Zeit heilt NIT olle wundn
meine süßen, i hoff es geht eich guat. derzeit beschäftig i mi imma mehr mit dem heilen der seele und i will wieda mal de zeit nutzn, etwas, was schon fest in da gesellschaft verankert is, zu lockern. es geht um den mehr oda weniger dämlichen spruch: Zeit heilt olle wundn. spoiler: is nit so.
bevor ma starten: liebeskummer kennts hom wegen JEDEM Menschen. gspusi, partner, best friends, onlinebekanntschaft.. i probia do olles zusammenzufassen. dei seele konn verletzt sein, weil du verlassen woan bist, weil a geliebter mensch vastorben is, weil sich a mensch von dir entfernt hat, du enttäuscht woan bist.. es gibt so viele gründe. bitte schliasts wie immer nit anfoch lei auf mei situation, mei persönliche situation is privat :)) doss zeit nit olle wundn heilt hob i 2017 glernt.
fong ma mit an herzlkacketext on:
ihr herzl is voller noabn, sie traut sichs kan sogn.
wie long werd se de wohl im geheimen trogn?
über de noabn foat se vorsichtig,
jede fühlt sich on.. irgendwie so richtig?
doss zeit olle wundn heilt, wa zwoa geil.
is oba nit de woaheit, weil..
du des selba tuan muast.
des tränen meer in da nocht,
de berlina luft, de de kehle oberinnt wie a boch,
de 10.000 gschriebenen briaf,
des olls is da seele liab.
und recht und holt a echt.
es braucht donkboakeit, fia de zommghobte zeit.
es braucht verständnis, doss es so kemen hot miasn.
am ende gehts wieda lei um uns alan, ihr siasn.
wer vertraut, riskiat.
wer nie vatraut, valiat.
noaben sein zeichn,
doss man sich getraut hot.
geliebt hot.
und doss nit de zeit de wundn gheilt hot,
sundan man selba.
nit de zeit heilt olle wundn, sunst hätt schmerz holt wirklich a oblaufdatum. donn tat ma uns olle fia 3 monat ins bett setzn und geheilta ausahupfn und WUHU. du selbst muast dei wundn heilen, na du deafst se selba heiln. sigs als selbstakzeptanz-reise. wenn du nit oabeit in de heilung steckst, reißt de wundn wohl oft gnuag wieda auf. und wir wissn olle von da oma: noabn tuan oft weh, wenn se schon joarelong gheilt sein. (#wetterfühligkeit)
über des heilen von sich selba kemma gern mol mehr redn, oba dazua brauchst du anfoch viel energie, kraft & dankbarkeit. es werd toge geben, do gehts da guat. donn host wieda a tief. donn sigst du ihre lieblingssüßigkeiten im gschäft, kafst se aus routine und sitzt donn blerentiga in da kuchl. donn werst amol de person segn und glabn „cool, i schoff des!“ und noch der begegnung merkst, du schoffst es no nit. du werst hinta denken mit freid, mit trauer, mit nostalgie, mit hass, mit enttäuschung. es kemen tausend frogn auf, kane ontwoatn kemen hinta. de richtige ontwoat is am ende oba imma: „heite passt es so, wie es kemen is. es hot schon an sinn ghobt. irgendwie“
und bitte diese zeit: zeit is so a großes woat. bei schmerz und trauer kims nit auf de dauer drauf on sundan auf de intensität. oft glabt man: i kenn de oat von schmerz, in drei monat steh i drüber und in drei monat stehst no imma am onfong. warum? weil du jede oat von schmerz nei begegnen muast. du konnst kane gefühle obedruckn, klan redn oda mit an mix aus drogen& alk betäuben. es gibt menschen, de gehen aus ana 5 jährigen beziehung ausa und hom damit oba schon de letzten monate so abgeschlossen, doss de innerhalb von 6 monaten wieder im reinen mit sich sein. bei manchen kann sein, doss de noch 3 dates und ohne sex, der person a noch nach an joa am liabstn nochlafn tatn. des is so individuell und man darf kan sogn „ob heite trauerst du nerma!“ des geht nit.
a guats beispiel: wenn dei auto am eingehen is, konnst du des zwoa kan sogn, oba es werd derwegn mol wo am stroßnrond stehn und zum obschleppn sein. also brauchst a kan sogn, doss olles ok fia di is und dir selba einredn, doss es olles ok is. i wü damit nit sogn, doss du dein schmerz öffentlich mit jedn teiln muast, oba wenigstens mit dir selba.
i kenn kan mensch, der, wenn er a person/beziehung/situation veroabeiten muas, heilt, wenn de person sich glei wen neien suacht oda gspusis hamzaht. de menschen haben anfoch wochen/monate/joare später immer no an knacks ghabt. und de wundn imma wieda aufgrissn.
und jetzt schneid i no schnell a thema an, über des ma bald reden:
wer seine wundn nit heilt und sich selber zeit gibt, wird in ana 1:1 gleichen situation wieder londn. und de wundn geht wieda auf und man glabt „OLLE MÄNNER/FRAUEN/MENSCHEN SEIN GLEICH“. na sind sie nit, oba wenn du oaschlöcher anziehen willst, tua es. oda wenn du davon ausgehst, betrogen zu werden und es herausforderst: naja, hast du es dann nit wirklich manifestiat? über des red ma vasprochn in den kommenden wochen!!!
wissts wo de heilung sitzt? daham im bett neben eich ALAN. oda sie lahnt bam bodewonnenrond, wenn du drinnen am liabstn vasinken würdest. wenn do so a tetschn oda a koffa neben eich liegt, eich streichelt, wo eich sunst wer ondas berührt hot: is des ka heiln, damit vaschiabs ihr lei de klane große kollision eirer gefühle. es is anfoch so. ihr kennts kan dauerrausch haben, der tag danach fickt mehr als ols ondre.
de heilung sitzt neben eich alan im bett oda am bodewonnenrond, wenn ihr drinnen gern vasinken tatets.
behandelts innere wunden so wie äußere: mit geduld und viel pflege. und seids a fia de narbe danach dankbar, denn jede hot a eigene gschicht. jede narbe am herzln trogt an nomen, viele hom vielleicht sogoa a gedicht? vermissn is ok, vermissn is guat und schen. verdrängen is schlecht. daknbarkeit zu hobn, doss man de person kennen hot lernen DIAFN und zeit mit ihr ghobt hot, des hilft weita. zu akzeptian, doss de person nerma da sein kann/will, is a a erkenntnis, de es braucht. 1000 zeichen und i hob imma no vü zum sogn. sorry für den wirrwarr. oba vielleicht hobs a poa inputs fia mi? und vielleicht sogs ihr nie mehr zu wem: zeit heilt olle wundn.
am sonntag gibs wos über paarkomunikation, damit es fia monche eventuell glei goa nit zu trennungen kimmt hihi :))