on die klanen overthinker-mäuse
wissts, monche haben herzlbrechn als olympische sportart fia sich entdeckt, manche nehmen es overthinking a bisi zu ernst. und kemen aus senra haut nit ausa. und spoiler: des seids damit nit alan. und a i hab phasen (ghabt), wo i wirklich jede situation überdacht hab und am ende in dem gedankenstrudl fost vasunken bin. heit gehts um overthinking, wos man dagegen tuan kennt und warum es eigentlich selbstsabotage is.
der blogpost is nit lei fia de overthinker, sundan a fia de menschen um se uma. und wenn du a klana overthinker bist und den menschen in dein umfeld irgendwie nit sagen kannst „he so geht des in mein kepfln ab“.- dann schick den blog weiter. unten gibs tipps fia leit, de mit overthinkern es leben teiln 🙂
i hab vor ewigkeiten an blogpost mit what if geschrieben und es schneidet des thema schon eher an. enjoy. doch wahre overthinker überdenken olles: jede klanste entscheidung. machen sich gedanken über gott und de welt und vor allem schwirren se in köpfen anderer uma. kurzer disclaimer, weil i anfoch a bombenreichweite hab und i was, doss i des thema mit an blogpost nit verändern kann: wer wirkliche probleme mit seinen gedanken hat und aus dem strudl nerma ausakimmt, holts eich bitte hilfe. es is nit normal, sich von den gedanken so fangen zu lassen und ihr seids damit nit alan und miasts es a nit sein. gaaaaanz wichtig zu sagen! i will kan mit dem post angreifen, i will lei helfen, aufmerksam machen und a leit, de des nit kennen, a verständnis schenkn.
die elisa is a overthinkerin. wenn sie kondome kafn geht, hat sie bei da kasse schweißausbrüche weil omg der junge kassierer könnt sich jo denken „wer werdn de pockn??“ sie geht nie ohne wimperntusch ausa haus, weil sie jeda mensch so fragend anschaut, als wa se kronk. im fitte hat se sich abgmeldet, weil de judgy blicke von anderen sie fertig gmacht haben. nach jedem telefonat braucht sie a poa minuten fia sich, um zu reflektian, ob des, wos se gsog hot, wohl korrekt woa. wos is, wenn de christl des falsch verstanden hat ihr „viel glick???“ sie schickt ihr schnell a sms hinta mit „sorry, woa nit so böse gmant, falls du mei viel glick falsch aufgnommen hast!“ wenn a bua sog, doss se fesch is sogt se na und werd rot. der konn des nit ernst mahnen und will se lei vaoaschn. wenn er ihr näher kimmt, ruckt se weg, weil er jo e lei spielt mit ihr, so wie da max vua 5 joa a. jede siase nochricht, de aufs handy kimt, werd ka sekunde lang genossen. na man zerlegt sie, in alle einzelteile. doss man am ende die antwort hat: de person mant de nachricht nit ernst. wenn de elisa a ok hinta greg, is es wie a watschn weil a ok konn OLLES hasn. is des negativ oda positiv??? neutral? des gibs ba da elisa nit. für olles wos se tuat, entschuldigt sie sich 50 mol und no eftas. jede situation wird überdramatisiert und entweder sie dazelts kan oda wenn se es wem dazelt, vasteht es niemand. was is so schlimm, wenn er a bild von ana andern frau liked und nur weil es in ihrem kopf schon lang a affäre is, is es ja in echt nix. aber für de elisa is es alles. alles so fuckin schmerzhaft. die schuld? hat immer sie, weil sie nit guat gnuag is und sie hätt ja am 4. märz 2017 anders handeln kennen und vor drei wochen hat sie den satz gsagt, der nun fia imma unta ihrer haut brennt. wenn da a punkt hinta der message is, is für sie vorbei weil de person es endgültig meint und hjo.
erkennst du di irgendwie in den zeilen wieda? fühlst di ertappt und denkst da „he de laxo redet FIX iba mi“. na du klana stern, i man nit di persönlich oba heeeeeeey: i vasteh di :)) woa selba mol long so. oba soll i da wos sogn: bin ausakemen do.
wos man tuan kann? i hab da natürlich poa tipps 🙂
- deine gedonken sein nit de woaheit. punkt aus. eigentlich olles damit gsogt. lei weil wos in dein kepfln is und du dem viel plotz gibst, hot des nix zu hasn.
- wäg ob. spielt de soche in 5 tog, 5 wochn oda 5 monatn überhaupt noch a rolle? is es wert, sich darüber so den kopf zu zabrechn, wenn du in 5 wochn e ka sekunde mehr drann verschwendest?
- schreib da deine gedanken auf oda red se auf dei handy und somit gibst du se ob. du losst se los, weil du se frei geben hast.
