Die Durchfall-Theorie
heit red ma mol über wos beziehungstechnisches. obwohl es muas sich nit mal um a beziehung handeln, oba wenn ihr grod überlegs: just for sexln oder doch eher zum zommsein? donn gehts de thematik mol kurz mit eich selba durch.
die durchfall-theorie klingt bisi wild, i was. homa olle schon mol ghobt und hjo. de theorie is eigentlich gonz anfoch.
wer sich datet, lebt in ana ondan welt. FAKT. weil so sauba is de wohnung lei beim date. weil so oft tuat niemand bett neich überziagn und ohaaaaa wie oft holt man wirklich de chicen weingläser ausn kastln und stabt de ob? weil real talk: wein schmeckt a aus da flasche geil (lol.) wir sein bei dates immer cute angezogen, schaun, doss ma nit stinken und hjo: diese verliebtheitsphase is special, weil de wenig mit da realität zum tuan hot.
man isst meistens davor was und erledigt de arbeit davor. man stellt es handy leise und irgendwie is olles so jungfräulich. und man is halt a voll auf de person konzentriat und de person is mega liab zu an.
oba is des jetzt lei grod so oda is des fia imma so?
du wast nit, ob der kerl/ gurl jetzt dei freind*in sein soll oda doch gspusi bleibn darf? naja.. würdest du neben ihm durchfall haben wollen? soll er da klopapier bringen, wenn es ausgangen is und soll er nach dir aufs klo gehn? wenn du da denkst „BAH NAH GRAUSIG..“ dann überlegs da nochmal!! i mans ernst. es klingt so „komisch“, oba es is so real. wenn du ok mit solchen situationen bist- go for it!
mein privates beispiel: Lockdown. wer sich frisch datet und dann in an lockdown landet verlängert de verliebtheitsphase, des kuschelige neste und de zweisamkeit. und donn greg i ungelogen am wochenende vom ersten lockdown so oag meine toge. also mit bauchkrämpfen, speibn, weinen und co. also des volle programm. auf 30 qm kannst du des nit verstecken, geht nit. kannst nit im klo einsperrn und blean. es funktioniert nit. deshalb war ma davor klar: egal mit wem i de quarantäne/lockdown phase überleb, de person muas des olles überstehen. spoiler: woa ka großes ding. und jemanden, der da den bauch massiert bei den krämpfen, is gold wert. und jemand, der da tee macht.
generell: solche sachen sein menschlich. sogoa da mega cute tom holland oder mats hummels hom ab und zua mal dünnpfiff. 😉 auch supermodels haben des! kloa red ma wenig drüber und man will dem gspusi a nit sogn „freind, i stell da mal kamot 3 stund an eine“ OBA ES IS HOLT SO.
also bei der frage, ob des mit eich jetzt wos ernstes wird überleg kurz:
Willst du de person kranker im bett liegen segen und dessen schweiß im notfall obaduschn gehn? bist du ok, wenn de person sig, wie du drauf bist, wenn du richtig weh hast?
kurz anfoch on de nit so bequemen dinge denken. und schon hot man kloaheit.
de richtige person wird immer, in jeder situation passend fia di do sein. jemand, der bei solchen sachen sich zupft oda di grauslich findet- sog ciao baba.
ps: i persönlich (!!!) bin imma no da meinung, a monn der es grauslich findet, wenn a frau ihre toge hot, is es nit wert, doss er unta eichre höschen deaf. i man, des is natur, wir suachn uns des nit aus und wir sein olls ondre außa grauslich!! ciaaaao!!