JEDE Beziehung is oabeit

JEDE Beziehung is oabeit

12. Dezember 2021 0 Von Laxobu

hi friends, heit amol a thema, des ma glott aufn geist geht, weil es onscheinend niemand woah hobn will, es oba anfoch so is: JEDE oat von beziehung is oabeit und wer de oabeit nit tuan will, greg de beziehung a nit. punkt ende.

na ok, bevua ma aufhern zum redn, fong i amal an: selbstliebe is oabeit. de beziehung zu sich selba. de beziehung, de romantisch zwischn dir und deina person is, de is oabeit, de is scheiß vü oabeit. vor ollem wenn ana von de zwa nit de oabeit fia sich selba ongehn will, schofft es a kaum, on da beziehung zwischenen senen zu oabeitn. a freindschoftn sein oabeit, a wenns oft nit so wirkt. JO in da schul, wo man sich täglich ohne anstrengung sig, is a freindschoft leicht. lei werds amal erwachsn, habs andre verpflichtungen und vastehts amol, doss a a freindschoft mehr braucht wie verschiedenen männergschmack oba den selben taste in alkohol!!! es is olles nit so anfoch und i vasteh nit, warum man sowos anfoch ignoriert. und warum es kan wert is dronn zu oabeitn?

oft sprich i mit freindinnen über deren und meinen beziehungen (romantisch und freindschoftlich und familiär) und oft is echt anfoch lei es problem: de person do gegenüber WILL anfoch nit redn. de holtet es nit fia nötig, über SICH zu sprechn. doss es im bett nit laft, weil man sich den gonzn tog davua nua obfuckt. doss man, wenn man mol nerma de schmetterlinge vom beginn hot, nit glei aufgeben muas. doss man sein partner irgendwie doch OLLES sogn konn und es a oft a wertfreie zone braucht. dei beste freindin deaf nit jeds mol spinnen, wenn du auf a date gehst. warum is dei cousin imma neidig und kennt sowos wie freid nit? olles dinge de man kommunizian kann. (wenns BADE wolln)

JEDE Beziehung muss auf Veränderungen von innen und außen reagieren & damit umgehen. Die Welt ist kompliziert, menschn spieln in de koatn & oft glab man man verzweifelt oda doss man des mitn partner nit schofft. oba es geht. jede gemeinsame krise is a im endeffekt a lehre & bringt an mehr zommen. oda man sig: ok na der partner is nit der mensch, den i onruafn wü, wenns ma nit guat geht. DONN HOT MAN A WOS GLERNT. es is soooo a großes thema und i schneids e lei a bisi on, oba ongredet kerts. i wollts unbedingt wieda mol onredn weil i lei von olle seitn mitgreg: beziehungen zabrechn sinnlos, weil leit anfoch nit checkn, doss se wos tuan und sogn solltn. und nit lei liebesbeziehungen a sundan richtig guate freindschoftn. des tuat schiach. zum onschaugn, wie fühlt sich des donn wohl on?

ihr miasts fia eichre beziehungen wos tuan. und wenn des nit wissts wos: donn frogs, wos eicha gegenüber gern hot. oda frogs ondre leit oda mochts eben an kurs:

*ab hier bau i jetzt kostenlose werbung ein. i greg a provision, wenn jemand von eich an kurs kaft. olles wos werbung is is kursiv gschrieben. :)) 

bei romantischen beziehungen folln ma prinzipiell zwa sochn auf: leit geben zu schnell auf und leit kümmern sich oft zspot um de beziehung. freind du muast nit kämpfen, wenn se weg is- hättest se lei schon fria frogn miasn wos los is. 

i hab selba den kurs „warum sin beziehungen so schwer? in 21 schritten zu mehr liebe“ ausprobiert. & imma wieda hob i ma gedocht: HA GENAU SO DES MUSS I MOL WO ONBRINGEN! innerhalb von 21 tog werd man sich kloa: WOS WILL I IN ANA BEZIEHUNG: WER BIN I IN ANA BEZIEHUNG UND WIE GREG I DO MEHR LIEBE EINE. natürlich wern anige merken: oh fuccccck de beziehung, de i führ, wer i so nit weiterführen. weil lei weil du liebe einesteckst und de ondre de nimmt, hilft des nit viel. bade miasn es wollen. i tat sogn da kurs hilft da, um mehr liebe zu findn, mehr zu dir zu findn und du werst eben bisi gleitet im thema: will i de jetzige beziehung überhaupt? in da zweiten woche zum beispiel (jedn tog a lektion sein drei wochn kurs) lernst du aus deine schwächen stärken zu machen. es is schon a bisi a selbstliebe-kurs, oba du konnst des auf dei beziehung easy ummünzen. generell find i: wer on sich selba oabeitet, oabeitet automatisch on seina (zukünftigen) beziehung. gonz ehrlich, des geld is supa investiert, wenn man sich mal selber konzentrian will auf LIEBE. 

mit MODERNLOVERLAXOBU gibs a prozente 🙂
und es gibt no soooo vü mehr kurse, de wirklich TOP sein. wie wärs a damit als geschenk für an lieblingsmenschen? gonz hase tipps sein meinerseits : über toxische beziehungen a kurs.

und für singles a kurs, doss man lernt, doss man nit zu hohe ansprüche hot& es okay is, alan zu sein.  

es gibt a kurse für paarlen, liebeskummer.. pipapo. tat mi gfrein, wenn des bisi eineschaugs und der ane oda de ondre a wos findet & es eich persönlich weitabringt 🙂 

danke fias lesn dosein und pipapo. auf insta findets a gewinnspiel :))
Bussisi