Wer deaf in dei bett?

heit wieda mol a bitternötiger sex-blogpost. BITTE, wenn ihr sexthemen habs, über de i schreiben kann BITTE HER DAMIT. hier findets olle sexblogposts. und um wos es heit geht? sex. haha. und wer ins bett deaf und wer nit. und a thema, wos i gern vom tisch kern tat. 

doss man über den body count redet, is irgendwie erst so 2020 passiat oda? weil davua hob i erstens den ausdruck no nie ghert, hot es mi a no weniger intressiat als heit. gonz ehrlich? außer von beziehungspartnern hob i von kan menschen gwusst, mit wie vü se a schäferstündchen einlegn. heit frog i des schon eher freindinnen, oba donn frog i a sufuat imma noch den ECHTN body count. wos des is? mit wie vü leit se schon gschlofn hom, wo se kemen a sein. seids ma nit bes, oba wie will a mann mit an count von 130 frauen flexn, wenn davon 128 nit amol onsotzweise kemen sein und i wü bei gottes willen nit wissn, wie vü darüber glogn hom ahahahha.

i hon freindinnen, de hom mit 2 typen gschlofn und i hob freindinnen de hom mit 50 + typen gschlofn. a i hob schon sex ghobt. mei body count? Irrelevant. genauso wie der body count von jedem ondan menschen auf dera welt. am ende a weitere zohl, de nix bedeitet. wie auf da woog oda unta an geposteten foto. zohln sogn nix über den charakter von an menschn aus.

man sollt goa kan irgendwie judgen fian body count und eventuell desholb a glei goa nit drumm frogn? weil i was nit, es mocht a girl jo nit attraktiver oder weniger attraktiv wenn se jetzt 13 oda 29 typen ghabt hat. und wer sich jetzt imma no denke „mei freindin darf nit mit so vü typen davua gschlofn hom!“ sog i da glei: olta donn werds holt nit dei freindin und se werd hoffentlich wen bessan treffen als di. PUNKT AUS. goa ka lust, mir aklean zu lossn, doss irgendwer des grausig findet. i wünsch anfoch lei jedn mensch, doss er im bett imma respektvoll behondelt woan is und weiterhin a weat.

wer in dei bett deaf, is dei entscheidung. punkt aus. und wenn du den gonzen fuaßbollvarein dribalossn willst, tua es. wenn du auf de richtige person woatn willst, tua es. wenn du an rekord aufstellen willst/a wette gwinnen willst, tua es. es geht mi nix on und de restliche welt holt anfoch a nit. warum a großes ding drum mochen, wie vü girls jemand schon hergrissn hot, wenn er imma no mant da g-punkt is ausaholb der vagina? wenn a girl a beim 10 typen imma no on den ex denkt.

es is so okay, wenn du mol in da fria munta werst, di auf de seitn drahst und da denkst „HOLY wos hob i ma lei do gedocht? De vier haxnspreiza woan wohl magisch!“ egal, ob du monn frau oda whatever bist. konn passian. weck de person auf, frog netterweise ob se an coffee will und sunst: zupf di anfoch und guat is.

wü i eich do grode irgendwie aklean, doss eicha body count irrelevant is? JO. und a on de girls, de eben nur mit wenigen männern schlafen, wos genauso korrekt is: herts ihr a auf, ondre mädels als grausig zu betiteln, weil se mehrere menschen ghabt haben. des is so unfair und es is fia mi froglich, wie man als frau ondre frauen so obe mochn konn. i würd nie fia an typen extra in an club foan, lei um ihn zu segn. & sog oba a nit, doss girls, de des tuan billig sein. MIR IS DES ANFOCH EGAL TUATS WOS DES WELLTS. lossts ondre, vor ollem ondre fraun, tuan wie se manen. ihr werdets nit bessa, schena oda intressanta wenn ihr über se schlecht redets.

