Toxisch oda nit?

wir ham schon über toxische beziehungen gschrieben und oft gredet. oba heit muas i a wie imma de gegensätzliche seite onredn: diese fake toxische seite.

auf instagram hat sich diese niesche von menschen gebildet, de nix andres machen, als am liabstn über toxische menschen zu redn. dei mann nimmt sich nit am gleichen tag urlaub wie du, weil er sein urlaub für a weltreise spart? TOXISCH. dei beste freundin foat zu ihrer schwester, anstatt mit dir kaffee trinken? TOXISCH. dei chef sagt, dass er dei arbeitsmoral unzufriedenstellend findet, weil du die 5. deadline versamt hast? TOXISCH. ok sorry, TOXISCH is des alles nit. eher find i es toxisch, dass man solche sachen als toxisch sig???

ja „red flags“ gibt es genug. stimmt. wenn jemand dir sag „weil du jetzt nit da woast, fühl i mi scheiße., du bist schuld, wenn mir jetzt was passiert.“ oder a solche aussagen wie „wenn du medizin studierst, finanzier i da des studium, oba wenn du so was schwachsinniges wie literatur machst, muast selba kloakemen!“ ja es gibt tausende anzeichen, wenn beziehungen zwischen menschen nit gsund sein. egal ob eltern, partner, friends und co. und i halt nix von menschen, de andre so manipulian.

Oba gonz ehrlich: wenn mei partner liaba mit sein bruada was macht, anstatt mit mir. IS DES NIT TOXISCH.

i sig jetzt imma wieda stories von menschen, de es lieben ihr privat privatleben online zu stellen. is jo ok, is jedn sein. oba in meinen augen muas man nit olle seine launen posten und vor allem nit andre menschen im internet so richtig bloßstellen. es gibt da paar kandidat*innen, de i als beispiel bringen könnt, aber nö. da wird jemand versetzt und ja da wär i a kurz traurig. oba donn online stories reinzuhaun mit „ich hätt die toxischen zeichen sehen müssen. lasst mi einfach sitzen!! grausig, wie arm manche menschen sein.“ na bitte: deine 20 tausend follower*innen glauben jetzt, amal versetzt zu wern is a toxisches kennzeichen??? ohne zu wissen, warum du versetzt woan bist? woa es krankheitsbedingt, hat a andre mensche de person dringender gebraucht oda woast eventuell DU selber schiach zu der person?

du kannst gewisse aktionen nit vergeallmeinern und vor allem nit sagen, DES GENAU SO IS TOXISCH und des nit.

wenn di jemand von 7 mal 6 mal versetzt, is des wos ondas als wenn man absagt, weil da beste freind liebeskummer hat.

wenn dir wer sag, de person findet dei kleid zu kurz, is verletztend und geht de person des nix an. wenn dir dann aber der partner sag, du darfst so nit raus gehen und sperrt di in da wohnung ein: des is a ganz andre situation.

du verschüttest kaffee. da partner sog „ma pass bisi auf, du nuss!“. is des echt es selbe wenn er sog „wie depat konn a mensch sein? du bist zdepat zum scheißn. ram den scheiß sofort auf sunst gibs wos!“. is nit es selbe oda?

i tat ma wünschen, doss man viel früher toxische beziehungen erkannt hätt und a ghandelt hätt. generationen vor uns ham schläge zuhause als normal angsehen. a ehe, wo da mann der frau sog wos zum onziagn is und wie oft man sex hat, woa normal. und i bin nit blind und depat: leider gibt es immer noch so ane konstellationen. und ja, i sig es a bisi als mei aufgabe, eich de augen zu öffnen.

wenn eicha partner über eich bestimmen will, vergesst nit: es is eicha körper. es is eicha leben. a partner bleibt nit zwingend fia ima, oba ihr selba hobs eich fia imma on da backe.

solltets ihr des gefühl ham, eia beziehung, egal mit wem, is toxisch. redets mit außenstehenden drüber. holts eich hilfe und i wünsch eich von herzen, ihr kems do ausa.

findets ihr a, doss des wort toxisch heite zu oft unbedacht verwendet werd? schenen sonntag. 

ps: GANZ BALD kimt a mega projekt auf uns zua. i bin so hyped und sitz an den vorbeireitungen. i werd vermutlich eich raten lassen, was da so kumt. ma bitte, bleibs olle do, des diafts nit verpassn. 🌞