24 joa Larissa

it’s my birthdaaaaaay b*itches 🤗 und da hab i mi de letzten tage mal dazuagsetzt und mi gfrogt: Wos hon i eig bis heite so glernt? i woa erstaunt, doss i ohne zu überlegen den stift angsetzt hab und nach 24 punkten aufghert hab. des hast wohl, i hab aniges glernt und bin mir dessen a bewusst. taug ma irgendwie

1. Gedonkn sein nit de Woaheit.

hob i long nit verstehen WOLLEN, oba lei weil i mir wos DENK, is des nit wirklich tatsache. beispiel: du sitzt daham und glabst er schmust grod mit ana ondan. dabei sitzt er bei freinde. du spiast dennoch eifersucht. warum??? fia wos überhaupt energie verschwenden, wenn es nit so is. und a dieses „i bin nit guat genug“ sich einzureden, WAS NIT DE WAHRHEIT IS, macht dei leben bestimmt nit leichta. thank god, was i endlich, doss meine gedanken kemen diafn, i se oba a gern los loss wenn i merk: de se

2. Oft wissens menschn nit bessa.

ah so a richtig richtig richtig wichtige lektion, de i lernen hab miasn: oft wissens menschn nit bessa. sena welt is nit gleich groß wie de deine. jemand, der noch nie im ausland für längere zeit woa, sig sochn ondas. jemand, der jung vü verantwortung übernehmen hat miasn, hot an ondan stondpunkt wie jemand, der gefühlt für imma jung is. es is gefährlich, schnell zu urteilen: wir ham a alle nit denselben wissens- und bildungsstand. und auch wie man aufgewachsen is, spielt a große rolle. deshalb: hab oft verständnis, wenn jemand ganz falsch über etwas normales denkt, ängste hat oder sich schlichtweg nit auskennt.

3. dei gewicht sog NIX über di aus.

unser gesellschaft hot uns do schon a bisi vahaut, oba i wer nit miad es zu sogn: a gsunda körper muas nit zwingend dünn sein. i kenn schlanke frauen, de rauchen, trinken, joint-ziagn als hochleistungssport betreiben und glabn, de 3 stund auf da tanzfläche sein bewegung genug. sein de frauen gsund? NA?! und a frau mit paar kilos mehr, de beim arzt regelmäßig ihre werte checken losst, viel sportlt, spazian geht und auf ihrn körper achtet: warum is de glei ungsund? ääääääääh. check i nit. gewicht sog nit imma wos über den gesundheitszustand aus. und generell, nur weil da popo praller oder weniger prall is: mocht des mi nit attraktiver. und wer jetzt sog „doch.“ – oba von da äußerlichkeiten-schiene. wen beeindrucken noch thigh gaps oder insta fotos, de bearbeitet sein und wo man den bauch einziag und de tittn ausastreckt?! wenn eich des beeindruckt: WOW. weil wos mi umhaut: humor, selbstliebe, ergeiz und charme 😉

4. freinde wern di nie schlecht machn.

langsam merk i doss mei freindeskreis SO SCHMOL woan is über de letzten joare, oba des is a guat so. weil i schon long nerma wen in mein leben ghob hob, der laut über mi lachen hat miasn „weil i jo so dumm bin“ oda drei mal erwähnen muas „doss es kleidl zu nötig ausschaut“ oda sonst wos. i hab zu beginn noch freindschaften geführt mit menschen, de mein blog als nett gsegn ham. jetzt nachdem i des als nebenberufliches gewerbe angmeldet hab, weil i über die zuverdienstgrenze drübergschnallt bin: jo es is nett, wenn man aus sein hobby a zweites standbein machen darf und wirklich mit voller begeisterung dahinter steht! menschen, de di schlecht oda klan mochen, brauchst du nit!!

5. monche freindschoftn sein nit fias leben gmocht.

schleichend mit den schulwechseln sein de ersten freundschafts-enden kemen. doch a im erwachsenenalter kimt man imma wieda drauf: de freindschoft is jetzt aus. weil man anfoch nerma de gemeinsamen anhaltspunkte hat, ana weiterwochst und da ondre mol stecken bleibt oder man sich anfoch nerma guat tuat. und des is ok so. i bin so dankbar für de menschen in mein leben, oba a fia de, de nerma a teil davon sein.

