Achtsamkeit is nit fancy
unsa gesellschaft is gezeichnet von trends, mainstream dingen und anfoch des tuan, wos grod olle tuan. oft wird a hype um sochn gmocht, wo man den kopf peitlt und kurze zeit später tuat man es doch selba. oba wissts wos eigentlich ka hype is, sundan a LEBENSEINSTELLUNG: achtsamkeit, selbstliebe. des is ka trend, der auf amol do woa, des is wos, wos bleiben soll. fia imma. quasi a klassiker. und wissts, wie i auf des thema kemen bin? durch des ZU GEHYPTE 6 minuten tage-buach ahhahahha. imma wieda de ironie des lebens oda? do gibs in dem pur-buach (wollt es normale haben, hab aber de pur-version gekaft) auf da seite 177 wos, wos mi eben bewegt hat, darüber zu schreiben.
kurzer rant zum 6-minuten-tagebuach, des i seit september hab: es is ok. es is den hype aber nit wert, weil de leit am ende des e abbrechen, wenn se des nit täglich machen (wollen). mei tipp, bevua i ma um 25 euro so a biachl hol, kaf i ma a leeres notizbuach und schreib jedn tog genau de sochn eine, de a do behandelt wern. fia wos bin i dankbar? wos mog i on mir selba? wos erwoat i ma heit vom tog? wos hot mein tog heit so schen gmocht? i hab des von jänner bis september TÄGLICH gmacht und als belohnung ma des biachl gekaft. weil i a schlaufux bin. und i hab jetzt a ähnliches buach, des i probian will und wenn des gleich guat is, empfiehl i des gern. oba gonz ehrlich: es geht a ohne des biachl :))
Aussage: a wenn „achtamskeit fia de klanen dinge“ in aller munde is, is se no längst nit in allen köpfen.
und des untaschreib i!!!! weil i dablos des nit, doss irgendwie olle auf insta so tuan, als wan se de achtsamen und bedachten hirne & donn in echt? zuckn se aus, wenn a typ nit hintaschreibt oda beleidigen ondre girls hintam rucken und von da selbstliebe bleibt bei de gonzn facefilter nix übrig. und akleats ma jetzt nit, doss wenn man sich mit a poa apps de nase so verändert, doss man se in echt nimma akennt, SICH SELBER LIEBT.
wieda mol gilt: nit redn, sundan tuan :))
kurzer wechsl: zu dem thema seine fotos so krass bearbeiten, wos eigentlich a krankheit is, will i a an blogpost schreiben. und a video hab i a schon gmacht. solche girls posten fotos, bearbeitet wie gott und dann posten sie ihr 6-minuten-tagebuch mit der passenden morgenroutine und redn von „wenn du di selber liebst, gibt es in deiner welt kan neid“. äh wait what? des passt nit zamm. des is so wie a landwirt dafür einsetzt, doss man mehr regionales fleisch isst und donn kamot amal de woche wohin fliagt und sei steak aus argentinien importieren losst. wissts wos i man?
noch so a ding: influencer*innen posten urlaubsvideos von den malediven, sein auf yachten unterwegs und ham sena 400 euro sonnenbrille auf und schreiben als caption „es sein de klanen dinge!“ MAUSI DES SAN KANE KLANEN DINGE MEHR! natürlich is guat, doss se des schätzen und dankbar sein, oba i schätz do donn doch eher de wirklich klanen sochen: zB wenn da stuhlgang von da zola mol ka frogwürdige foab hot? (SORRY FIA DES BEISPIEL HAHAHA) i gfrei mi, wenn i zwa euro auf da stroßn find oda wenn ma der kerl, der in mein kopf is, auf amal a in meine dms is? i was online, schaug achtsamkeit immer schick und groß aus, oba es is anfoch a unaufgeregt und klan.
achtsamkeit/dankbarkeit/des ganze programm sein ka trend, der in a poa monat irrelevant is. da sinn dahinter is es jo, doss a stärkeres und langfristigeres bewusstsein geschaffen werd. doss man klane erfolge, klane glücksmomente, klane überraschungen schätzt und bewusster im hier und jetzt lebt. und des kannst nit irgendwie oberflächlich behandeln, des is a einstellung oda eben a nit.
es is gonz vü oabeit, de a nit imma anfoch is. es is ka easy cheesy weg, doss du di glei selber lebst und achtsam durch de welt hupfest. es is nit anfoch zu erkennen, wer oda wos da guat tuat. es is nit anfoch leit aus dein leben zu cutten und es is anfoch nit imma fancy, wunden heilen zu lossen.
natürlich des ergebnis: a strahlender sonnenschein zu sein und zu wirken, als tat da de welt ghern. des is fancy 😛 oba de einstellung musst da holt hoat aoabeiten, du konnst nit so tuan ALS OB.
achtsamkeit is ka trend auf dessen zug grod olle aufspringen. selbstliebe is nit lei a hashtag auf insta, der guat drauf onkimmt. des is olles in dein herzln und deiner seele drinn. des gibt da energie und du werst donn a merken doss likes und anerkennung online goa ka rolle spielen im gegensotz zur erfüllung in dir drinn :))
irgendwie hon i ongst, ihr wissts nit wos i sogn will oba irgendwie wissts ihr des e oda?