Hauptsoch i gfoll ihm

Mei größte Inspiration ever is und bleibt wohl mei eigenes Leben. Zwischen den Flixbussitzen, Konzertreihen, französischen Gehsteigen und österreichischen Höhenmetern und Unmengen an Tequila und Haxenspreizer schreiben sich wohl echt de besten Geschichten. Vom Berufsschulhorror über Brüdergeschichten bis hin zu Hausparties in Paris. Unvergesslich bleiben a Fanbriefe, Erbeerschuach und aufgeschlagene Knia dank Dirndllängen.. Zweite Inspoquelle is Pinterest.
Da find i immer wieder gute Quotes zum Verarbeiten, Posten oder zum Überdenken.


If you're about to do something to impress a man, don't.

I hab da sofort an einige Mädels denken müssen und hab es anfoch gepostet, in der Mittagspause neben den schlafenden Kids. (Des gonze is schon drei Monat her.) Drei Stund später spazier i ham und schau auf mei Handy. „I hätt so Lust grod über des an Blogpost von dir zu lesen.“
Das, meine Damen und Herren, nenn i a Kompliment der Extraklasse. Man kann fast sagen, des Diandl hat von mir gelernt. Hab ihr nämlich vor 40 Jahre ungefähr mal Französischnachhilfe gegeben.. Also irgendwie, du wast schon, wos i damit sogn will.

Des Thema hob i do schon bisi ongschnittn, also lies des, donn bist schon Mol bisi gscheida. Irgendwo jo noch, oba i find des nerma upsala.

Also geh ma s on. Für alle Englischnuppler wie mei Schwester:
Wenn du grad dabei bist, etwas zu machen, um einen Mann zu gefallen. Tu es nicht.

Vastondn? I man de Aussage is a Statement für sich. Do brauch i an sich jo nix dazua sogn oder? Wir kennen uns olle a bisi on da Nosn nehmen.
Mei eigenes Beispiel klingt so harmlos im Gegensatz zu manch ondan:

Viel zu oft hab i in der Vergangenheit mein Musikgschmack versteckt. Wos i so her? Ed Sheeran, Kodaline, The 1975. Antwort? „Richtige Mädchenmusik.“ Zuerst hab i gsag „mir taugs“, draus is a *blockiat* woan und endet heit in Ehrlichkeit „Ed Sheeran, Kodaline und the 1975, wenn i meine Tage hab oda valiebt bin. Mei american rock Schiene geht über Blink 182 zu Foo Fighters bis hin zu Jimmy eats the World. Kleinere Indiebands gfolln ma a. Ajo, Deutschrap is a a Thing. Und JO I HER OB UND ZUA DEUTSCHPOP.

I hob Mädis per Instagram gfrog, wos sie schon so fia an Bua geton hom:

„I bin für ihn umgezogen.“
„I hab wegen ihm nie a Auslandsjahr gmacht.“
„I hab 10 Kilo abgenommen für ihn.“
„I studier jetzt Medizin statt Soziale Arbeit für ihn.“
„I will wegen ihm doch Kinder.“

De Nochrichten hom ma nit guat geton. Weil mei Herzl wohl echt zfest weh geton hot donn. Weil oll de bezaubernden Wesen an Mann verdient ham, der se nimmt wie se sein. Solche unglaublich diktatorischen und bescheuerten Aussagen über des Leben von an Mädi zu mochen puuuuuh.

Es fingt jo schon on mit an Haufen klanen Dingen. Texte in de Storie posten über ihn, damit er es liest. Wos er entweder nit tuat oda nit checkt. Donn gehts weiter zum Thema, er mog lei Diandlen, de einverstanden sein, doss er Jaga is. ZACK wird aus da vegetarischen Tierschützerin a Speckitarier (also a Mensch, der Speck und so isst..). Aus dem unsportlichsten Diandlen wird auf amol a Fittebraut, weil ihm da Sixpack im Kühlschronk zwenig is. Im G2 rapt sie de Deutschrap Lines fehlerfrei oba, nit weils ihr taug, sundan weil er des cool findet. Es werd sich verstellt und die passende Version von an vuagspült. So wia sich da Freind des neie Trochtnhemd in da Foab von dein Diandlen kaft. Obwohl des is jo sias, des ondre wohl nit so.

De angebotene Zigarette von ihm wird würgend, hustend & verreckend inhaliert. Der Sunntog wird stott lernend am Fuasbollplotz verbrocht, weil er glab, di juckt des wirklich. Jetzt sitzt fost blerentiga fua an Stickl Fleisch und wiagst es obe, weil du Schlaukopf gsog host, du liebst des genauso wie er.

Diandl, bitte. Du ziagst in de Stodt, wo du hinwillst. Do konn er noch 582 Kilometer weit weg sein, des wär doch egal. Wenn du nit noch Kolbnitz willst, ziag nit noch Kolbnitz, a nit fia ihn. Obwohl es Mölltol wohl schen is.. oba glab ma, nix is wichtiga, wie sich wohl „daham“ zu fühlen. Fria oda später gehts e nerma. Du solltest fia kan olles tuan, fia kan ausa fia di.

