So wos von 2016!!

So wos von 2016!!

21. Juli 2021 0 Von Laxobu

Hi, peeps: i will unbedingt bisi mit eich in erinnerung schwelgen, oder donn doch eher in scham ertränkt werden? die rede is von 2016, warum a immer, oba des is so a prägendes joa fia jedn gweesn oda? des vagisst man nit so schnell: sowie es erste Bussi, obwohl. des konnst donn decht schnell vagessn, wenn des zwischen drei shots SOURZ passiat is oda so.

ON FLEEK

start ma mitn look von 2016: i denk do anfoch imma on so an instagramfilter der perfectly perfect hasn tat. weil deine augenbrauen sein ON FLEEK. wenn kana gsog hot zu dir, deine augnbrauen sein ON FLEEK, gurl… donn host du noch mehr zeit zum investian ghobt in diese kack zwa hoastrafn iba deine augn. und ON FLEEK woa donn decht sehr dunkel, sehr deckend und nit so gonz natürlich. also pinzette woa domols mei bffiue. weil do host JEDEN TAG augenbrauen gezupft und wenns ka haarle gebn hot zum zupfen, host trotzdem gezupft, und deshalb glab i bin i bisi geschädigt und tua heit echt nerma gern meine augnbrauen richten hahaha. wos domol e am bestn gwesn wa: augenbrauen abrasieren und ON FLEEK aufe moln. also.. wenn man do kuaz ausrutsch wa holt echt gschissn grissn..

kontua

wos gibs nie gnua?? genau: KONTUA. also des sein so diese hellen und dunklen töne de du da ins gsicht schmiast, um irgendwie a ondre gesichtsform zu gregn. facetune fia oame. obwohl oam.. kontua produkte woan nie günstig- creme, Puder, stick… olles gibs. und des ane sollt aschig sein, bei ondre solls glänzen.. kompliziat. schwöre i hab ma mal von da bibibeautypalace a video ongschaut, der frau hon i nie gefolgt und do hot se gsog, du muast an dreier von da stirn bis zum kinn mochn quasi und des tua i bis heit so. oba heit konturia i nerma so on fleek und perfekt, heit geht des mitn bronzer zack zack zack. bronzer und blush woan domols eher so de bösen stiefschwestern, heit klatsch i ma gern bisi foab ins gsichtl. generell woan diese looks olle so perfekt und dei haut woa komplett matt und da highlighter hotd onn olles gebääääsht. dabei sein so glowy skin, bisi rötungen und unebenheiten glott schena wia so a perfekte maske. oda? Oda?

bitch-band

lol, diese choker-ketten ham ja an retour ghabt. also in den 90er woans groß und 2016 hama diese hunde-kettn a gern getrogn hahaha. und a person hot zu mir gsog „du des is dei aufreißer look: des bitch bandl reißts imma ausa!“ und hjo wos soll i sogn. woa wohl 2018, wie i single woa, a imma no a highlight. aber choker woan und sein irgendwie immer noch steil. oda nur in meinen augen?

Pokemon Go

OMGGGGGG des woa so wos von bescheuert oda? i bin nit mitgongen, oba als bei unsan glanda daham a pokemon onscheinend gsessn is und do kinda her gongen sein woa i so „aha ok. so bringt man kids von da couch auf ab in de natur.“ des woa jo echt fia viele der Hammer? dabei woa des donn doch eher a Daten-Sammelei fia de Großkonzerne und a gefühlte Monsterjagd fia de Kiddos.

Fit-Girl

Durch Coroni hot dieser Fitnesswahn wieder an Hype mehr greg, oba 2016 woa so des joa wo es gefühlt 342349238490 Min-Pamela Reifs und Sophia Thiels geben hat. Woast du im Fitte? Lei wenn du des Insta gepostet hast. Dazu braucht es nur a cutes Outfit und dann noch a Spiegelselfie in ana ordentlichen Pose. Sprich: popo ausa und bauch eine und bisi drahn und an fuaß hinta. ZACK HIGHLIGHT. Wo bleiben die Kooperationsanfragen?????? FitTea (is ja heut nerma erlaubt, Abnehm-Tee und Detoxkack zu bewerben glab i ..) und irgendwelche Booster und dann doch noch a paar Leggins und juhu. I bin heut a fitteres Girl als 2016 und sogs amol so: nit jedes training zu fotografian bringt trotzdem wos.. a guats körpergefühl. Und i schaug mittlerweile nackiger bessa aus als in Gwand. Ahahhahahhahahaha

DAB

i bin froh, doss i 2016 nerma wiedererleb weil do hom de leit um mi uma so viel gedabt, doss i heit glab i durch de reih gehn tat und JEDEN ane auflegen tat. spaß. oba olta der move is jo sowos von oam oda? ahhaha. Unnützes Wissen von stern.de: Populär wurde der “Dab” durch den amerikanischen Footballspieler Cam Newton, der während eines Spiels acht Sekunden “dabbte”.

i bims

omg i hab angst, dass leit bis heit no so redn und nerma wissn wie man gscheid redet. (sog de im dialekt schreibende bloggarin laxo) i bims 1 süßkind. jo na passt. vong der niceigkeither bimst du schon voll ok. psssssst. ruhig. begrab ma de jugendsprache von 2016, okeks?? vong aufklärungher bim i voll guate bloggarin.

snapchat

oha. snapchat. war amal DIE plattform schlecht hin, heit öffnet man des mit der angst 3243249 dickpics zu gregn. na ohne witz. influencer ham da ihre kooperationen abgespielt, stundenlang is man vor der app gsessn. da hats insta-stories noch nit geben. und donn gabs da diese echt sorry bescheuerten filter mit hundezunge und wah. und snapchat-flammen sammeln und aufrechterhalten. amal woa a typ a woche ohne handy und hat seiner klanen schwester gsog sie soll jedn tog alle ansnapen, damit er de flammen nit valiat. wer will mit mir flammen aufbauen??? I LÖSCH SE EICH OLLE MIT SPUCKE. So schaug jo ka kommunikation aus oda? des is jo nix, mit wem bildlen von nix und wieda nix hin und her zu schiasn. und donn, i woa do nit dabei: ham es viele zum sexting verwendet. i kenn jungs, de ham senre erste mumu via snapchat gsegn. hobs des a eicha mumu fotografiat?? und gschickt?? und videos gmacht? i man softpornos von oft minderjährigen auf ana plattform de NIT sicher is.. mir wird imma no schlecht und i hoff man tuat des heit nimma. oda? BITTE NIT.

yolo

2016 hot man no kane sorgen ghabt. corona woa weit weg, es erwachsen sein a und verantwortung sowieso. i woa frische maturantin, wos hätt do sein kennen. wir hom olle so glebt wie #yolo. you only live onces. wer hot sich des eigentlich olles so tätowiat? auf olle fälle woa es schon a entspannte zeit, irgendwie? getränke woan beim ausgehen noch wesentlich billiger. de schmusarein viel ungezwungener und diese zukuftsfrage hot man auf 2021 verschoben und jetzt steht man vor dem haufen fragen. WUHU.