal. Wieso magst du sie nit? Weil sie hübsch is. Weil ihr Freind echt „a geile Sau“ is. Weil sie bessere Noten hat. Weil sie di verbal lächerlich macht vor anderen. Weil sie perfekt scheint. Weil sie 450 Likes auf Instagram greg für a überbelichtetes Foto. Weil ihr Stimmt so hoch is. Weil sie deinem Freind vor 5 Jahren, wo ihr noch nit zamm warts, geschrieben hat.

Es sein oft de kindischsten Gründe. Nur weil sie an Freind hat, bedeitet des nit, doss man sie glei als depat obstempelt. Nur weil du denkst, sie sei hübscher, is sie ja nit bled. Nur weil sie klingt wie a Quietschentile, mocht sie des nit zu an Hassobjekt.

Am schlimmsten is wohl, wenn man von anderen gehört hat, dass sie des und des und des gemacht hat. Ach so, da X hat gsag, sie Is a Sch- LAMPE? Jetzt glaubst du des a? Wenn jemand des über di sagt, willst ja a nit, dass es jeder glaubt. Oder? Imma in de Loge von da ondan Person setzen, Kinda.

Kennst du des Mädel echt so gut? Eher nit. Jeder Mensch trägt sei eigene Geschichte mit sich, de ihn prägt. Du sagst grad, dass du sie nit magst, weil sie zu hübsch is. Vielleicht findet sie sich selber hässlich, weil sie gemobbt worden is. Du lästerst über sie, aber vielleicht hat sie grad jemand ganz wichtiges verloren. Unfair, wie du über jemanden urteilst, ohne ihn zu kennen. Denk nochmol dronn, wie es dir in ihrer Situation gehen würd.

Und ganz am Ende hat des a wieder mit Selbstliebe zu tun. Würdest du die selber mögen, hättest du es nit mal nötig, jemand anderen schlecht zu reden. Quasi wenn sie stinkt, is es egal, dass i a stink. Wow des Beispiel woa jetzt nit grod es beste, aber dei Verhalten ja a nit.

I kann ma oder besser gsag will ma ka Bild von jemand machen, den i privat nit kenn. Glab ma, letztens hobens fost schon wieda so Halbwüchsige gschofft, mir a Person auszureden. Woa donn gschockt von mir und meinen Gedanken, wie schnell i des adaptiert, wos ondre so sogn. Oba bin trotzdem strikt der Meinung, i muss selber entscheiden, wos i über a Person denk. Der anzige Mensch, der do mei Bild verruckn konn, is donn de Person selbst. Und nit sei wuschige Exfreindin, de neidige Klassenkollegin oda da Großcousin.

Bin i oft genug über Mädels gestoßen, de laut meinen Freundinnen ach so scheisse sein und dann wären es echt liabe Mäuse. Es wird nit jede zu meiner Freundin, bist irre. Aber i kann sie ja trotzdem mögen. I entwickel Sympathien für Menschen, so wie i Lust und Laune hob, nit wie meine Freindinnen des bestimmen. Es is doch so frech, zu behaupten „Mogst du de? De is jo so komisch.“ Sorry, Lina, du bist genauso komisch. Im Gegensatz zu dir, versuacht sie mir nit ondre Menschen schlecht zu erklären..

I wünsch Ma bisi mehr Zusammenhalt zwischen Frauen. Bisi mehr „du bist genauso cool wie i!“ bisi mehr „i bin stolz auf di. Auf mi selber a.“ her auf mit dem Ansticheln, du produzierst damit nur Falten. Und Ärger. Des geht aufs Herz. Aufs Herzl muss man guat schaugn.

Nächste mal bevor du sagst „i mag sie nit“ verkneif es dir. Bussi. Und lies da den Girls supporting girls Beitrog durch, den host onscheinend bitta nötig.

Du bist jo e wie jede

Christopher, lei weil du sunst Diandlen dawischest, de schneller dei Herzl wollen wia du unta sena Leibl, hast des nit, doss sich jede glei in di verliebt.
Thomi, lei weil dei erste Freindin di betrogn hot, bedeitet des nit, doss jede Frau auf Erden untreu is.
Marko, nur weil dei letzte olles von dir hoben wollt und di lei ausgnutzt hot und ka bisi nett zu dir woa, muast jetzt nit davon ausgehen, doss jedes Mädel so egoistisch, unguat und depat is.

So wie ihr olle zomm nit glei als blede, pimpigesteuerte und unehrliche Wesen zum Obstempeln seids, sein wir a nit olle gleich.
Nit jede spinnt uma, wenn ihr mol liaba Fuasboll spüln gehts, stott auf uns umazuklauben. Nit jede is eifersüchtig, wenn ihr mit 23 ondre Girls snappts. Obwohl do stell i mir de Frog, ob i an Freind brauch, der Snapchat als Minderwertigkeitskomplexputschmittel verwendet.

follow me @danyila .jpgEs is holt lei so, doss nit jedes Mädel mit sich gleich umaspüln losst und ihr eich benehmen kennts, wie die gresten Machos oda Player. Nit jedes Mädel fliag eich glei fua die Fias und hofft, doss ihr mit ihr schmusts und sie donn folln lossts.
Sobold i von an Bua her „Du bist jo e wie jede.“ oda „Ihr Mädels seids olle gleich.“ schick i ihn liebend gern in die Welt der irren und depaten Frauenwelt, in der er onscheinend so gern is. ❤️❤️

 

Da Richtige kumt noch.