6. du& dei meinung diafn sich ruhig ändern.

i woa mol so a freche pippn und donn woa i a zeit long a so a richtige männer-hasserin. de mit herzln gspielt hat und gerne falsche nummern geben hat. tat i des heit no tuan? olta no way. i war a immer sehr bissig zu andren fraun, bis i gmerkt hab, de sein nit mei konkurrenz. und des woa jetzt lang so. jetzt bin a schon so weit, doss i mi oft sogn getrau, wenn ma a frau bled daher kimmt: de is nit mei konkurrenz, de kann ma nit amal es wasser reichen. i bin ma so sicher, dass es ka bessere partnerin als mi gibt. dass es ka bessere gute freundin als mi gibt. dass es ka bessere große schwester als mi gibt. is des arrogant? na selbstbewusst und ehrlich. und man darf sich eben ändern, gern mutiger werden und oft a sachen, de man mal gedacht/gmacht hat, nerma so empfinden. deshalb der satz „bleib so wie du bist“ is unnötig, „wer so wie du sein willst“ is besser.

7. wenn es in 5 minuten nit zu ändan is, sogs nit laut.

des hab i eigentlich schon ewig gelernt, manche menschen bis heit nit. wenn mei freindin lippenstift auf den zähnen hat, sog i des. des konn se schnell wegtuan. oba wenn jemand a entzündetes piercing hat, wer i nit sogn „he dei piercing is entzunden“ JO WOW OLTA I WAS WOS BRINGT MA DE INFO? oda wenn a nagel abgebrochen is, braucht man des nit erwähnen: soll de person SOFORT loslafn und zu ihrer nageltante gehn? thema gewicht sollte man sowieso nit onredn oba: du brauchst kan sogn, doss du findest er is zu dick oda zu dünn, weil: wer bist du?????

8. frog di öfters: Spielt des in 5 Joa a rolle?

als waage is mei entscheidungsfreudigkeit a bisi.. zach. aber a große hilfe is immer de frog, ob es in 5 joa noch wichtig is. wenn i ma den kopf zerbrich über wos und donn überleg: werd de entscheidung in 5 joa noch a rolle spielen oda was i davon nix mehr? und wenn ihr eich grod frogs, ob ihr wen de gefühle gestehen sollts: JO. imma JO.

9. moch da kane sorgen über probleme, de lei in dein kepfln sein.

WAS WÄRE WENN woa schon amol an blogpost wert. NIX WA GWESN, WEIL DE VERGANGENHEIT OBGSCHLOSSN IS. und generell: wenn du da im kopf ausmolst, wos du tuan würdest, wenn er jetzt di küsst, oba morgen a noch sei ex und donn eventuell doch noch mit deiner bf abhängt: wie trustworthy sein deine vermutungen? des FBI tat di wohl nit einstellen. i hab glernt: mach da erst dann gedanken um a thema, wenns angekommen und real is. nit jetzt schon beziehungskrisen im kopf durchspielen, de nie so kommen werden. weil dann beeinflusst du dei mood. lieber an schene dinge denken. dir dei zukunft ausmalen und an visionen arbeiten. glabs ma.

10. zerst di selba lieben, donn ondare.

warum gibs in da schul nit a fach des selbstliebe hast? WARUM. weil wenn i mi mit 18 so megn hätt, wie heit: tat ma de welt schon komplett kern. es wär olles anfocha gwesn. vieles a schena. und es wird sich bei niemanden anders herausstellen: wenn du di selba nit liebst, kannst du andre a nie richtig lieben. du kannst es da einreden, ja gut. aber es funktioniat nit. weil du immer noch mit dir am engsten verbunden bist. des zu unterdruckn, mochts nit bessa. selbstliebe is es a und o im leben. und gottseidank hab i mit 20 zu mir gfundn und mit 24 bin i sowos von geerdet doss i was: ka katastrophe konn mi mehr so oag aus da bahn haun, weil i mi wenigstens imma hob. und a de beziehungen zu andren menschen profitian davon.

