woher i mei selbstbewusstsein nimm
gestern hot mi wieda amol a echt guate frog erreicht: „wie hast du di so selber gefunden? Wie bist du so überzeugt von dir wuadn und wie hast du di selbst lieben gelernt?“
i kennt gonz flott, oba a depat ontwortn und sogn: jeda vollidiot, der suprising nit mei große liebe woa, sundan lei a lehre, hot mi zu der gmocht wos i bin. hahaha. (darüber kimt mol a blogpost). oba es is holt echt so: jeder heartbreak werd da später a neie stärke bringen. des hast jetzt oba nit, doss ihr eich eire herzln brechn lossn miasts. sundan, doss ihr eich mehr mit eich beschäftigs und vor allem nach solch schmerzlichen situationen wie freundschaftsenden, trennungen oda what ever verstärkt auf eich schaugs. wer bin i? wos will i sein?
auf alle fälle hab i nach ana schlimmen trennung, an aufregenden jahr voller ausgehen und SINGLE LIFE BESTES LIFE beschlossen:
i wer mi selber nie mehr so valian wie i grod valoan bin.
dos woa im joa 2018, des buach „The secret“ is ma in de oame gfolln und i bin nach frankreich gangen und hab diesen blog gstartet. der rest ist history (und beim 3 jährigen blog-geburtstag wer i wohl mehr drüber schreiben).
oba es is no so vü mehr als liebeskummer. wos mi noch zu dem heitigen ICH gebracht hat: mei schulzeit, de geprägt von neid, vergleichen und dem ständigen gefühl, nit dazuazukern. i wollt immer teil ana mädelsclique sein mit so 5-8 girls, de OLLES zomm tuan wie uraub foan, feiern gehn und olles. heit bin i froh, doss i ma so wos stressiges nie ontuan hob miasn, weil solche cliquen von außen mega cool ausschaugn oba innen drinnen is es oft sehr giftig und toxisch und de vergleiche sein no ärger.
mei lehre, de ma de oabeitswelt gezagt hot, doss man wirklich 40 stunden eingehacklt und beschissene bezahlung hat und TROTZDEM mit passion dabei is. sorry an alle studierenden, oba wenn man mal arbeitet, egal ob 20 stund, im sommer oda wonn a immer: de erfahrungen de man sammelt sein einmalig. in meinen augen hob i de a gebraucht. de ganzen bledn nervigen situationen in da gastro, des unbezahlte einesteigern in gewissen projekten, de schwierigen kund*innen, de man oba dann doch irgendwie braucht. und OMG selbst geld vadienen is so a game-changer. wenn du mol merkst, wos deine eltern so monatlich blechn miasn. doss du auf amal a denkst „olta warum schiasn de steiergelder fia den kack in de luft?“ weil du holt teil dieser gruppe bist, de des zahlt. und hjo: i mecht ka arbeitssituation vermissen, obwohl i oft unter tränen aufgeben wollt.
mei familie natürlich, de ma so vü guate werte mitgeben hom und mi vor ollem ans immer hom: Aufgfongen. i hon tuan kennen wos i will und mi ausprobian diafn und wenn wos nit gongen is, jo mei is es holt nit gongen: mei daham hon i jo fia imma.
durch meine verschiedenen arbeitsplätze, auslandszeit und verschiedene andre situationen (wie berufsschul oda fuatgehn mit ana bekannten person und man lernt 80 neue peeps kennen) hab i so viele tolle und weniger tolle charaktere kennenlernen diafn. Erinnerts eich noch an den typen vom flixbus? so ane gschichten hom ma anfoch imma irgendwas gelernt und i bin SO FROH SO VÜ LEIT KENNEN ZU LERNEN. obwohl de abschiede sehr schwa oft woan (st. pölten und strassbourg!!!!) und je mehr seelen du begegnest, desto offener wirst du fia de welt. i hab verschiedenste ansichtspunkte glernt, oft mit situationen zum tuan kob, mit denen i sunst nie wos onfongen hätt kennen und hjo: i hab de begegnungen immer gnutzt um der person zuazuhern und selber wos mitzunehmen.
und eventuell durch all de begegnungen was i mehr wos i will und wos eben nit. durch fehler anderer merk i, wos i selber tuan will und wos i gern ausloss. a des woa ane der intentionen, warum i den blog begonnen hab: meine erfahrungen und a de erfahrungen anderer zu teilen, damit ihr nit olles durchstehn miasts, oba wissts, wie es so is. und deshalb bitt i eich ai imma wieda, nit zu glabn, de story is de meine. oft schreib i dinge von leser*innen nieder, weil i ma denk: de person hat was durchgmacht und wir alle kennen davon lernen. weil wir olle zamm a team sein.
und i glab des wichtigste learning, wos mi zu der frau mocht, de i heit bin hon i von mein vati: der hot nämlich imma gsog man soll niemanden vertraun. fia mi woa des erst so a hoata sotz, weil du muast irgendwen vatraun. oba dabei hot er des so gmant, du sollst niemanden vertraun, bis du dir selber zu 130 prozent vartraust. weil wenn du auf di selba so baust und genau jeden schritt von dir selber supportest, vatraust du automatisch lei mehr menschen, denen du a wirklich vatraun konnst. und wenn du durchs leben gehst und drauf baust, doss du und es universum a perfektes team seids: donn holtet di holt echt nix mehr.
kurze info: oft verstehen wir nit glei, wos uns unsre eltern sogn/mitgeben wollen. liebe eltern, gebs eichren kindern de zeit, irgendwonn wern se eich vastehn, hobs bitte geduld. und liebe kinder, irgendwonn werds hintadenkn und wissn, wos se gmant ham. ❤️
so a klana auszug, wie i irgendwie zu dem selbstbewussten wutzl woan bin, der i heit bin.