schreib hinta olta?

schreib hinta olta?

18. Juli 2021 0 Von Laxobu

i hab heit schon zwa blogposts gschriebn. ana is happy peppy und ana is wichtig. jetzt kimmt no ana, der a glei online geht.  weils mi persönlich so onzipft. hahaha. mei blog is glei mein therapiesitzung. lol. i deaf des ok?

imma wieder greg i davon spitz und jeds mol regs mi auf und momentan kenn i des selba a. leit, de anfoch nit hintaschreiben. OLTA?????

disclaimer: i red nit von menschen, de nie also goa nit antworten wollen. des is wos ondas. i man de halunken, de nachrichten BEWUSST stunden oder tage später erst beantworten. i man.

i vasteh des game anfoch nit. ka bisi. warum muast du bitte den snap von da elisa in da frua aufmochn, sie auf gelesen lossn und am obend erst hintasnappen und donn a nerma auf ihr frog eingehen? wieso bitte? de elisa hot den GANZEN tag damit verschwendet on di zu denken. is des so a psychologisches trick? sich „interessant zu mochn?“

natürlich bin i selba ka guates beispiel, wenn i stress hon öffne i meine privaten whatsapp nachrichten a lei von den fix-menschen in mein leben. OBA wenn i sig doss do wer andeutet mi zu frogn, ob i mi in naher zukunft mit senen treffn will: schaug i des jo glei on oda? wie oft passiat ma, doss de person donn am sonntag antwortet, wenn i am MONTAG frog „moch ma wos? bis samstag hab i zeit?“ und de person donn „jo äh du es is sonntog also e bled gongen.“ und wenn de personen sich e mit dir treffen wollen, check i des nit.

freinde, es braucht kan alk um gewisse nachrichten zu beantworten. im gegenteil, oft is nüchtan nix schüchtan sundan BESSA. wenn du an mut in form von drei tequila und vier mojitoooos für a nachricht brauchst, wie stellt du da de gesamte beziehung (egal welche form) mit der person vor? ongsoffn zum ersten date/treffen kemen? i man. i find handys kern ob ana gewissn uhzeit weg. wenn alkohol im spiel is. bin es beste beispiel: homa glott amol mein crush vor 3 joan amol mitten in der nacht geschrieben. wos? „hallo.“ jo i hab vier mädels, drei therapiestunden in ana bar und schlussendlich de finger ana freindin gebraucht, de hallo eingetippt und versendet hat: für a hallo. wos is passiat? am nächsten morgen, wo a hallo hinta kemen is, hon i nit gwusst wos jetzt. und hob ihn nie geantwortet. goodbye my lover ahhahhahhahha. na schwöre, a IQ-Partie von 5!

i vasteh wenn man nit jeden menschen glei antworten will und doss es vor allem wenns fremde sein, nit glei de zeit aufwendet. oba in puncto FREINDE: olta de hom a antwort verdient. a schnellmögliche. nit auf read lossn und donn hintaschreiben. ok? vor allem wenn de person a spicy thema hat zum beispiel es gspusi: wenn du donn nochfrogst konn sein doss des gspusi nimma aktuell is und schon wer ondares interessant is. und du vapassest des olls.

ES IS ECHT NIT „CRINGE“ WENN DU A NACHRICHT INNERHALB VON 2 MINUTEN BEANTWORTEST. wenn du e den ganzen tag in dei kastl eineschaugst, konnst ihm oda ihr a glei ontwoatn???? des hot nix mit interessant zu mochn zu tuan. des is anfoch a bisi a kindgoatnpartie. mehr nit, obwohl im kindagoatn sein de kinda nit so gemein und ontworten schnella.

neicha trend 2021: glei antworten, wenn man zeit hat! ok??