Schreibs mehr Liebesbriaflen!

Schreibs mehr Liebesbriaflen!

3. Oktober 2021 0 Von Laxobu

Ihr Lieben, heit is schon a sehr special tog fia mi. heit um 10 uhr gehn meine ersten postkoatn online. und ihr gregs jetzt a bisi an blick hinta de kulissn.

 

wir ham schon gestan bisi gegrübelt, wie i überhaupt auf de idee kemen is: weil long woa lei a eigenes biachl in mein kopf. (des kimmt noch, stressts mi nit hihi). und vor an guatn joa hob i a ähnliche idee ghabt mit briefen, aber des varrot i nit, weil des moch i donn eventuell a nächstes joa. 😉 auf olle fälle irgendwann im summa hon i gsog „zu mein geburtstag will i nit lei mia wos geiles gönnen, sundan a meinen follower*innen“. dann hab i ma a hochbegabte und superliabe grafikerin an de seite gholt, de liebe anne: wenn ihr in zukunft hochzeitseinladungen, sachen für taufen, logos oder ähnliches brauchts: call her!!!

Postkartln-Liebe

Mei 15-jähriges ich hot es damals mega fancy gfundn, de schlafzimmerwand mit postkartln vollzutapezian. Schon damals hab i de coolsten sprüche ausagsuacht und aufeghaut. wie stolz muas wohl mei junges ich sein, wenns heit de kartln sig? wenn eventuell meine postkartln in wenigen tagen auf ana wand von an jungen mädl hängt, des mi vielleicht sogoa als vorbild sig? na i blea nit, du bleast.

support is ka mord

gonz ehrlich: bisi bamml hon i schon. doss niemand wos bestellt, i gefühlt x-tausend karten daham liegen hab und de arbeit sich nit gelohnt hat. bin i ehrlich. auf da ondan seit denk i ma: seit 2018 predig i eich: support is ka mord. wenn ihr de chance habs jemanden a bisi a hilfe zu sein, tuats es! es muas nit zwingend a kauf sein, a repost is schon mal a anfang oda a weiterschicken an jemanden mit „schau, des wär woa fia di!“

wie oft repost i, wenn andere influencer*innen was rausbringen? wie oft mach i kostenlose und ehrlich begeisterte werbung für klane unternehmen aus da region? müsst i nit tuan und tuan a leider sehr viele menschen nit: oba i tuas weil i ma imma gwunschn hab:
Wenn i donn mol wos ausabring, greg i so vü support hinta, wie i imma gebn hob. ❤️ mit an kauf mochts ihr ma de greßte freid, des kennts ma nit glabn. hinta dem projekt steh i mit goooooonz vü herzl und vorfreude. vorfreude auf des, wos no olles kimmt ❤️

Onlineshop

a großes danke geht a an den Mister, der mein onlineshop aufgsetzt hot. und so ermöglich i eich den anfochsten bestellweg. ganz wichtig zu erwähnen: ab 3 kartln, de in den warenkorb gelegt werden, is es billiger. Mengenrabatt you know. des postkartenset enthält alle kartln amal. hinta jedem kartln steh i und gfrei mi natürlich, wenn ihr de an oda ondre storie damit mochts und mi verlinkts. und folls ane schenen liebesstories dank den briaflen ausakemen: tell me! i hab schon amal dazelt: ana meiner wünsche is es, doss wenn sich wer dank mir und meinen postkartln traut, jemanden seine gefühle zu beichten und de zwa irgendwann heiraten: i tat mi sehr über a einladung frein oda wenigstens a dankeskartl!! und natürlich holt i gern a emotionale hochzeitsrede 🌞

dankbarkeit

ihr segs, meine träume sein groß. oba so solls jo a sein. und wos i jetzt no abschließend sogn will, bevor ihr donn endlich ab 10 uhr shoppen kennts: danke. danke fias do sein, fian support, fia de lieben worte, de ersten feedbacks und doss ihr irgendwie imma on mi glabs. wie oft i in den letzten tagen kert hab „du bist a vorbild!“ danke, des bin i gern und des ehrt mi a sehr ❤️ wenn ihr nit so a geila haufn warats, tat i ma des a nit ontuan miasn. wenn mei angst zgroß wär, doss niemand wos kaft: freind*innen, i hätts goa nit umgsetzt. wenn des urvatraun in eich und a in mei geiles projekt nit do wa, hätt i es nit geton. deshalb echt danke, doss ihr mi so kreativ sein lossts. genau des is des, wos i neben mein vollzeitjob brauch. so konn i mi zu 130 Prozent verwirklichen und hoff a, doss ihr olle wos findets oda schon gfundn hobs, wo ihr eich verwirklichen kennts.

naja dann: ab 10 uhr gehts los. ❤️