du > de welt. wirklich

es gibt blogposts, de lieb i so sehr oba irgendwie tat i se so gern NEI schreibn und de oltn weg tuan, oba des tuat man a nit. hier da olte btw. deshalb a bessare, neiere, ehrlichere und kärnterische version von du > de welt. weil da grundgedonke hot sich nit gändat, nit. warum denn a. weil es stimmt. fia imma

du bist mehr wert, ols lei des sidechick von an semigeilen typen zu sein. der neben dir noch fünf weitere girls on da hond hot und de, wenn er gonz wild is, a no gegenanonda aufspüt. so quasi „i hob se lei, weil i di nit hob.“ oda „eigentlich mog i di goa nit, sundan de ondre liaba“ oda „wieso bin i jetzt schuld. wenn ihr mi olle wollts?“ froge, de i ma stell: will ihn überhaupt irgendwer WIRKLICH? und dennoch: du hupfst holt monchmol, mittn in da nocht wenns sein muas, in dei auto und donn direkt in sei bett. weil de ongst host vuam alan sein. weil de ongst host vuam übrig bleibn und weil de ongst host, nix bessas mehr als des zu gregn. irgendwonn werst oba donn schon es gspusi sitzn lossn, weil de merkst: der is es nit wert. und du werst ihm falln und er werd onruafn und du werst nit obhebn, weil bei unbekannten nummern heben wir so ungern ob. eingspeichat hostn jo nerma, weil fia wos a? bevua de semigeilen sex mit ana semigeilen person host, woatest liaba aufs richtige.

du bist mehr als de treue freindin von der folschn schlongen. de sich dei zeit nimmt, deine ratschläge, vielleicht noch a poa coole outfits stibizt und donn oba geht. a gsundes geben und nehmen is des nit. dennoch hebst du ob, wenn se onruaft und bist sufuat zur stelle. weil sie kennts jo dieses mol ondas manen, bessa sein oda sich geändat hom. irgendwonn werst oba sogn: freindin, des is vorbei. i dapock es nit ,wie du mi behandelst und dei charakter is es mir nit wert. i verschwend mei zeit nerma mit menschen, de mir energie rauben, mir oba nie ane gebn tatn. du werst schon no aus der freindschoft ausawochsn.

du bist mehr als de zohl de auf deina woog steht. weil de mocht den charakter nit schena oda schlechta. dennoch verzichtest du oft auf geiles food, um den irrwizigen Schönheitsidealen, de dir instagram so vuaschlogn, gerecht zu werden. um menschen, de sich selba nit gfolln, zu zagn „i bin a dünn und schen“. um menschen, denen du scheiß egal bist, etwas zu beweisen, anstatt di selba lieben zu lernen. irgendwonn und insgeheim wast du es schon, werst es checken: doss du a mit 5 kilo weniger immer no genauso wenig selbstvertrauen hobn werst, weil des kimmt nit mit da geiln figua, des kimmt mit da zeit und hoata oabeit. weil dünne oberschenkel bringen da ka freid, de wern lei mehr strauchln beim di über de tonzfläche hupfn zu lossn.

du bist so vü mehr als de freindin von x zu sein. weil, du host an nomen, an schenen sogoa. du host a leben neben der beziehung/freindschoft a no und dei charakter, puuuuuuh, der is anfoch gold wert und den sollte man kennenlernen und di nit lei als freindin von x obstempeln. dennoch tuast du so, als wa des ok, doss seine freind noch zwa joa dein nomen imma no nit kennen und a vermutlich no nia wos persönliches über di, abseits von da beziehung, gfrogt hom. irgendwonn werst schon sogn: BUASCHN. i bin nit lei sei freindin und schreibs eich mein nomen hinta de leffl, weil sunst kems ihr nix auf unsa hochzeit. 

du bist mehr wert als lei dickpics auf snapchat zu gregn. dennoch stehst du donn doch wieda eftas als gewollt holbnockt vuam spiagl, windest di, ziagstn bauch ein und schickst den perfekten snap retour. und gregst.. lei anzügliche smileys retour? oda goa nix. irgendwonn werst du darauf scheißen und menschen, de sowos schicken blockian und a leit, de sowos hobn wolln, weg tuan. du werst irgendwonn nerma noch der anerkennung von irgendwen hechln, weil du selba wastg „i bin vü mehr wert und so scheiß fotos braucht niemand“ du werst stott anzüglichen smileys liaba ehrliche, schene worte lesn wolln und de host da a vadiant und de werst a irgendwonn gregn.

du bist mehr als lei a liabe maus, wie die de typen gern beschreiben. dennoch stehst du oft auf so ane jungs, de di unterschätzen und weeeeeeeit unta dein niveau sein. du werst typen a chance geben, wo du di in drei monat frogst WIESO. du werst „liebeskumma“ spian, weil da irgenda handsch nit ontwoatet oba wert is er es ka sekunde. und irgendwonn werst du checken: du willst nit irgendan, der schen ausschaug und nit was, wonn schreiben und wie wos tuan. du willst an , der sich kümmert, bemüht und anfoch wos gscheids is. und du werst di irgendwonn nerma fia weniger her gebn. werst de ane schmuserei obsogn, beim date fria aufstehn und di anfoch fia di entscheidn. es beste oda nix. und nit „nehma holt wos ma gregn, nit?“ du host bessas vadient und werst es irgendwonn segn und a onnehmen. (spoiler: jemand, der eich mit absicht weh tuat, HOT EICH NIT VADIENT. jemand der ausredn suacht und de schuld eich gern in de schuah schiabt, hot eich nit vadient. jemand der nix hintaschreiben konn, oba mit ondan snapt und postet: der mants wohl nit ernst mit eich und wenn des olles so a spiel werd und nix schen is. LOSSTS ES BESSA SEIN)

Du, schatzi, dei vaholtn is ok. ehrlich. du bist nit alan. du mochst de fehler, obwohl de monchmol spiast, es is a kack. merk da lei: ob ana gewissen wiederholung von fehlern is es ka fehler mehr, sundan a bewusste entscheidung. GEGN DI SELBA. du tuast da selba weh, wenn du ondan mehr gibst, als du gregst. und i was nit, imma von selbstliebe redn oba sich bei menschn auffian, als wast du selba nix wert.. schwierig. lei bist nit alan damit, es tippen sich monche selba on da nosn. vagiss lei ans nit:

DU < de welt. dei glick werst nie findn, wenn du imma olle iba di selbs stellst. und des is a nit der sinn da soche vom lebn, lei fia ondre gebn. erlaub dir de fehler, erlaub dir oft so zu fühlen, wie de fühlst. oba vagiss echt nit, doss es um di gehn soll. bringt jo nix ,wenn du do leidest und daham blerentiga im bett sitzt daweil a ondre person glücklich is, weil du di um sie gekümmert host. is jo bullshit.

irgendwonn verstehst mi schon. i mans da nit bes. i mans da lei guat.

& i erwähns lei kurz noch: nit olles muss von heit auf morgn passian. wenn de heit nit aus der freindschoft ausakimmst, a ok. wenn de no 3 mol bleast wegen ihm, verständlich. des is alles zamm a langer prozess & sobolds da mal bewusst werd, doss du wos ändern musst und a willst, is es schon a grossa schritt. rom is a nit innerhalb von an tog gebaut woan ha 😛 nix stressn, oba a nit nix tuan! wissts schon wos i man <3