Wer nit ins Auslond geht für a Zeitl, nur weil de Beziehung gefährdet is, greg bestimmt später mol an Stich ins Herzl. So in 13 Joa, beim Tanken, kurz bevor man zohln geht. Do follt da ein, doss du eigentlich mol gehen wolltest, es wegen der leider schon längst zerbrochenen Beziehung nie geton host und heit 13 Joa später da es Herzl weh tuat. A richtige Beziehung holtet bis zu 6 Monat Trennung aus, ohne Thema. Sogoa länger. Sein Traum unta ondre Menschen zu stellen, grenzt an seelischer Selbstverletzung. Es hast jo so grausig, doss man beim Sterben alan mit sich is.. daher sollt man fia sich selber wohl am meisten do sein.. Es gleiche Spiel is mit Studium und Kinder und so..

Sog dia dei Bua du musst obnehmen oda fitter sein, hoff i stoak, doss deine Alarmglöckchen klingeln. Du wast genau, a guata Speck is lei mit Fettn geil. Außerdem gehts wohl mehr drum, wie DU di fühlst. Wer verliebt is, spiat amol vualauta Schmetterlinge den Extrapolsta nit. Fühlst di jo e federleicht, do auf da Wolke 7. Wer sich liebt, sig in dem Thema bisi schlechta. Solltest du deiner Meinung noch „zu dünn/ dürr“ sein und er mant, du musst wos aufegregn, is des genauso a Bledsinn. Jemanden auf sein Äußeres zu reduzieren, is schon längst auf der No-Go- Liste! Und am Ende konn i dir beruhigt sogn, doss gonz gonz gonz viele Buamen umalafn, de kane perfekt trainieren Mädels wollen. Gonz zum Schluss zählt dei Charakter unds liabe Lochn soooooooo viel mehr! Also auf olle, de sogn, es is zum Obnehmen, verzicht ma. So bist e am schnellsten 70-90 Kilo auf Amol los ?

„Hauptsoch i gfoll ihm. Hauptsoch er sig in mir mehr wie i. (BULLSHIT) Hauptsoch fia ihn bin i des Mädi, des er will. “ Kema bitte aufhern uns unta unsan Wert herzugeben? So cool wie du bist,reichts. Mit mehr kinnt da Kerl e nit umgehn. Spiel ka Begeisterung fia sei Eigenjogd fua, wenn du nit mol wast, wos des Wort bedeitet. Moch nit auf Autofreak wie er ana is, wenn du glabst da S5 is es iPhone der 5. Generation. Und doss Coupé donn noch fia an Eisbecher steht!! Her nit sei Musik mit der Lüge, de herst du e imma. Sog nit, doss du es ok findest, doss er raucht, wenn du bei jeder neien Tschick an holben Onfoll gregst. UND SOG NIE, DOSS DU NIT EIFERSÜCHTIG BIST UND DONN BEI JEDEM KIRCHTOG BLERENTIGA LIEGEN GEHST, WEIL ER HALLO ZUR SCHULKOLLEGIN VON SEINER COUSINE IHRA BESTN FREINDIN SOG!!!!!!! Kana mog eifersüchtige Menschen, oba noch weniger mog man eifersüchtige Leit de so tuan als wan se s nit. (Denk da lei: wos bessas wie mi huckt Somstogobend e nit zu ihm zuabe. ???‍♀️??)

Spoiler: Wenn du lei so tuast, als wärst du de richtige fia ihn, wirst du nit de richtige sein!! Er wird übrigens a nix zu an bessan Bua, wenn du da im Kepfl ausmolst, wie er sein sollt, er es oba nit so is ..

 Jeder Kerl, der di gern ondas hätt, konn gern wo ondas sei Luft schnappen und sei Ego aufpushen. Dafia bist du nit zuständig. Probia liaba dei 5- jähriges Ich von damals zu imponieren. Wollt i doch damals, doss i heit noch mehr Biacha da lies. GOT IT GIRL. An dein klanen Wunsch, a Buach zu schreiben, oabeit ma noch dronn ok, MiniMe?

A Girl hat ma gschrieben „He said he like my long hair so I cut it short“. ALLE PUNKTE FÜR DICH! So kert gedacht. Außer ihr wollts kane kurzen Hoa, extra aus Provokation bringt eich a nit sooo viel. Weil 1. checkt er es e nit 2. hobs ihr donn des Theater mit de kurzen Hoa.

So wie du bist, so bist du toll, wunderbar und zauberhaft. Wir sein olle schöne Sonnenblümchen, würd mei Viola sagen. Sei zu stolz, um für an Typen etwas zu machen, wos du nit mochn willst. BUSSSSSSSSIS.