menschn mit passion
wissts wos i on menschn mog? wenn se passioniert sein. wenn se wos hom, wofia sena herzl brennt & se sich selba dafia feiern.
oba zeast mol bisi personal stuff weil des jo immerhin mei blog is hihi:
mir als olte klane lesemaus is sooft vorgworfen woan, i bin fad, a nerd& uncool, weil i so vü glesn hab. damals woas ma peinlich, heit wa s ma peinlich wenn i nit lesn tat. & hjo, de passion hot mi a zu mein job gebracht.
schreibn woa schon imma mei ding: eventuell hob i domols a imma de 100, später 1000 frei sms auseghaut wie a weltmasta? (schaugs mutti& vati, des woa fia wos guat de hohe handyrechnung 😂) oba wie long hon i nit vastondn DOSS A SCHREIBN A TALENT SEIN KONN? de unzähligen liebesbriaf (boys, de i megn hab, ham schon a glick ghobt LOL) & all meine tagebucheinträge& a meine mehr oda weniger weltgeilen kommentare in da schul? i hon 20 wern miasn& do hon i erst vastondn, wos fa gabe des is. & donn hon i es geteilt. online. & hjo i vadian mei geld als redakteurin also wos wü i mehr? ajo… als selbstständige bloggerin nebenbei oabeitn? ajo.. tua i jo a schon 🙃😂 fallt no mei buach (ruuuuhig kids, bin dabei). & donn hon i aus meina passion (fost) olls ausaghaut, wos möglich is. (obwohl es is luft no obn, do hupf i mit meine 1,61 oba a no aufe und i bin on an geheimen projekt dabei des sooooo geil is!!!)
auf olle fälle: i lieb mi fia de passion. und i lieb jedn menschn, der a so a passion hot. sei es singen, ski foan, landwirt*in sein, schauspielerei, kunst in jeglicher form, sei eigenes business oda studium, familie oder WOS A IMMA. oba es gibt anfoch nix SCHENARES wia passionierte menschn, de fost vualauta glick platzn. weil se des tuan, wos se liebn. & wir solltn sowos vü mehr feiern& schätzen. nix gschamig sein, weil man a passion hot. bloggen is cool, start dein youtube kanal, nimm am casting teil, behalt des geheimnis fia di oda brüll es ause. gonz egal- wos sich fia di richtig onfühlt.
und vagiss nit: a wenn di kana feiert, wenn du di feierst, reicht des komplett.
sunst schreib mir, i feier di awohl a!!✨🥳🥳🥳🥳
mei aufruf on eich: sogs eichan lieblingsmenschen um eich uma, wie cool ihr findets, wenn se fia wos brennen (aussa fian popo von senan doofen ex, olls mias ma nit supporten) 😘