Jo Vati, is ma schon kloa, doss i kan Stress hon. Also in deinen Augen. Oba du blendest jo so Unwichtiges wie an Sexualtrieb aus. SCHNELL ÜBALESEN BITTE HOPHOP.
On olle Leit, de mir a immer aklean, doss mei Richtiga noch kimt: Es is ma schon kloa, doss der noch kummen wird. Ewig konn der sich jo a nit in sein Loch verstecken. Lei sollt er gach aufkreizn. Donn solln sich de Douchebags (sorry mei neies Lieblingswort auf Englisch) de ihm den Plotz streitig mochn vasuachn, glei vazupfn. Hob jo weder Zeit noch Lust, mi mit wos obzugeben, des i nit zu 100% ernst nehmen konn. Kloa konn man mi lei als Einwegschmusarei, Gelegenheitsbeischläferin oda Kurzzeitlover onsegn, oba auf des hob i holt genauso viel Lust, wie aufs Zimma auframen. Goanit. No time for that. Gonz oda goanit. 2018 woa jowohl es Thema „Schmusn geht imma, s gleiche is mit Tequila.“ 2019 eher so „Wer schmust is fix zomm.“
So an unverbindlichen Zeitvertreib konn man a gern mit ana weniga erwartungsvollen und leichter zu habenden Seele erleben, de dafia bereit is. Und glabs ma Jungs, 90% der Fälle „Natürlich tat i mi nie in di valieben, olles lei Gaude.“ endet in weniger als 6 Monaten in an klanen Drama. Also mit wenig Drama tat i des mit Grey’s Anatomie oda Musik von Adele vergleichen.

Also wenn ihr a Freindin hobs, bei der des Alan sein schon mehr in de verzweifelte Einsamkeit follt, sogs ihr den schas Spruch nit. Woatets mit ihr auf ihr Glick. Redets ihr do kan holbwachn Wappla ein und übertreibs nit mit der mütterlichen Vorsorge. A zwischenzeitliche Schmusarei, lei um sein Marktwert noch zu wissen, is a nit verkehrt. Muas man jo an Haufn Frösche küssen, befua da Prinz kumt. Oda wie sog man do so?
Woatets anfoch mit eira Freindin mit und donn wenn sie ihr Glick gfundn hot, seids ihr mindestens genauso glücklich wie sie!!

Warum hot so a supa Mädel wie du kan Freind???

Augenüberrollen und donn imaginärer High Five on olle Girls, de des Satzl wohl a jede Wochn amol wo hean. Sei es da Spast in da Disko, der da a Vodka Bull gekaft hot, wos du jo sowieso deina Freindin schenkst. Sei es de urolte Großtante, de mit 16 selber vaheiratet woa und immer noch in dem Joa 1834 lebt, wo des normal woa. Sei es da Postla, der bei deim 14. Zalandopackl in dem Monat mol frog, ob dei Freind da des olles zohlen wird. Egal, wer dir den Sotz on den Kopf wirft, sog anfoch wos gonz bleds hinta!!

Also doss amol so de holbe Männerwelt mit dir überfordert is, weil du anfoch zu lustig, depat und ironisch bist. Dei Zukünftiger sitzt noch in da Mastervorlesung für Sarkasmus. Oda mocht grod sei Stand Up Comedy Schulung fertig.
Du muast deine Werte mol zrechtlegen und ihm vorlegen beim 1. Date. Weil du nimmst nix mit ham, wos nit wenigstens so viel Onstond hot wie du selba. Weil du wen brauchst, der di nit nur Sunntog in da Fria glücklich mocht, sundan a Mittwochabends oder Dienstag untertogs. Weil du befua du lei so a Biable mitnimmst, liaba noch bisi woatest.
Seima uns doch ehrlich, wie oft laft da a richtig guate Kerl üban Weg? Nit oft, eigentlich nie. Sollt man gonz logisch überlegen, laft uns jo e lei amol im Leben die richtige Person übern Weg. Also des passiat da nit anfoch sufuat und donn passt des so. Des Thema Liebe is nit so easycheesy wie man des in den Filmen sig. Obwohl, sooooo dramatisch is es a nit imma, wie man s oft sig. Weil, Hand aufs Herz, wär hätt bei Kissing Booth den gressan Bruada schon nit viel Fria obgschmust? Oder wär bei Notting Hill NIT zruck zu der Oltn gongen? Und Zwei an einem Tag & Love Rosie machen mi jo imma noch fertig.. Wer scheisst heite 20(!!) Joa oda mehr uma?!

