supporter #1
herzltexte braucht de welt. deshalb. enjoy.
der text kugelt schon ewig ba mir uma. konn fia de beste freindin sein, den bestn kumpl, da großn liebe, an gspusi, an elternteil..
eines tages warst du nimma da für mi.
du warst nerma supporter nummer ans.
lochn hob i von dir a nerma greg, kans.
jede guate idee meinerseits wurde mit ana
„bessan“ von dir ausgstochn.
aus dein jubelnden MACH und Probia, i steh immer hinter dir
is a „aha ok, tuast holt“ woan.
i hätt ma am liabstn zuagholtn de ohrn.
i woa so trittsicher im leben, weil du host ma de sicherheit geben.
egal wos i probia, du hättest mi gholtn.
heit tat i so auf de fressn folln.
weil dei hond nerma ausgstreckt is, sundan beschäftigt is.
mit tippen am handy, mit nervösem daumen drahn,
oh gott, warum losst du mi lei so alan?
noch jedem klanen highlight in mein lebn,
davon hots fria, oba heit imma no, so vüüüü gebn
hob i sufuat es handy gnommen und a numma gwählt,
de numma, de i ma merk, fias gonze lebn.
und heit? wähl i se no imma,
vadammt, so tat i es lei mochn no schlimma.
i sitz vorm screen mit dein nomen, ohne herzl.
wast wos des fa fuckin stich is?
IN MEIN ONGSCHODDATN HERZLN.
du woast mei bestie, fia olles do
und valoan hob i di genau an dem gleichn ort,
wo i di a gfundn hob, des woa so eher de rettende oat.
i schreib da oba imma no olle meine highlights auf,
in a buach, des kolt i ma auf.
ob du es lesn werst? i glab kaum.
doch es reicht ma der gedonkn, doss i es da potentiell sogn hätt kennen,
tat so gern de zeit zruckdrahn und auf da stell zu dir rennen.
es schlimme is jo nit, doss du weg bist.
sundan doss es a ohne di geht.
highlights reißn nit ob, mei lebn is wundaschen,
doch du woast schon anige joa in mein lebn.
lei, wa es schena, wenns di no gebn tat.
imma no di onruafn, des wa sat.
wos hot di vaanlasst, nerma mei supporter #1 zu sein?
sog jetzt nit, des woa i alan.
weil i erkenn mi im spiagl imma no, wos is mit dir?
oda klopft karma doch on da tia?
du host sochn zum schluss zuabe gsog,
de gschrian hom noch „du wast, doss i mi lei selba nit mog!“
i hob ma eingredet, es is lei nit so dei tog.
es woa nit dei fuckin joa oda dei fuckin lebn onscheinend.
i vamiss di. und tat da wünschn, doss du ham kimst.
damit man i nit mi. damit man i di selba.
lern amol, wos dei eigenes daham is. spoiler: des bist du.
lern, heil und vaoabeit olles in ruh‘
und du wast wo i wohn, du kennst mei numma.
du konnst um jede uhrzeit vorbei kummen.
i woat auf di, mit hoffnung und freid.
und an buach voller highlights.