motivation
wie i mi motivia frogn se mi. wie i mi motivia sog i sehen a. I tua anfoch olles fia mi selba. punkt aus.
fertig getippt? naaaa, noch so ana longen Abstinenz von mein blog, erwoatet eich echt wos guats. und motivierendes. obwohl es mehr so a tritt in oasch is als a bussi auf de nasnspitze.
generell sprich i jetzt des thema motivation außerhalb von studium und schul on. diese lernmotivation is wieda wos ondas zum thema sport/ mindset/ selbstliebe. Oda? oda nit? i was es nit. wos i lei was, doss i lang ka motivation gfundn hab zu trainieren.
de lisa mog sich selba nit SOOOOU gern. also sie was sie is a maus, oba ka spezielle. bei an typen passiat glei amol, doss sie sich hergibt, olles tuat und sich valiat. hauptsoch er is glücklich. dabei tuat de lisa ungefähr ollen mindset-influencaaaaan folgen, de es so gibt. täglich liest se affirmationen und repostet de quotes ohne ende. oba es haut nit hin. warum haut es bei ihr nit hin und bei ollen schon? und warum liked ihr ex des Foto von dem mädel „des ihm nix bedeutet???“ oh.. wieda abgelenkt woan.. und genau do homa den solot: sich selber lieben und zu finden is ka soch, de nebenbei geht. des is bisi a vollzeit job, den man mit da zeit gerne mocht. du konnst selbstliebe nit via instagram aufnehmen, sowie a schnelle storie. de lisa wird no long kan weg zu sich finden, wenn sie nit verstehen lernt, doss SIE der mittelpunkt is. sie wünscht sich vom universum, doss der bua sie küsst und doss er hintaschreibt und doss se 400 likes auf ihr bildl greg. werd des olles passian? vermutlich nit. weil sie noch nit so weit is. wos tatn da lisa 400 likes bringen? es tat ihr mehr bringen, wenn se a zeichen greg, wie bsundas sie is, wie stoak sie is und doss sie am ende ihr eigene beste freindin is.
da manu geht nit ins fitte, um de heißn mädels zu beeindrucken, de do umasteign. obwohl… vielleicht is des a klans goodie fia sei motivation. oba er geht holt nit do jedn tog eine pumpn, weil er an body hom will wie da neiche von seiner ex. weil wos i so mitgreg hab: ka mensch auf der welt geht anfoch so ins fitte, ohne sein gesamten ernährungsstyle anzupassen, um ergebnisse zu segn. er kippt sich nit für ondre den ranzigen proteinshake mit haferflockn obe. er steig nit komplett wacha ins auto ein und merkt, doss seine fias nit amol mehr kuppeln wolln, lei um auszuschauen wie X. er tuat es fia sich.
großa tipp, der Motivationsschub gib: machts eich a vision board. NA des muas nit so fancy ausschaug, wie bei den ganzen girls auf insta. ihr brauchts do kane glitzerpickalen kafn und donn do sochn aufetuan, de ihr irgendwie lei wollts, weil se ondare wolln. i zum beispiel hab via canva a vision board fia a joa gmacht. und des hot lei 6 sochn obn und fia mi sein olle 6 sochn herzenswünsche und ziele, de i nit mit an schnippsa erreich. schon beim überlegen, wos do aufekimmt woa i gonz wuschi und „omg stell da vor des passiat.“ und wos woa? am tag nachdem i des vision board erstellt hab, hob i es erste schon obastreichn kennen. zufall??? NÖ SCHICKSAL! machts eich a visionboard mit 3-7 sochn, de ihr wirklich erreichen wollts. und donn pinn holt pamela reifs popo aufe und sog: „DEN POPES WILL I A“ oba dafia muast a DU SELBA ins fitte steign, de hip thrusts mochn und de tode am nächsten tog sterben. du selba muast schaugn, doss du genug proteine zu dir nimmst. wenn du a ziel vor augen hast, muast a kompromisse mochn, zamm beisn und hoat kämpfen.
kurzes ausschweifen: wollt auf mei vision board a auto haun. hob i oba nit, WEIL I MI NIT entscheiden kann. und weil ma schon so long nerma gequatscht hom: jo i wü immer noch a a-klasse ODER an audi sq7. kurzfristig wollt i doch an q2, dabei merk i, do konn i glei bei mein spukalen bleiben. guat doss i ma kan q2 manifestiat hon, sunst tat i den in a poa monat foan und donn denken „i wü doch liaba an e-mini oda wie was mit an q3??“ hauptsoch automatik. oba des autothema beschäftigt mi privat schon seit Monaten und einigen werkstattbesuchen soooooo sehr, doss i es do a kurz auseglosn hob. najo weiter im text:
wenn es wos is, wos du echt erreichen/machen/haben willst, dann is es da a wert wos zu tuan dafia. wenn du es fia di selba tuast, gehts nochmol leichta. du mochst des schon. glab bitte selba so on di, wie i es tua.