11. sei liab: du wast nie wos dei gegenüber grod durchmocht

oft is man selbst gladn und tat gern olles ausalossn: oba bleib anfoch imma nett und freindlich. de kundin, de sich grod über an tippfehler beschwert, hot vielleicht grod wen wichtigen verloren im leben. des mädel am klo faucht di vielleicht so bled on, weil se sich selber überhaupt nit ausstehen kann. du brauchst ka mitleid mit ollen hom, oba anfoch a bisi empathie und denk da „i wünsch da person, doss es ihr bold guat geht“ fertig aus. sei imma amal zviel liab als amal zwenig. grias und wink liaba amal zoft, sog bitte und danke und verteil komplimente als warns gratis worte (seins jo a). es kummt ols hinta zu dir.

12. frog niemols ob wer schwonga is oda bold heiratet

i hab selber lang genug sowos gfrogt. dabei hab i dann mit anfang 20 gemerkt: fuck na. frog des nie mehr. weil: vielleicht steckt a unerfüllter kinderwunsch dahinter, vielleicht gab es schon 3-4 fehlgeburten, vielleicht wollen sie einfach kane kinder wos a voll verständlich is und vielleicht heiraten se nit weil de beziehung nach außen strahlt, innen zerbröckelt oder schlichtweg das geld fehlt? nit jeder kann sich fancy hochzeiten leisten (und i bin momentan auf dem standpunkt i will es a nit amal?? olta eigenheim > hochzeit).

13. nit jede beziehung muas deklariat wern

„wos laft do zwischen eich?“ frog ma jo olle gern. oba vor kurzem erst hob i gmerkt: geht kan wos on? hauptsoche man is glücklich miteinander? und egal ob es da ex, de beste freindin oder a gspusi is: wenn man sich guat tuat, bade einverstanden is, wie man miteinander umgeht: GO FOR IT. und ja man kann sich 5 monate daten, niemand anderen sehen und muss trotzdem nit sagen „wir sein a paar.“ man darf auch nach 3 jahren beziehung getrennt wohenn, wenn man das will. es darf auch a vergebene person ins ausland und de andre bleibt da. beziehungspausen sein a ok und gehen am ende a wieda kan wos on. beziehungen sein so individuell, wie es sich die menschen ausmachen. und des geht dann de 2 oder wie viele menschen a immer in der bz sein, was an. niemand anderen.

14. es universum sog nit anfoch NA

mit 19 hab i es universum kennenglernt und i was: a na gregst du nit. du wirst immer a antwort gregen, de nit negativ behaftet is. du wirst a anderes zeichen gregen, a „später“ oder „willst du das wirklich?“ vertrau dem universum.

15. ärger di nit über wos, wos de nit ändern konnst.

a typ schreib da a blede nachricht: sei kurz grantig, oba donn: loss es. du kannst nix dafia, doss er so wos schreibt. wenn dei zug verspätung hat, verschwend ka energie zum aufregen: ändern kannst es ja nit. durchatmen, du hast länger zeit zum lesen/coffee trinken. sei sparsam mit deiner energie! mit hat früher alles auf de palme gebracht, heit gibs a noch so phasen, wo i kurz richtig durchzucken kann, aber de sein sooooo vü weniger woan.

16. sei dankbarer

wer drei punkte am tag aufschreibt, für die er dankbar is, is am richtigen weg. wer sich regelmäßig bei partner, familie und friends bedankt für den support, die zeit und hilfe: der is am richtigen weg. es schodet nie, dankbar zu sein und man kann immer noch dankbarer sein. und vor allem momentan bin i so erfüllt mit dankbarkeit. des glabs ma goa nit ❤️ es leben is so vü schena, wenn man sig, wos man alles hat.

