Montag Motivation
welchen sotz man so selten hert, sooft wie tomaten iss, also so guat wie nie: „WUHU ENDLICH MONTAG!“heit is es a bisi unfair, doss i übern montog schreib, weil i frei hab, auf mein lesestuhl huck und glei coffee trinken geh. OBA i mog montoge trotzdem und tat eich de liebe a gern a bisi obgebn. hab lang auf insta so montag motivationen gschrieben (wos i a wieda einführn kennt, wenn i so nochdenk) und heit gibs a montag motivation am blog.
Montag, i lieb di und de restlichen toge a
ihr kennts bestimmt den 0815 spruch, wo irgendwie oben steht „stop waiting for the weekend, stop waiting for..“ und olta des sollte man sich ausdruckn!!!!!!!
es leben laft nit von freitag bis sonntag ab, nur weil du do ka alltagsroutine host, nit fria aufstehen musst oda di jeda komisch anschaug, wenn da schon um 10ne an sekt aufreist. du kannst a im winter mega geiles leben haben (ohne skifoan meinerseits) und deshalb kannst du a glei mit der einstellung einesteign: montoge sein so schen, wie a freitag oda sunntog. oba warum solltest des tuan?
weil s dir damit sia glei vü bessa gehn wird. weil dei aufgedruckta grant, weil montag MUSS man schlecht gelautn sein, di sicher langfristig nit happy machen wird. wer am montag aufsteht mit den gedanken „cool a neiche wochn, i biag mei oabeitszeit obe und kann dann des und des und des erleben.“ und ja jetzt kurz zum thema arbeiten.
work, work, work
i hab schon oft gsag, dass man seinen job nit LIEBEN muss. oft sein jobs a da, damit man anfoch geld vadient und abgesichert is. nit jeda muas selbstständig sein oda sein big work life leben. wer des will, do it, oba erzählts uns angestellten nit, wie vü geiler eicha leben is. de svs mocht eich es leben sia nit imma schena 😉 auf alle fälle: es is ok, wenn du sogst, i arbeit weil i es muas, nit weil i den job lieb. wenn du 40 stund de wochn oabeitest, also vielleicht 8e am tag, hast du immer no 16 weitere stunden FIA di. und da kannst neben haushalt alles machen, was du willst und genau um des geht es. wenn du an punkt am tag hast, den du nit so magst: mach da den restlichen tag schena. i gib eich beispiele:
wir schaugn oft in da früh vor der arbeit anfoch a folge auf netflix, weil ma am abend zmiad woan. natürlich sollte des nit zur gewohnheit wern, oba manchmal darf des ruhig sein. donn konn man sich bis am abend gfrein, wie es weiter geht!
i lies gern in da früh, weil i da a limit hab und nit wie abends bis 3 in da fria weiterlies hahaha. und dann hab i so a halbe stund fia mi und mei buach und geh mi leichtn herzl in de oabeit.
an alle da nerma daham wohnen: anfoch nach da arbeit geiles food kafn gehn und wos geiles zaubern (lassen). es is jo so geil, wenn du anfoch amol ane kekse kafn konnst und a limo. es sein echt klane sochn, oba wenn du den ganzen mittwoch an schoko denkst, hol se da!!
sogoa den haushalt kann man recht positiv gestalten: podcast oda musik in de ohren. oda sonst a a serie schaugn beim bügeln oda wos a immer.
MAN DARF LEUTE A UNTA DA WOCHN TREFFN WIR SEIN KANE 5 MEHR!!!! klar, wenn bade bis 16 uhr arbeiten, kann man erst danach wos machen, aber MAN KANN DA WAS MACHEN. i hab aufgehört alle treffen aufs wochenende zu vaschieben, weil des woa komischaweise immer pappvoll. und sonst tuats amol de mittagspause a. bisi umdenken, umorganisian und man merkt: i arbeit nit 24/7 unter der woche, sondern es fühlt sich so an weil der einzige to-do-punkt auf meiner wochenliste arbeiten is. plants eich 1-2 sachen pro woche ein, de ihr gerne tuats.
vorfreude
i bin a fan von vorfreude woan. jo de larissa, de so ungeduldig immer is ahahhaha. deshalb schreib i jeden sonntag in mei biachl a liste mit dingen, auf de i mi frei in der woche. und beginn bewusst NIT mit dem wochenende, weil do gibs immer anige coole sachen. aber i liebs, wenn i sig, was i alles unter der woche machen kann.
wos i damit sogn will:
Dei montog is genauso wertvoll wie dei freitag oda sonntag. weil du lebst holt irgendwie nit fia imma und donn am ende zu merken „fuck drei von sieben tag hab i genossen, der rest woa so a trott“ is sia nit geil. deshalb: leb glei. nit später.