- SEI IM HIER UND JETZT. du verschwendest lebenszeit damit, de zukunft zu zerdenken und kaum kimst in da zukunft on, is de de gegenwart, de du nit genießt weil du anfoch on später denkst. wos bringt da später, wenn du es jetzt nit schätzt? fong on. jetzt. sufuat. fia wos bist du dankbar? drei sochn. ausn steh greif. i was, des is heite schwa, oba in 2-3 wochn konnst du des richtig guat. (btw bisi eigenwerbung, hab a workbook ausagebracht, wo du eben 40 tog auf DI schaust und 40 tog im HIER UND JETZT aktiv bist und des hat mir beim overthinken SEHR geholfen.) oba wenn du es a so konnst: es tuat a normales leeres biachl a, wo du daily eineschreibst, fia wos du dankbar bist. udn bald werst des hier und jetzt genießen kennen.
- niemand is perfekt. ob du jetzt a sache verkackt hast oda nit, werd nit dei ganzes leben a rolle spielen. erlaub dir fehler, erlaub dir, nit olles wissen zu kennen und es nit richtig zu machen. niemand werd da so streng auf de finga schaugn, wie du selba. du sabotiast di selba, wenn du imma denkst, wos ondre denken kennen dabei bist du den menschen mehr egal wie du denkst. und des is nit negativ gmant!
- gonz a guata tipp, wenn du di erwischt, doss du wieda on olles denkst und richtig übertrieben in an thema drinn steckst: is des eigentlich irrational oda kann der fall wirklich passian?
seids ma nit bes, oba doss der freind, der durchgehend daham sitzt und zockt, eich mit der heißen schnitte betrügt, de selber schon verlobt ist… wie groß is de wahrscheinlichkeit? oda doss der typ in der apo, bei dem du de pille gekaft hast, ham geht und seiner cousine 3. grades dazelt, weil de kennt di, doss du de pille nimmst und se drüber lochn.. .ehrlich? oda doss a fremde person, de di noch nie gsegn hot und kurz hallo gsagt hat beim bus einsteigen, doss de findet, doss du des shirt in ana nummer gresa kafn hättest sollen.. i glab de gedanken sein richtig irrational oda? doss er da nit hintaschreibt hot vielleicht den grund, weil er anfoch ka zeit hat? und nit weil er zwischen vier frauen eingeölter liegt und rambazamba macht?
overthinker verbauen sich sena eigenen glick und segns nit.
oba sie kemen eben a nit ausa aus da spirale, also nit so leicht und des muas man vastehn. oba wos tuat man als ausenstehenda? sein de suagn normal? oda sein de nit berechtigt? in den meisten fällen sein se schlicht und weg fantasievoller blödsinn und a übertreibung. oba des sig de person ja nit und es is a nit förderlich anfoch zu sogn „he olta her auf dir des in kopf zrecht zu spinnen!“ spoats eich de kommentare glei. erinnerts de person liaba: he du, des is nit de woaheit. des wos in dein kepfln is, sein gedanken und de spieln mit dir. du muast lernen, gedanken und fakten zu untascheidn. anbei a tiktok, welches des so guat beschreibt und JA, wenn ihr an overthinker an eurer seite habs, werd des nit von heit auf morgen anders. der person schuldgefühle zu machen und es klan zu reden, bringt nix. wenn ihr nit fähig seids, an overthinker a guata freind*in zu sein, is es schwierig. natürlich zwingt eich niemand zu bleiben, aber dann erwartets a nit von der person, doss sie anders werd. wenn ihr wirklich sags „i kann des nit, de freundschaft tuat ma nit guat“ gehts, weil es fia eich bessa is. oba spielts nit mit der person und liags se niemals an. des bricht se zehnmol mehr. ihr kennts de person nit ändern, oba helfn. kert a dazua gsogt.
@judith.elisa.x 10 Dinge über #overthinker #mentalhealth #fy #fyp #foryou #fürdich
es is schen, sochn anfoch zu schätzen, wie se grod sein. er hot da a bussl gebn, fein. du brauchst nit zweifeln, ob er des tuan wollt oba de hochzeit brauchst a no nit planen. sie hot da als erstes gschrieben GUAT SO. oba mehr is nit passiat. du bist heit ungschminkt? und genauso schen wie e und je. also bitte. es hot wie imma mit selbstliebe und oabeit zu tuan. wenn du onfongst, des zu schätzen wos im HIER UND JETZT is, host du deine gedanken bisi unta kontrolle und lenkst se aufs wesentliche. gonz a anfocha trick, den i leida viel zu oft heit no anwenden muss, oba dankbar bin, doss es ihn gibt: atme. i atme und denk ma „geil, wie i eigentlich luft holn konn“. donn loch i weil i so dumm bin und mi sowos echt obdalenkt oba he, atmen is geil. atmen is wichtig.
so wichtig, wie du do auf dera welt bist. vergiss des lei nit.
a passendes reel von mir no.