mei privates highlight:

mir hat mal a girl gschrieben, wie bitchy a mädel is, de a foto von mir repostet hat mit an textln. weil des girl hat mir ihrem gspusi gschlofn. und i hab mi nit ausgekannt, denn sie selber hat a mit ihm gschlafn, genauso unverbindlich. und sogt mir donn quasi in ana dm, doss des ondre mädel grausig is???? 1. slidets nit in meine dms, um ondre menschen schlecht zu redn. ES JUCKT MI NIT. 2. warum sollt i do zu an mädel holtn und es ondre als „grausig“ betiteln. wo bleibt do bitschen da sinn? ma bitte oft denk i ma echt. nit stana im gloshaus werfn..

wissts wos ma sein solltn? dankbar. dankbar, doss ma so frei entscheiden diafn, wen ma ins bettl lossn und wen nit. vorwürfe driba loss ma mol nit ins bett. 

wos echt wichtiger is, is da ECHTE body count: bei wie vü host an orgasmus. und i bin team emotionssex und nit so da one-night-stand- fan (blogpost DO), weil i bin da meinung, der sex mit ana gleichn person wird imma bessa und bessa. also wenn i 5 mal mit derselben person schlof, hob i vermutlich 1-4 mol richtig guatn sex und bei one night stands 5 stuck, konn echt 5x oasch sein. oba i kenn leit, de feiern ons so sehr, weil de emotionale bindung eben nit vorhanden is. oba genauso fühlt sich in meinen augen jo a ons a on: emotionslos und schnell zagn, wos man konn ahahahaha. oda eben a nit hahaha. oba wenn des do a ondre meinung wie i hobs, gerne & dazelts ma gern driba. meinungen über body counts, doss frauen, de „vü“ sexpartner ghabt haben, grausig sein- de intressian mi nit bitte danke :))

jetzt no a bisi a ernsterer aspekt zu dem thema:

a monn schloft mit drei frauen. er is a playboy. a könner, a wahrer gönner. und a frau schloft mit zwa männer is se glei mol a slut. sinn? fallt dahinter gewaltig.

a followerin hat ma do glei a passende storie aufgetischt und de dazel i do mol:
da leon frogt de isi, wie vü männer se schon zuabgelossn hot und sie hot holt ihr niedrige zohl unta 10 gsogt. und er pfeifft kommentierend mit „fleißig“. und sie, bereits 24 joa, sogt holt, doss se sich fia de zahl nit schomt und es ok is, weil es nie irgendwer woa und de jungs se respektvoll behandelt haben und kaum ana davon a griff ins klo woa. und ohne doss sie frogt, mit wie vü er gflankt hot, haut er anfoch 50+ ause. und sie sitzt do mit offenen mund und was kurz nit wos sogn. oba des übernimmt der leon, der übrigens von da isi heite da ex is, schon fia sie: „wenn du mei zahl hättest, wär des e volle grausig. seima froh, doss du nit sooo vü zuabeglossn host!“ HHAHHAHAHAHAHAHAHAAHHAAHH bitte amol leon sei ego zum einpockn und donn sein charakter zum wegschmeißn bitte!

genau so ane gschichtn regn mi auf. und kems ma jetzt nit mit „larissa du scheiß feministin!“ olta he do gehts mir anfoch um de reine gerechtigkeit (wie bei feminismus a, oba nevermind) warum darf a geschlecht body counts hoch tausend ham und beim andan wär es verwerflich? des is sowos sinnloses in meinen ohren und a in mein kepfln.

jeder mensch soll selbst entscheiden diafn, wie vü leit er in sei bettl einlodet. und wenns 20 sein, seins 20 und wenn ana bei 3e sog, stop es reicht ma: go for it. guat muas es anfoch sein, fia olle beteiligten! fertig, aus de maus!

jetzt no a pädagogisch wertvoller hinweis: es is echt dei soch, wen du in dei bettl losst. mir wa lei wichtig, doss de person dir gegenüber respektvoll is, doss du di wohlfühlst und olles in an tempo passiat, wos bade wolln. kana deaf und soll di zu wos zwingen und a na is a na und ka vielleicht. a her auf, a loss ma des und a i mog nit sollen zählen. passts ma do guat auf eichre körper auf.