irgendwer checkts
momentan fühlen sich anige alan, missverstanden und haben wieda mal es gefühl, lei sie fühlen so wie se eben fühlen. oba soll i eich wos varrotn? ihr sads nit alan. nie.
eventuell kennts ihr es schon goa nerma hern, wenn i mei sterndl gschicht dazel. oba amol konn i se noch dazeln: wenn des heit am abend in himml schaugs und an stern segs, sig i den a. und de person x und y und z a. wir olle sein untam gleichen himml und auf dasselben erde. ma klingt des nit irgendwie magisch? beim tippen der zeilen muas i schon a bisi grinsn. weil es sich sufuat a bisi leichta onfühlt.
es gibt imma irgendwen, der eich vasteht. ihr hobs bauchweh, wenn es exgspusi a foto mit an ondan menschn postet? glabs ihr echt, des bauchweh is einzigartig und lei ihr hobs des? wir olle hom schon amol de zwickn ghobt, des man nit so leicht weggreg. wie man es weggreg? nit so leicht zum beantworten. i tat mol sogn, indem man sich denkt „es is fias beste. es is bessa so. soll de person glücklich wern, i wü jo a glücklich wern.“ und vermutlich holt anfoch nit mit der person.
es gibt wen, der dei ongst versteht, schon wieda verletzt zu wern, so wie in früheren beziehungen oda in deina kindheit. irgendwer werd donn kemen und di nit pushen wolln, zwingen wolln, hetzn wolln. weil de person des gefühl kennt. de aufgscheichte ongst, doss glei wer kimt und dir dei glick wegnimmt. anfoch frech fladdat, stibitzt.
es checkt schon wer, warum du bei dingen, über de du ungern redest, hysterisch lochst oda wenn du krampfhaft versuachst dei lächeln zu bewahren, innerlich zabrichst. du wirst leit kennen lernen, bei denen du du sein deafst und a deine gefühle zagn konnst. diese überspielen wird ka dauerzustand sein, wennst zwischn de richtigen leit bist.
es werd wen geben, der nit tonzn konn, oba mit dir tonzt. weil du des so sehr willst. ondre leit hom gsog, se tonzn mit dir nit, oba es werden schon menschn in dei lebn hupfn, de mit dir es tanzbein schwingen und wuascht ob des ausschaug wie a umahupfn a la gummiball.
irgendwer wert schon kemen und di so glücklich mochn, wie du momentan eventuell alan und entteischt bist. und du wirst so fuckin happy sein, doss dei dauergrinsn zu muskelzuckn in den wangen führt. du werst mit an lächln einschlofn und goa nerma wissn, wie sich diese grausliche einsamkeit onfühlt.
du deafst lei echt nie vagessn: du bist nit alan. 💞
fühlts eich olle a bisi fest gedruckt.