Vielleicht willst du a anfoch grod kan Freind, weil du de Männerwelt mol obgschrieben host. Weil du genug Testosteron beschnuppert host und jetzt mol a Karenzphase davon brauchst. Des hast übrigens nit doss du schwonga bist, sundan lei, doss du Abstand brauchst.
Vielleicht weil du anfoch kan Monn willst sundan a Frau? Wos isn do schon dabei?
Vielleicht willst du nit lei an Freind, sundan zwa oder dreie? In meinen Augen is des jo noch mehr Oabeit, oba wenn es da des wert is, go girl.
Wos wenn dir de Monogamie holt anfoch nit zuasogt? Jo meine Güte.

Natürlich konnst da Großtante a aklean, doss du mit 76 liaba noch nit so olt und verbittert ausschauen willst wie sie und daher de Männerwelt noch nit so in dei Leben lossest. Frech, oba wirksam.
Dem Typ on da Bar konnst jo a dazeln, doss du derzeit e gnuag Getränke von hoffnungslosen Fällen gregst und daher goa kan Freind brauchst. Frech, oba trotzdem host wos zum Trinken.

Und frog anfoch ka Mädl oda kan Bua mehr, warum se Single sein. Is holt so. Sollt de Person an psychischen Knacks hom, dazelen sie eich des jo derwegen nit glei. Und sog da wer „I bin anfoch beziehungsunfähig“ hau da nit aufn Kopf, sundan geh mit leisen Schritten rückwärts ausn Raum ausa und laf. Es is nämlich a Zeichen, doss de Person echt grod nit bereit is, wos festeres einzugehen. Außerdem is des donn nit dei Aufgob, de Person vom Gegenteil zu überzeugen. Des is an Haufen innere hoate Oabeit, de de Person alan zu verrichten hot. Do mischest du di nix ein und wenn du des tuast, wirds derwegen nix..

OLYMPUS DIGITAL CAMERA

Augenüberrollen fast zu Ende. 


So noch a poa von euren Sätzen, de ihr nerma hern kennts:

IMG_0763.JPG„Du bist jo in Echt a so klan/groß“
Antwortmöglichkeit: UND DU KONNST NIX DRONN ÄNDAN ALSO DAZEL MA WOS ONDARES.

„I hätt di jetzt jünga gschätzt“
I hätt di bisi sympathischer gschätzt.

„Nimm nit imma olles so ernst“
Seit wonn darf man ondan Leit sogn, wos sie ernst nehmen diafn und wos nit? Is des nit MEI Leben?

„Vagiss sie“
Vielleicht sollt i des. Vielleicht a nit. I muss mir selber Zeit geben und ihr a. Bitte akzeptier es, doss i do noch nit drüber hinweg bin. Bitte hob Verständnis.

“ Wos mochst du mit deiner Zukunft?“
LEBEN. I will ausafinden, wer i bin und wos i sein will. I will schaun, wo s mit mir hingeht und i tat gern meine Werte finden. Am Ende will i glücklich sein. Gib ma de Zeit. Danke.

„Ziag da mol wos gscheides on.“
Mama, Papa, Onkel, wer was i . Wir sein im 21. Jahrhundert. Do sein zrissene Hosn so ok, wie kurze Reck. Nur wer Ausschnitt zagt, is noch long nit billig und nackte Haut steht nit fia Sexualität und is a ka Einlodung zum Flirten. Bitte lossts mir mein Style, lossts mi entscheiden, wos mir gfollt. I find jo eire Outfits a nit super und tat nie so frech sein und do wos sogn.

„Du host so geile Tittn“
Danke, meine „Tittn“ hom mehr Onstond, Hirn und Menschlichkeit wie du!!! Wie konn man bitte so gemein sein und sowos sogn? Glabst, i nimm des als Kompliment auf? Manst ehrlich, des GEILT mi auf? Sowos zum sogn zu gregn, tuat weh. Es tuat weh, weil i sig, doss es Leit gibt, de mi lei auf meine Brüste reduzieren. Hallo i bin sympathisch, i bin echt a liabs Mädel, i hob schon so viel erreicht in mein Leben.. und du host ma nit mehr zu sogn, als wos du über meine Brüste denkst? Danke. Danke, doss du ma gezagt host, doss du wieda a Mensch bist, der es nit verdient hot in mein Leben zu sein. Und na i moch do ka Drama draus, wo kans is. Weil i konn selber entscheiden, wos i ernst nimm und wos nit.

„I bin zu dick“
Es tuat ma lad fia di, doss du so a schlechtes Bild von dir selber host. Onstott zu ondan zu lafn und da de gewisse Aufmerksamkeit zu holen, solltest di mol bisi mehr mit dir selber beschäftigen. Fia mi bist du a wunderschene Frau, de noch so viel zum Lernen hot. Bitte hea auf mir zu sogn, wos da on dir nit gfollt. I werd da dei Ego nit pushen, i werd da lei sogn, doss du Selbstliebe lernen musst.

Moch ma de Welt zu an bessan Platzln und spoan uns jetzt de Phrasen anfoch beim nächsten Mol. Ok? Ok.
Schenen Feiatog und bis Sunntog.
Do gehts um den Beziehungskiller Nummer 1, Eifersucht. ?