17. es muas nit jeda dei seitn von da gschicht kennen. 

i bin in vielen erzählten geschichten der buhmann. hab herzen zerbrochen, freundschaften zerstören wollen oder wos a imma. egal, welche stories ihr von mir kennts, und vor allem wenn de über 4 jahre her sein oda länger: i hab mi dezent (sarkasmus) verändert und bin nerma des mädel von damals. und nur weil ihr vom cousin des nachbars von dem sitznachbar eures exfreundes gehört habs, dass i des und des gmacht/gsag hab: ihr kennts mei seitn da gschicht nit und es is ma a egal. weil i kenn se und i was wer i heit bin und wer mi imma noch als vergangenheits-larissa sig: tuat ma lad fia di. wer erwochsn? 🙂

18. sei offn, oba bleib privat. 

da bin i noch a bisi am weg: weil i was, eich intressiat mei beziehung, mei wohnbereich und so olles. oba irgendwie über de zeit hon i gmerkt: des is nit des, wos ihr wissen miasts. liaba zag i eich meine wege, mi selber zu lieben und welche werte mir wichtig san und tausch mit eich gedanken aus. i bin offen, dazel gern aus der vergangenheit: aber aktuelle pläne, zukunftsvisionen und mei privatleben loss i offline. ❤️ (nur weil man menschen nerma in seiner stories postet, hast es nit doss es de nerma gibt. tuats do kane gerüchte streuen. bei niemanden.)

19. akzeptia dein körper endlich.

mei haut is fast durchsichtig und man sig alle adern durch. i find olivfarbende haut wunderschön. dennoch find i mi selber wunderschön und weiß, es bringt nix, mein hautton zu hassen. weil ich ihn nit ändern kann, also hab i ihn lieben gelernt. PUNKT. deine tepf, deine hüftn, deine schultern: es kert olls zu dia. sei dankbar dafia.

20. du bist nit deine gefühle.

gefühle sein a teil von uns, aber se sein nit wir. wir sein alle mal traurig. sei es ruhig. für paar tage und dann setz di auf und erinner di wie wertvoll du bist. und wenn du mal wütend bist, sei es ruhig und such da an weg, de wut loszuwerden. und bei all dem: wenn du merkst, alan geht es nit, such da professionelle hilfe. es is nit zum schamen.

21. de 3-monats-regel funktioniert

anfoch den blogpost lesn. Dei Leben schaut heut in 3 Monat anders aus. is so. immer.

22. vergleich di nit.

außer mit dir selber, wie du mal woast und wo du hinwillst. hab selber sehr lang mi von an foto von ana ondan frau triggern lassen: wie viel likes hat sie? wie dünn schaut se aus? doss de meisten filter verwendet ham, hab i nit mal gecheckt. und sorry: was bringt mir der vergleich? ausschaugen is nit olles und i kenn de person ja da hinter dem foto nit: is de mit sich selber zufrieden? is ihr charakter gold wert? behandelt sie andere menschen gut? konn ma egal sein, bei mir trifft alles mit JA zua.

23. es gibt kan folschn zeitpunkt, richtige person. des is bullshit.

es tuat ma so lad, oba des als ausrede zu nehmen is so… doof. weil, wenn man zamm sein will, kann man es ja a sein, egal was da grad für a hindernis is. wenn a beziehung 3 monat ferne nit aushalten, dann is des a ka beziehung fürs leben. punkt aus.

24. am ende werd imma olles guat. 

stolz kann i verkünden, mit 24 richtig fein ankommen zu sein und zu wissen: die pubertät geht vorbei. der erste liebeskummer geht vorbei. auch der liebeskummer wegen freunden vergeht und am ende kimt imma wos noch besseres ausa. hey 2018 mitn blog gestartet von frankreich aus: jetzt darf i damit bisi geld verdienen, meine eigenen postkarten ausabringen und menschen inspirian. gehts bessa? I DOOOOOOOUBT IT.

und no a letzte soche: de kolt i ma a fian 25. noch auf: wenn du hinta an projekt stehst mit 130 prozent, donn wirds a funktionian und menschn wern spian, doss es dei gonzes herzbluat do drinn steckt. in diesem sinne: DANKE fia olles. die postkarten sein fost restlos ausverkaft und na des is nit selbstverständlich! und i bin so donkboa.

an alle de ma a schon gratuliat ham, danke doss eicha wertvolle zeit fia so viele liebe zeilen fia mi draufgongen sein. danke danke danke. ❤️